$باکووری کوردستان$
- لە #ڕوحا# لە ئەنجامی هەڵکوتانەسەر ماڵاندا بەکر کاراگەچیلی ئەندامی ئەنجومەی پارتی #دەبەپە#، خدر ئۆکتای هاوسەرۆکی #هەدەپە#ی وێرانشار و ئیحساک گوندوز بەڕێوەبەری ناوچەکە دەستگیرکران. ڕاگەیەنرا کە بڕیاری دەستگیرکردنی ئەندامی ئەنجومەنی هەدەپە سەما ئایشەئۆغلۆش دراوە. هەرسێ سیاسەتمەدارە کوردەکە بۆ بەڕێوەبەرایەتی پۆلیسی شارەکە گواسترانەوە.[1]
- لە بەندیخانەی شاری #وان#، 4 زیندانی سیاسی تووشی ڤایرۆسی کۆرۆنا بوون. تووشبووان لە نەخۆشخانە کەرەنتین کراون.[1]
$رۆژهەڵاتی کوردستان$
- بەرپرسی ڕێکخراوی دادوەریی هێزە چەکدارەکانی پارێزگای سنە، باسی لە مەحکوومکردنی 5 زیندانی بە تاوانی یارمەتیدانی زیندانییان هەڵاتوو لە زیندانی #سەقز# کرد.[5]=KTML_ImageCaption_Begin==KTML_StyleDiv=width:25%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/384460/0008.JPG=KTML_ImageCaption_Title=ئاگر لە دارستانەکانی سەوڵاوا کەوتەوە=KTML_ImageCaption_CaptionStyle=000000=KTML_ImageCaption_Caption=ئاگر لە دارستانەکانی سەوڵاوا کەوتەوە=KTML_ImageCaption_End=
- شەوی ڕابردوو ئاگر لە دارستانەکانی شارەدێی #سەوڵاوا#ی سەربە شاری #مەریوان# لە پارێزگای #سنە#ی ڕۆژهەلاتی کوردستان کەوتەوە و ئاگرەکە هێشتاش بەردەوامە. تیمێکی ئەنجومەنی سەوزی چیا کە ڕێکخراوێکی ژینگەپارێزییە، لەگەڵ خەڵکی ناوچەکە بۆ کوژاندنەوەی ئاگرەکە چوونەتە ناوچەکە. باس لەوە دەکرێت کە ئاگرکەوتنەوەکە بە مەبەست بووە، هاوشێوەی زۆربەی ئەو ئاگرکەوتنەوانەی لە دارستانەکانی ناوچە سنوورییەکانی ڕۆژهەڵاتی کوردستان ڕوودەدەن.[1]
- بەپێی هەواڵیکی کۆمەڵەی مافی مرۆڤی کوردستان، هاوڵاتییەک بەناوی ڕەزا ڕەمەزانی خەڵکی شاری شاباد سەربە پارێزگای #کرماشان#ی ڕۆژهەڵاتی کوردستان، لەلایەن ئیتڵاعاتی سوپای پاسدارانی ئێرانەوە دەستگیرکراوە. بە گوێرەی هەواڵەکە، ڕەمەزانی دوای دەستگیرکردنی، لەلایەن هێزە ئەمنییەکانی ئێرانەوە ئەشکەنجە دراوە و هەڕەشەی لەسێدارەدانی لێکراوە و ناچار بە دانپێدانانی زۆرەملی کراوە. لە هەواڵەکە هەروەها هاتووە: ڕەزا ڕەمەزانی بە تۆمەتی ‘سووکایەتی بە پیرۆزییەکان’ لەلایەن ئیتڵاعاتی سوپای پاسدارانەوە لەگەڵ چەند کەسێکی دیکە دەستگیرکراوە.[3]
- بەپێی ئامارەکان 25 تووشبووی دیکەی کۆرۆنا لە ڕۆژهەڵاتی کوردستان گیانیان لەدەستداوە، 10 کەسیان لە #ورمێ#، نۆ کەسیان لە کرماشان، چوار کەسیان لە سنە و دووانیشیان لە #ئیلام# بوون.[8]
- ژنێکی لاو بە ناوی شەکیلا زەحمەتکێش تەمەن 25 ساڵ خەڵکی گوندی تین سەر بە بەخشی باینگانی شاری #پاوە#، کۆتایی بە ژیانی خۆی هێنا.[5]
