باکووری کوردستان
- ئێوارەی ئەمڕۆ، عوسمان بایدەمیرعوسمان بایدەمیر، پەرلەمانتاری شاری ڕوحای پارتی دیموکراتی گەلان-هەدەپەهەدەپە لە ئەستەنبوڵ دەستگیر کرا.[1]
- سکاڵانامە بۆ 24 ڕۆژنامەنووسی کوردی ڕۆژنامەی ئازادیا وەڵاتئازادیا وەڵات ئامادەکرا و، داواکاری گشتیی تورک بەنیازە داوای سزای حەوت بۆ 15 ساڵ زیندان بۆ هەریەکەیان بکات. ناوی ئەو ڕۆژنامەنووسانە بەم شێوەیە: ئەحمەد قزڵای، ئەحمەد بۆڵتان، ڤەیسی ئاڵتین، ئەرجان یاڵتاش، محەمەد ئایدین، محەمەد ئەمین ئایگون، عەزیمە تارهان، سورەیا دال، بەرخۆدان توپلار، محەمەد حسێن شاهین، چەنگیز ئەرسەلان، زیان کاراخان، جەیلان ئیپەک، پوسات بولوت، یاسەمین سایین، سەردال پۆلات، زەینەب ئیزگی، حەیات یلماز، محەمەد ئەمین کایا، مەرجوم تەکۆل، ئیبراهیم بایرام، ئەنگین ئوزەلچی، ئاراپ توران، فەریت تۆپراک.[2]
- لە ئەنجامی ئۆپەراسیۆنێکی هێزەکانی پۆلیسی تورک، لە شارۆچکەی بسمل-ی ئامەدئامەد، 30 ئەندامی پارتی هەرێمە دیموکراتییەکان-دەبەپە دەستگیرکران، لە ئەندەنە-ش ئەندامێکی هەدەپە دەستگیرکرا.[2]
رۆژهەڵاتی کوردستان
- بەهۆی بوومەلەرزەوە تەنها لە قەسری شیرینقەسری شیرین جگە لە زیانی مادی، 6 کەس گیانیان لەدەستدا و دەیانیش برینداربوون.[1]
باشووری کوردستان
- بوومەلەرزەبوومەلەرزەیەکی بەهێز بەگوڕی 4.5 باشوور، ڕۆژهەڵات، باکوور و ڕۆژاوای کوردستانی هەژاند. بەهۆیەوە خەڵکێکی زۆر هاتنە دەرەوەی ماڵەکانیان بۆ سەلامەتیی گیانیان. لە باشوور جگە لە زیانی مادی خەڵکانێکی زۆر بەهۆیەوە برینداربوون.[1]
- لە دەربەندیخاندەربەندیخان بەهۆی بوومەلەرزەوە 4 کەس گیانیان لەدەستدا و لە زۆرێک لە شار و شارۆچکەکان بریندار هەیە.[1]
- بەهۆی بوومەلەرزەوە بەشێک لە قەڵای شیروانەقەڵای شیروانە لە کەلارکەلار ڕووخا.[1]
- عەبدولستار مەجید، وەزیری کشتوکاڵ و سەرچاوەکانی ئاوی هەرێمی کوردستان ڕاگەیێندراوێکی بڵاوکردەوە و دەڵێت بەداخەوە بەهۆی زەمنلەرزەکەی ئەمشەوەوە زیان بە بەنداوی دەربەندیخانبەنداوی دەربەندیخان گەیشتووە و تیمەکانمان لە هەوڵدان بۆ لێکۆڵینەوە و زانینی ئاستی زیانەکان بەتایبەتی بەشەکانی ژێرەوە کە بنچینەی بەنداوەکان، بەم بۆنەیەوە داوا لە هەموو ئەو هاووڵاتیانە دەکەین کە ماڵەکانیان نزیک بەنداوەکەن ئەمشەو بۆ پاراستنی گیانی خۆیان ماڵەکانیان چۆڵ بکەن.[4]
- چیای ئاسۆسئاسۆس لە شارباژێڕ بۆردوومانکرا. سەرچاوە کوردییەکان ناکۆکن کە چ لایەنێک بۆردوومانی کردووە. میدیاکانی یەکێتییەکێتی دەڵێن فڕۆکەکانی تورک بووە و میدیاکانی سەربە پەکەکەپەکەکەش دەڵێن تۆپخانەکانی ئێران بووە.[1]
- ئەو خوێندکارانەی لە وانەیەک یان دوان کەوتوون بۆ داواکردنی چەند نمرەیەک لەبەردەم وەزارەتی خوێندنی باڵاوەزارەتی خوێندنی باڵا و توێژینەوەی زانستی دەستیان بە خۆپیشاندان کرد.[2]
