باکووری کوردستان
- ساروخان ئولوچ و مەڕال دانش بەشتاش سەرۆکەکانی فراکسیۆنی هەدەپەهەدەپە داوایان لە پەرلەمان کرد کە لەبارەی ڕاپۆرتی سی پی تی کە باسی خراپی دۆخی زیندانیانی کردبوو، لێکۆلینەوە لە دۆخی زیندانەکان بکات. لە داواکاریەکەدا باسی ئەوەکرا کە لێکۆلینەوە لەسەر ئەشکەنجەدان و کردەوەی دەرەوەی مرۆڤایەتی لەبەرانبەر زیندانیان بهێنرێت.[1]
رۆژهەڵاتی کوردستان
- هونەرمەندێکی کورد بە ناوی عەبدوڵڵا چاوشی خەڵکی گوندی حاجی لەک سەر بە چۆمی مەجیدخان لە بۆکانبۆکان، بە دانانی بارمتەی 100 ملیۆن تمەنی لە زیندانی ئەو شارە ئازاد کرا.[6]
- کۆڵبەرکۆڵبەرێک بە ناوی ڕەزا عەبدوڵڵاهی خەڵکی گوندی تاوەگوزی سەر بە شاری سەلاسی باوەجانی، لەلایەن هێزە نیزامییەکانی حکوومەتەوە، لە سنووری نەوسوود ئازار و ئەشکەنجە درا.[6]
باشووری کوردستان
- سابیر کوردستانیسابیر کوردستانی لە زێدی خۆی لە کەرکووککەرکووک بەخاک سپێردرا.[3](بڕوانە فایلی پەیوەندیدار)
- ئیحسان چەلەبی، بەڕێوبەری شارەدێی سیدەکانسیدەکان ڕایگەیاند، فڕۆکەکانی تورکیا، ئۆتۆمبێلێکی یەکەی پاسەوانی سنووری سەر بە سوپای عێراقیان بۆردومان کردووە و زیانی گیانی هەیە. بەڕێوبەری شارەدێی سیدەکان ڕوونیکردەوە، لە ئاکامی ئه و بۆردومانەی فڕۆکەکانی تورکیا ژمارەیەک سەرباز و ئەفسەری پاسەوانی سنوور کوژران. بە گوێرەی زانیارییەکان فەرماندەی فەوجی سێی پاسەوانی سنوور، عەمید زوبێر حالی، لە ئاکامی ئه و بۆردومانەدا کوژراوە. هەروەها محەمەد ڕەشید، فەرماندەی لیوای 2ی پاسەوانی سنوور لە دەڤەری سۆرانسۆران کوژراوە.[4]
- پاش ماوەیەکی زۆر لە دابڕان و ناکۆکی، هەردوو مەکتەبی سیاسیی پارتی و یەکێتی لە دوکاندوکان کۆدەبنەوە.[3]
- لاهور شێخ جەنگیلاهور شێخ جەنگی ڕایگەیاند کە تووشی ڤایرۆسی کۆڕۆنا بووە، بەڵام ئێستا تەندروستیی باشە.[3]
- وەزارەتی تەندروستیوەزارەتی تەندروستی هەرێمی کوردستان ڕایگەیاند، لە 24 کاژێری ڕابردوودا 653 کەسی دیکە تووشی کۆرۆنا بوون و 13 کەسیش گیانیان لەدەستداوە.[2]
- نیوەڕۆی ئەمڕۆ فڕۆکە جەنگییەکانی دەوڵەتی تورک دەوروبەری گوندی ‘یەکمەلێ’ سەربە شارەدێی کانی ماسی لە ناوچەی ئامێدیئامێدی سەربە دهۆکدهۆکیان بۆردوومانکرد.[1]