$باشووری کوردستان$
- تۆپخانەکانی سوپای تورک، لەناو خاکی هەرێمی کوردستانەوە تۆپبارانی چەندین گوند دەکەن لە سنووری #برادۆست#.[3]
- بەهۆی نووسینی “#کەرکووک# تورکمانییە و بەتورکمانیش دەمێنێتەوە” لەسەر تابلۆکەیان، دەرەنگانی شەوی ڕابردوو هێزێکی لیوای 61ی تایبەت بە سەرۆک وەزیرانی عێراق، چووە سەر بارەگای بزوتنەوەی نەتەوەی تورکمانی لە شاری کەرکووک، بەڵام ڕێگەی لابردنی تابلۆکەیان پێنەدرا.[3]
- لە 24 سەعاتی ڕابردوودا 294 کەس تووشی کۆرۆنا بوون و 11 تووشبووش گیانیان لەدەستداوە و 140 تووشبووش چاکبوونەتەوە.[6]=KTML_Photo_Begin=https://www.kurdipedia.org/files/relatedfiles/2020/384460/0016.JPG=KTML_Photo_Alt=08-07-2020=KTML_Style=width:50%;height:20%;float:left;=KTML_Photo_Target_Link=https://www.kurdipedia.org/files/relatedfiles/2020/384460/0016.JPG=KTML_Photo_End=
- وتەبێژی بەڕێوەبەرایەتی گشتی تەندروستی هەولێر ئاشکرای دەکات، ژمارەی تووشبوون بە کۆرۆنا گەیشتە نزیکەی 650 کەس وبەشێک لە تووشبووان باری تەندروستییان ناجێگیرە.[2]
- بە بەشداریی نوێنەری پێکهاتە ئایینیەکانی هەرێمی کوردستان, یەکەمین دیداری تێڕوانینی ئایینەکان و خۆپارێزی لە ڤایرۆسی #کۆرۆنا# لە #هەولێر# بەڕێوەچوو. نوێنەری هاووڵاتیانی کریستیان سەبارەت بە ڕێکارەکانی ڕێگری لەم ڤایرۆسە باسی لە شێوازەکانی خۆپارێزی کرد و، پێشنیازی کردنەوەی سەرجەم شوێنە ئایینییەکانیش دەکات.[2]
- کارمەندانی هاتوچۆی ناڕازی لە کۆنگرەیەکی ڕۆژنامەوانیدا ڕایانگەیاند: بە کۆی دەنگ بڕیارماندا تا 25-07-2020 بایکۆتی دەوام ڕابگرین لەسەر بەڵێنی بەڕێوەبەری هاتوچۆی ناو شاری #سلێمانی#، کە داوای کرد چەند ڕۆژ مۆڵەتی پێبدەین بۆ جێبەجێکردنی سەرجەم داواکارییەکانی کارمەندانی هاتوچۆی ناڕازی. ڕاشیانگەیاند: بڕینی مووچە هێڵی سوورە و دەبێت 30 ڕۆژ جارێکیش مووچەمان پێ بدرێت.[4](بڕوانە فایلی پەیوەندیدار)
- کەشناسی هەرێم ڕایگەیاند، بومەلەرزەیەک بە گوڕی 4.2 پلە بە پێوەری ڕێختەر بە قوڵایی 11 کم لە سنووری باشوور و ڕۆژهەڵات لە دووری 19کم لە سەنتەری شاری #خانەقین# ڕوویدا.[7]
- ڕۆژنامەنووس و هونەرمەند #شێرزاد عەبدولڕەحمان# کۆچی دوایی کرد.[6]
$دەرەوەی کوردستان$
- مایکڵ ڕۆبن، نوسەر و لێکۆڵەری ئەمریکی لە پەیمانگای ئینتەرپرایز لەمیانەی شایەتیدانێکدا لە بەردەم لیژنەی ئازادی ئاینەکان پێشنیازیکرد، پارتی کرێکارانی کوردستان (#پەکەکە#)، لەلیستی گروپە تیرۆرستییەکانی ئەمریکا دەربکرێت، دەشڵێت، پۆلێنکردنی تیرۆرستی زیاتر لە تورکیا دەوەشێتەوە نەک پەکەکە.[4]