- وەفدێکی پەرلەمانتارانی بزوتنەوەی گۆڕانبزوتنەوەی گۆڕان لە پەرلەمانی عێراق گەیشتنە دیوانی پارێزگای کەرکووککەرکووک و بڕیارە لەگەڵ پارێزگار و ئەنجومەنی پارێزگای شارەکە کۆببنەوە.[3]
- ئه و هێزەی لە دوو ڕۆژی ڕابردوودا لەلایەن حکومەتی عێراقەوە جوڵەی پێکرابوو بۆ میحوەری پردێپردێ پاشەکەشیان کرد.[3]
- د. دارا ڕەشید، سەرپەرشتیاری تیمی تایبەتی پزیشکی کۆسرەت ڕەسوڵکۆسرەت ڕەسوڵ عەلی، جێگری یەکەمی سکرتێری گشتی یەکێتیی نیشتمانیی کوردستانیەکێتیی نیشتمانیی کوردستان، لەکۆنگرەیەکی ڕۆژنامەوانیدا، وتی دوای ئەوەی نەشتەرگەری بۆ کۆسرەت ڕەسوڵ کراوە، لەئێستادا تەندروستی جێگیرەو سات لەدوای سات تەندروستی بەرەو باشبوون دەڕوات.[3]
- داعشداعش هێرش دەکاتەسەر چەکدارانی حەشدی شەعبیحەشدی شەعبی لە ڕۆژئاوای کەرکووککەرکووک و ڕوبەرووبونەوە لەنێوانیاندا ڕوودەدات.[1]
- بەڕێوەبەرایەتی ئاسایشی ماددە هۆشبەرەکان دەستبەسەراگرتنی دوو ملیۆن حەپی جۆری ترامادۆڵ لە سلێمانیسلێمانی ڕادەگەیەنێت و ئاشکراشیدەکات، چوار کەس لەسەر ئه و کارە دەستگیرکراون.[3]
- بەمەبەستی دەربڕینی پشتوانی و هاوسۆزی بۆ مریەم باروتجیانمریەم باروتجیان یەکێک لە منداڵە دۆزراوەکانی هەڵەبجەهەڵەبجە بەهۆی یەکلایینەکردنەوەی خێزانە ڕاستەقینەکەی، ئەمڕۆ ژمارەیەک لە ژنانی هەڵەبجە لەبەردەم بینای پارێزگای شارەکە گردبونەوەیەکیان ئەنجامدا.[3]
- ئەمشەو، بەشێک لەخوێندکارانی بەشەناوخۆییەکانی زانکۆی سلێمانیزانکۆی سلێمانی بەهۆی کەمی خزمەتگوزارییەوە شەقامی سەرەکی ڕاپەڕینیان گرت.[3]

بەهۆی ئەو بومەلەرزەیەی ئەمشەو بەشێک لە وڵاتانی ڕۆژهەڵاتی ناوەڕاست کوردستانی هەژاند، سەدان کەس لە باشوری کوردستان برینداربوون، نزیکەی 10 کەسیش گیان لەدەست داوە، زیانی ماددی زۆریشی لێ کەوتووەتەەوە.
کاتژمێر 9:10 خولەکی ئەمشەو، بومەلەرزەیەکی بەهێز ژمارەیەک لە وڵاتانی ڕۆژهەڵاتی ناوەڕاست و کوردستان هەژاند.
سەیدسادق
ڕێبین حەسەن، بەڕێوەبەری بەشی کارگێڕی لە نەخۆشخانەی شەهید ڕەوف بەگ، لە شارۆچکەی سەیدسادق، بە ڕۆژنیوزی ڕاگەیاند:بەهۆی بومەلەرزەکەوە، مێرد منداڵێکی تەمەن 12 ساڵ لە یەکێک لە گەڕەکەکانی شارۆچکەی شارەزوور لەسەر بانەوە خۆی فڕێداوەتە خوارەوە، لە ئەنجامی بەکەوتنی بە تەلی کارەبا گیانی لەدەستداوە، پێش گەیاندنی بە نەخۆشخانە ئەو مێرمنداڵە گیانی لەدەستداوە.
ئەوەشی خستەڕوو:بە دەیان برینداری تریش گەیەنراونەتە نەخۆشخانەکەمان.
گەرمیان
ڕائید عەلی جەمال قدوری، وتەبێژی پۆلیسی گەرمیان، بە ڕۆژنیوزی وت:لەگوندی شێخ بابای سەر بە شارەدێی گوڵاڵە منداڵێک گیانی لەدەستدا.
