- شەڕوپێکدادان لە کۆڵانەکانی کۆبانی لەنێوان شەڕڤانان و چەکدارانی داعشدا درێژەی هەیە و کۆبانی هێشتا هەر خۆڕاگرە.
- جەژنی جەمای کوردانی ئێزدی کە ساڵانە لەم ڕۆژەدا بۆ ماوەی یەک هەفتە لە پەرستگای لالش ئەنجامدەدرێت، ئەمساڵ بەهۆی هێرشەکانی داعش ئەنجام نەدرا.
- لە دوای چالاکییەکانی گەلی باکووری کوردستان بە ئامانجی پشتیووانی لە کوبانێ و شەرمەزار کردنی پشتیووانییەکانی دەوڵەتی تورک لە چەتەکانی داعش و هێرشی پۆلیسی تورک بۆ سەر جەماوەر ئەمڕۆ (2) کەسی دیکەش لە شاری ئامەد گیانیان لەدەستدا و ژمارەی قوربانیان لە شاری ئامەد گەیشتە (12) کەس. سەرجەمی قوربانییەکان لە ماوەی 3 ڕۆژدا 20 کەسی تێپەڕاند و سەدانیش بریندابوون.
- لەخۆر ئاوای شاری کەرکووک بەهۆی کەوتنەخوارەوەی گوللە هاوەنێکی چەکدارانی داعش بۆ ناو بارەگایەکی هێزی پێشمەرگە، ئەفسەرێکی پێشمەرگە شەهید بوو و چواری دیکەیش بریندار بوون لەبەرانبەریشدا پێشمەرگە چوار چەکداری داعشی کوشت.