$رۆژهەڵاتی کوردستان$
- حیزبی دێموکراتی کوردستان حەڤدەهەمین کۆنگرەی خۆی لە باشووری کوردستان گرت. کۆنگرەی 17ی حیزبی دێموکراتی کوردستان کە لە ژێر ناوی “کۆنگرەی شەهیدانی 17ی خەرمانان” و بە دروشمی ” یەکڕیزی و تێکۆشان و هیوا بە دواڕۆژ زامنی سەرکەوتنمانن ” بەڕێوەچوو، دوای دوو ڕۆژ کاری چڕوپڕ بە ڕاپەڕاندنی ئەرک و بەرنامە کارییەکانی کۆتایی بە کارەکانی هێنا. ئەم ئەندامانە بوونە ڕێبەری حیزب: #خالید عەزیزی#، عومەر باڵەکی، حەسەن قادرزادە، موستەفا مەولوودی، کەماڵ کەریمی، سمایل شەرەفی، سامان فەقی نەبی، کارۆ ڕەسۆڵی، مۆسا باباخانی، هەژیر عەبدۆڵاهی، عەلی بداغی، ئارەزو نستانی، خوشکە خەدیجە، سەید برایم کەریمی، سۆران نوری، خالید وەنەوشە. بە کۆی دەنگی ئەندامانی ڕێبەری کاک خالیدی عەزیزی وەک سکرتێری گشتی حیزبی دێموکراتی کوردستان هەڵبژێردرا. ئەمانەش بوونە ئەندامانی یەدەک: خدر بەگ، ئامانج زیبایی، شلێر مەحمودی، شەونم هەمزەیی، گەلاوێژ پەیرەوان، مەنسۆرموروەتی.[6]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2019/373125/0016.JPG=KTML_ImageCaption_Title=کۆنگرەی 17ی حیزبی دێموکراتی کوردستان=KTML_ImageCaption_CaptionStyle=000000=KTML_ImageCaption_Caption=کۆنگرەی 17ی حیزبی دێموکراتی کوردستان=KTML_ImageCaption_End=
$باشووری کوردستان$
- دەوڵەتی داگیرکەری تورک چیای کاروخ لە سنووری پارێزگای #هەولێر# بۆردوومان دەکات.[1]
- کۆلێژی پەروەردەی #شارەزوور#، ئەمڕۆ لەساڵیادی کۆچی دوای شاعیری گەورەی کورد #دڵدار# خاوەنی سرودی نیشتیمانی #ئەی ڕەقیب# سیمینارێکی بۆ جەبار ئەحمەد مامۆستای زانکۆ ڕێکخست.[4]
- ئەمشه و گەریلاکانی #پەکەکە# هێرشیان کردەسەر قەرەقۆلێکی سوپای تورکیا لە نزیک دەڤەری ئاڤا گیزێ لە نێوان باکور و باشوری کوردستان سنوری شارۆچکەی #زاخۆ#.[2]
- بەتۆمەتی تێوەگلانیان لە دۆسیەکانی گەندەڵی، دادگای لێکۆڵینەوەی #کەرکووک# فەرمانی دەستگیرکردنی بۆ پارێزگاری کەرکووک ڕاکان جبوری و 6 بەرپرسی دیکەی شارەکە دەرکرد.[4]
$رۆژئاوای کوردستان$
- ڕوانگەی سووری بۆ مافەکانی مرۆڤ ڕایگەیاند، هاوپەیمانی نێودەوڵەتی دەیان ئۆتۆمبێلی سەربازیی ڕەوانەی ڕۆژئاوای کوردستان کردووە و بارهەڵگرەکانیش کەلوپەلی سەربازییان هەڵگرتبوو. ڕوانگەی سووری ئاماژەی بەوەشکردووە کە کاروانە سەربازییەکەی هاوپەیمانی نێودەوڵەتی چووەتە شاری قامشلۆ.[3]
- ئەمرۆ بۆ جارێکی دیکە کاروانێکی هاوبەشی سەربازیی سوپای ڕوسیا و سوپای تورکی داگیرکەر بە ئۆتۆمبیلی سەربازی و زرێپۆشەوە لە گوندی مارس میلەی #کۆبانێ#وە بەرەو ڕۆژهەڵاتی شارەکە دەستی بە گەشتێکی سەربازی کرد. دانیشتوانی کۆبانێ کە بە بینینی سەربازانی تورکی داگیرکەر نیگەرانن، زرێپۆشەکانی سوپای تورکی داگیرکەریان بەردباران کرد.[1]
- دوای ئەوەی هاوڵاتیانی کۆبانێ کاروانی ئۆتۆمبیلەکانی سەربازیی ڕوسی و تورکییان بەردباران کرد، دەستڕێژی گولە کرا بەناو هاوڵاتیانی مەدەنیدا و لە ئەنجامدا 8 هاوڵاتی بریندار بوون کە دووانیان ڕۆژنامەنووسن.[1]
- دەوڵەتی تورکی داگیرکەر و چەتەکانی گوندەکانی تل تەمر تۆپباران دەکەن. لە هەرێمەکە شەڕیکی قوڕس بەردەوامە.[1]
- سێرینا مۆرونی، کۆنسوڵی گشتی ئیتاڵیا لە هەرێمی کوردستان لە تویتێکدا نووسیویەتی حکوومەتی ئیتاڵیا 12 تۆن هاوکاری بەپەلەی لە ڕێگەی هەرێمی کوردستانەوە گەیاندە کەمپەکانی ئەبو خەشەب و توێنە لە ڕۆژئاوای کوردستان.[3]
- لە گوندی ئوم کەهف سەربە تل تەمر #دلیار جزیری# پەیامنێری ڕوناهی تیڤی بەهۆی تۆپبارانی سوپای داگیرکەری تورک و چەتەکانییەوە برینداربوو گوازرایەوە بۆ نەخۆشخانە.[4]
$دەرەوەی کوردستان$
- تەقینەیەک لە نزیک باڵیۆزخانەی لوبنان لە دمەیشقی پایتەختی سوریا ڕویداو بەهۆیەوە ژمارەیک کوژرا و برینداری لێکەوتەوە.[2]
- پێکهاتە و ڕێکخراوەکانی ئەمریکا داوا لە کۆنگرێس و وەزارەتی دەرەوەی ئەمریکا دەکەن لەکاتی گەیشتنی سەرۆککۆماری تورکیا بە کۆشکی سپی، هێزە ئەمنییەکان پارێزگاری لە خۆپیشاندانی ئاشتیانە بکەن.[5]
کوردیپێدیا، ڕۆژانە بێلایەنانە مێژووی کوردستان تۆماردەکات...
کرونولوژیا از وقایع