وتیشی:ژمارەیەکی زۆری هاوڵاتیانی شارۆچکەی کەلاری ناوەندی ئیدارەی گەرمیان، بەهۆی کاریگەرییەکانی بومەلەرزەوە گەیەندراونەتە نەخۆشخانەی فریاکەوتنی شەهید هەژار.
هاوکات، بەشێک لە قەڵای شێروانەش داڕووخاوە.
سلێمانی
بومەلەرزەیەک بە گوڕی 4.5 ڕێختەر شاری سلێمانی هەژاند، هەتا ئێستا هیچ ئامارێکی قوربانییەکان لەبەردەست نییە، بەهۆی ئەوەی کە برێندارێکی زۆر لە دەوروبەری سلێمانیەوە دەگوازرێتەوە بۆ نەخۆشخانەی فریەکەوتنی سلێمانی.
دەربەندیخان
شێرباز حوسێن، بەڕێوەبەری بەڕێوەبەرایەتی تەندروستی دەربەندیخان بە ڕۆژنیوزی وت: بە هۆی ئەو شەپۆلە بومەلەرزەییەی ڕووی لە هەرێمی کوردستان کرد، لە شارۆچکەی دەربەندیخان، 24 کەس بوونەتە قوربانی، بەجۆرێک20 کەس برینداربوونە و 4 کەسیش گیانی لەدەستداوە.
سەرچاوەیەکیش لە بەرگری شارستانی دەربەندیخان، بۆ ڕۆژنیوز وتی:بە هۆی بومەلەرزەوە، دوو باڵەخانە ڕووخاون و ژمارەیەک خێزانی بوونەتە ژێر باڵەخانەکانەوە، بەشێکی زۆریان دەرهێنراون و ڕەوانەی نەخۆشخانە کراون.
هەولێر
بەڕێوەبەرایەتی تەندروستی هەولێر ڕایگەیاند: بەهۆی بومەلەرزەکەوە 58 کەس بریندار بووە.
ڕاپەڕین
تەها مەحەمەد، وتبێژی بەڕێوبەرایەتی تەندروستی ڕاپەڕین، بە ڕۆژنیوزی ڕاگەیاند:لە دەڤەری ڕاپەڕین، چوار حاڵەتی لەهۆش چوون هەبووە، هیچ حاڵەتێکی برینداربوون و مردن بوونی نییە.
ئەیوب حەمە، جێگری بەڕێوەبەری تەندروستی چەمچەماڵ، بۆ ڕۆژنیوز وتی:بەهۆی بومەلەرزەکەوە چەندین کەس سەردانیان کردووین لە بەشی فریاکەوتنی شەهید پێشەڕە، کە زیاتر لە 20 کەس دەبێت، کە باری دەروونیان تێکچووەو شەڵەژاون، لەو ڕێژەیەش دووکەس برینداربووە و چارەسەریان لێرە بۆ کراوە برینەکانیان سوکە.
کەرکووک
سەرچاوەیەک لە نەخۆشخانەی ئازادی شاری کەرکووک، بە ڕۆنیوزی ڕاگەیاند:بەهۆی بومەلەرزەی ئەم شه و 65 هاووڵاتی کەرکووک برینداربوونە و گەیندراونەتە نەخۆشخانه.
هەڵەبجە
سنور حامید، جێگری بەڕێوەبەری بەڕێوەبەرایەتی تەندروستی هەڵەبجە لەکۆنگرەیەکی ڕۆژنامەنوسیدا ڕایگەیاند:بەهۆی بومەلەرزەکەوە تائێستا نزیکەی 100 بریندار گەیەنراونەتە نەخۆشخانەی فریاکەوتنی هەڵەبجە و هیچ حاڵەتێکی گیان لەدەستدا ڕووی نەداوە جگە لە چەندین حاڵەتی برینداری و شکاوی و بورانەوە بوون و سەرجەم نەخۆشخانە و کارمەندان و پزیشکەکانمان لەحاڵەتی ئامادەباشیدان و پێشوازی لەبرینداران و هەر حاڵەتێکی لەناکاو دەکەین بەمەبەستی چارەسەر کردنیان.