- کاتژمێر 7:00ی بەیانی ئەمڕۆ هێزەکانی سوپای سنوور و ژمارەیەک پێشمەرگەی هێزەکانی 80ی پێشمەرگە بەره و گەروی هاجەرێ ڕۆیشتن کە گەریلاکانی پەکەکەپەکەکەی لێ نیشتەجێیە و چوار شوێن بەیەکەوە دەبەستێتەوە. لەئەنجامی چوونی هێزەکەی پاسەوانی سنوور و پێشمەرگەکان، دەستڕێژی گوللە لەنێوان هەردولا دروستبووە و بەوهۆیەشەوە هاووڵاتیەک کە کۆچەرە و لەناوچەکە بو برینداربووە، لەئێستادا هێزەکانی سوپای عێراق و پێشمەرگەکان کیلۆمەترێک لە گەروی هاجەرێ دوورکەوتوونەتەوه، بەڵام دەیانەوێت دووبارە بچنەوە بۆ ئه و ناوچەیە و بیخەنە ژێر کۆنترۆڵی خۆیانەوە.[5]
- دادگای سلێمانیسلێمانی بڕیاریدا هاوسەری سێوان قادرسێوان قادر بە تاوانی کوشتنی خێزان و سێ منداڵەکەی، لەسێدارە بدرێت.[3]
- گوتەبێژی وەزارەتی کشتوکاڵوەزارەتی کشتوکاڵی هەرێمی کوردستان ڕایگەیاند کڕینەوەی گەنمی جووتیارانی کوردستان دەدەنە سێ کۆمپانیا، هەر خۆشیان نرخی وەرگرتنی گەنمەکە دیاری دەکەن بۆ ئەوەی جووتیاران زەرەرمەند نەبن.[2]
- لە نزیک شارۆچکەی تەلەعفەر لە پارێزگای نەینەوا، چاڵێک دۆزرایەوە، کە داعشداعش هەزاران تەرمی فڕێداوەتە نێوی.[2](بڕوانە فایلی پەیوەندیدار)
رۆژئاوای کوردستان
- دەوڵەتی تورکی داگیرکەر لە گوندی عەلی باژلی لە گرێ سپیگرێ سپیی داگیرکراودا هەڵیکوتایە سەر ماڵی هاووڵاتییەک و لە کاتی هەڵکوتانەکەدا دەستڕێژی گوللەیان لە ماڵەکە کرد و بەو هۆیەوە و بەلانیکەمەوە 3 کەسیان بریندار کرد.[1]
دەرەوەی کوردستان
- ڕێکخراوێکی سڤیلی عێراقی، کە بارەگاکەی لە ویلایەتە یەکگرتووەکانی ئەمریکایە، سەرقاڵی بەرزکردنەوەی سکاڵایەکە لە دادگای لاهای نێودەوڵەتی، لە دژی ژمارەیەک بەرپرس و سەرکردەی میلیشیا پشتگیریکراوەکانی ئێران، بەتۆمەتی تێوەگلان لە کوشتنی خۆپێشاندەران.[2]
- سەرۆکی ڕووسیا ڕایگەیاند وەزارەتی تەندروستیی وڵاتەکەی یەکەم ڤاکسینی کۆرۆناکۆرۆنای لە جیهان پەسەند کرد و، کچەکەی خۆشی ڤاکسینەکەی لەسەر تاقیکراوەتەوە. ئەو ڤاکسینە لەلایەن دامەزراوەی گامالایە بەرهەمهێنراوە و ئەمڕۆ لەلایەن وەزارەتی تەندروستیی ڕووسیاوە گڵۆپی سەوزی بۆ هەڵکرا.[4]
- دوای ئەوەی تورکیا کەشتیەکی تایبەتی خۆی بە گەڕان بەدوای نەوت و غازدا بۆ دەریای ناوەڕاست نارد، یونان داوای کۆبوونەوەی بەپەلەی لە یەکێتی ئەوروپا لەبارەی جموجووڵەکانی تورکیا کرد.[1]

دەقی ڕاگەیاندراوی هاوبەشی یەکێتی و پارتی:
راگەیاندراوی کۆبوونەوەی هاوبەشی نێوان پارتی دیموکراتی کوردستان و یەکێتی نیشتمانی کوردستان
رۆژی سێ شەممە، ڕێکەوتی 11ی ئابی 2020، شاندی تایبەتی گفتوگۆی یەکێتی نیشتمانی کوردستان و پارتی دیموکراتی کوردستان لە شاری دوکان کۆبوونەوە و چەند تەوەرێکی پەیوەست بە پەیوەندییەکانی هەردوولایان خستە بەرباس و گفتوگۆ و بڕیاری پێویستیان لە بارەوە وەرگیرا.