دواتر عەلی عوسمان، پارێزگاری هەڵەبجە بەوەکالەت لەکۆنگرە ڕۆژنامەنوسیەکەدا ڕایگەیاند:بۆ سەلامەتی گیانی هاوڵاتیان بڕیارماندا سبەینی لەسەرجەم دامودەزگا حکومیەکان بکەینە پشووی فەرمی جگە لە بەڕێوەبەرایەتیە خزمەتگوزاریەکان و خوێندنی باڵا و دادگای هەڵەبجە کە دواتر خۆیان سەرپشکن لەبڕیاردان لە پشووی سبەینێ‌ و سەرجەم تیمە خزمەتگوزاریەکان لەحاڵەتی ئامادەباشیدان.[1]
12-11-2017

لە میانەی پێشوازیکردنی لە بەرێز جەنابی عومەر سەید عەلی ڕێکخەری گشتی بزوتنەوەی گۆرانبزوتنەوەی گۆران وەفدی یاوەری دوا نیوەرۆ ئەمرۆ یەک شەمە 12.11.2017 لە شاری سلێمانی مامۆستا صلاح الدین محمد بەهادین ڕایگەیاند پێویستە سەرجەم لایەنە سیاسیەکانی هەرێم بیر لە چارەسەری بە پەلەی کێشە سیاسیەکانی هەرێم بکەنەوە.
لە بەشێکی تری وتەکانیدا ئەمینداری گشتی یەکگرتوو ئاماژەی بەوە دا جێی نیگەرانیە ڕۆژ لە دوای ڕۆژ قەیرانەکان و بارودۆخی هاوڵاتیان ڕو لە خراپ بوونی زیاتر دەکەن، هاوڵاتیان چیتر ناتوانن خراپتربوونی بارودۆخەکە لە ئەستۆ بگرن و باجی هەڵەی دەیان ساڵەی حکومرانی بەرپرسانی هەرێم بدەن لە ئێستاشدا بەهۆی خێرای گۆرانکاریەکان لە ناوچەکە پێویستە لایەنە سیاسیەکانی هەرێمی کوردستان یەکدەنگ و یەکهەڵوێست بۆ ڕوبەروبونەوەی بارودۆخەکە دۆزینەوەی ڕێگا چارەیەکی بە پەلە بۆ چارەسەری بژێوی و کێشەو گرفتەکانی هاوڵاتیان بە تایبەت لە ڕووی ئابورییەوە.
لەلایەن خۆشیەوە ڕێکخەری گشتی بزوتنەوەی گۆڕانیش جەختیکردەوە کە گۆڕانکاریەکانی ناوچەکە و ئەگەرەکانی سەرهەڵدانی شەڕێکی نوێ یەکڕیزی و یەکهەڵوێتسی زیاتر لە لایەنە سیاسیەکانی هەرێم دەخوازێ هەروەها ڕونیشکردەوە کە ناکرێت هاوڵاتیان چیتر لەوە زیاتر باجی زیاتر حکومرانی شکتخواردوو بدەن.
شایەنی باسە هەر یەکە لە د.عمر موحەمەد و موستەفا عبدالله ئەندامانی ئەنجومەنی جێبەجێکردن ئامادەی کۆبونەوەکە بوون.
نوسینگەی ڕاگەیاندنی ئەمینداری گشتی یەکگرتوو لە سلێمانی
12-11-2017

12-11-201712-11-2017 و ڕۆژانی دوایی...[1]

بەداخەوە، ئەمشەو 12/13-11-2017 بوومەلەرزەبوومەلەرزەیەک، شارەکانی کوردستانی هەژاند و بووە هۆکاری گیانلەدەستدان و برینداربوونی چەندین هاووڵاتی لە ناوچە جیاجیاکان. لێرەوە داوا لە کارمەندانی نەخۆشخانە و بنکەکانی تەندروستی و هەموو وەزارەتە پەیوەندیدارەکانی پەیوەست بە هاوکاریی هاووڵاتیان دەکەین، ئەمشەو پەیوەندی بە شوێنی کاریانەوە بکەن و لە ئامادەباشیدا بن بۆ هاوکاریکردنی هاووڵاتیان، بەتایبەتیش برینداران.
بەم بۆنەیەشەوە سەرۆکایەتیی ئەنجومەنی وەزیران، پارێزگار و سەرپەرشتیاری یەکە کارگێڕییەکان سەرپشک دەکات لە بڕیاردان بۆ هەر هەنگاوێک کە پێویست بکات بۆ هاوکاریکردنی برینداران و هاووڵاتیان.
لە پەروەردگاری مەزن داواکارین گیانی قوربانییان بە بەهشتی خۆی شاد بکات و سەبووریی کەسوکاریان بدات، هیوای زوو چاکبوونەوەش بۆ برینداران و سەلامەتی بۆ هاووڵاتییان دەخوازین.
ئەنجومەنی وەزیرانی هەرێمی کوردستان
12-11-2017