یەکەم/ هەردوولا کۆکبوین لەسەر جێبەجێکردنی ناوەرۆکی ڕێککەوتنی سیاسی نێوان پارتی و یەکێتی کە لە 4ی ئاداری 2019 ئیمزاکراوە و لە هەموو ڕوێکەوه بەگشتی و بەتایبەتی لە بابەتی پەرلەمان و حکومەت، بەشێوەیەک کە هاوکاری حکومەت و ئۆرگانەکانی بێت بۆ سەرکەوتن بەسەر ئه و دۆخە تەندروستیەی کە پەتای کۆڕۆنا دروستی کردووە و هەروەها باری ئابووری و گوزەرانی هاوڵاتیان و باشترکردنی.
دووەم/ هەردوولا کۆک بووین لە پشتیوانیکردنی حکومەتی هەرێمی کوردستان بۆحوکمڕانی لە سەرتاسەری کوردستان، بۆ ئەمەش بە پەسەند زانرا ڕێککەوتنی ئیداری نێوان هەردوولا جێبەجێبکرێت و هەروەها لە هەر شوێنێک گرفتێک بێتە پێش بە تەفاهوم و هاوکاری نێوان هەردوولا بە ڕەچاوکردنی لایەنه بەشدارەکانی دیکە لە حکومەت چارەسەری بۆ بدۆزرێتتەوە و هەروەها شۆڕکردنەوەی بۆ تەواوی دەڤەرەکان لە ئایندەدا.
سێیەم/ ڕاگەیاندنی هەردوولا خۆیان بەدوربگرن لە شێوازی نووسین و بڵاوکردنەوەی گرژ و زبر لەهەموو جۆرە کەناڵەکانی ڕاگەیاندن.
چوارەم/ هەردوولا کۆکبووین لە پەلەکردن بۆ جێبەجێکردنی بڕگی ئەلف لە خاڵی شەشەمی ڕێککەوتنی سیاسی نێوان هەردوولا، بۆ ئەم مەبەستەش لیژنەی تایبەت و پسۆڕ لە هەردوولا پێکدێت بۆ یارمەتیدانی حکومەتی هەرێمی کوردستان و زیاتر خزمەتکردنی هاوڵاتیانی هەرێمی کوردستان.
پێنجەم/ سەبارەت بە یاسای هەڵبژاردن و هەڵبژاردنی پێشوەختی ئەنجوومەنی نوێنەرانی عيڕاق، بۆ هاوهەڵوێستی هەردوولا کۆکبووین کە دەزگاکانی هەڵبژاردنی پارتی دیموکراتی کوردستان و یەکێتی نیشتمانی کوردستان بە هاوبەشی و بە ڕاوێژ لەگەڵ تیمی هەردوولا لە حکومەت و ئەنجوومەنی نوێنەرانی عێراق دیراسەی بابەتەکە بکەن و پێشنیاری گونجاو بدەنە هەردوو مەکتەبی سیاسی.
شەشەم/ بۆ سودوەرگرتن لەکات و زوتر جێبەجێکردنی بڕیارەکان، بڕیاردرا کۆبوونەوەی فراوانی هەردوو مەکتەبی سیاسی لە داهاتوویەکی نزیکدا لە سەرۆکایەتی هەرێمی کوردستان لە هەولێر ئەنجامبدرێت.
یەکێتیی نیشتمانیی کوردستان
پارتی دیموکراتی کوردستان