[1]

ئەمڕۆ 14-04-202314-04-2023 لە يادى سى و پێنج ساڵەى تاوانەکانى ئەنفالدا کە ڕژێمى پێشووى عێراق ساڵى 1988 بەرامبەر بە خەڵک و خاکى کوردستان ئەنجامى دان، بەوپەڕى شکۆوە زياتر لە 182 هەزار شەهيدى ئەنفال بەبير دەهێنينەوە، سەرى ڕێز لەبەردەم گيانى پاکياندا دادەنوێنين و سڵاو لە خێزان و کەسوکارى سەربەر‌زيان دەکەين.

لەم يادەدا دووپاتى دەکەينەوە، حکوومەتى عێراق دەبێ کەسوکارى ئەنفالکراوان لە هەموو ڕوويەکەوە قەرەبۆ بکاتەوە و بڕيارى دادگاى باڵاى تاوانەکانى عێراق جێبەجێ بکات کە ئەنفالى بە جينۆسايد و تاوانى دژى مرۆڤايەتى و تاوانى جەنگ ناساند‌. لە هەرێمى کوردستانيش هەرچى لە توانادايە دەبێ باشتر خزمەت بکرێن و بايەخ و گرنگيى زياتريان پێ بدرێت.

قەوارەى دەستووريى هەرێمى کوردستان، بەرهەمى خەبات و تێکۆشانی سەتان هەزار شەهيدى تاوانى سامناکى وەک ئەنفالەکان و کيمياباران‌ و قوربانيدانى گەلى کوردستانە، لەم يادەدا با بە يەکڕيزى و تەبايى و کارى هاوبەش بۆ پاراستنى دەسکەوت و مافەکانمان، ڕێز لە گيان و يادى شەهيدان بنێين. هەروەها دەبێ هەموو هەوڵێک بدەين تاکو ئەنفال لەسەر ئاستى نێودەوڵەتيش زیاتر بە جينۆسايد بناسرێت و هەرگيز لە هيچ شوێنێکى جيهان تاوانێکى وا دووبارە نەبێتەوە. [1]

سڵاو و دروود بۆ گيانى شەهيدان.

نێچيرڤان بارزانىنێچيرڤان بارزانى
سەرۆکى هەرێمى کوردستان
14-04-2023
تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!

ئەمڕۆ 14-04-202314-04-2023 بە دڵێکی پڕ لە خەم و کۆڤانەوە، یادی شەهیدان و قوربانیانی شاڵاوە بەدناوەکانی (ئەنفال) دەکەینەوە، کە یەکێک بوو لە دڕندانەترین شێوازی جینۆساید دژی گەلی کورد و کوردستانیان، سی و پێنج ساڵ لەمەوبەر، ڕژێمی بەعسی عێراق، بە چەند قۆناغێکی جیا، بە هەزاران خەڵکی سیڤل و بێتاوانی گوند و ناوچە جیاجیاکانی کوردستانی ڕاپێچ کرد و لە بیابانەکانی باشوور و ناوەڕاستی عێراق زیندەبەچاڵی کردن و بەشێکی زۆریان تا ئێستاش بێسەر و شوێنن و چارەنووسیان نادیارە.

تاوانی ئەنفال، جینۆسایدێکی دڕندانە بوو نەک تەنیا دژی گەلی کوردستان، بەڵکوو دژی هەموو بەها مرۆیی و ئەخلاقییەکان بوو، کە بە داخەوە لێکەوتە و دەرهاویشتە هەمەلایەنەکانی ئەم تاوانە هۆڤانەیە ، هەر ماون و برینەکان تا ئێستاش ساڕێژ نەبوون.

لەم یادە خەمگینەدا، کە بەشێکە لە زنجیرەیەک تاوان کە بەرامبەر گەلی کوردستان ئەنجام دراون، داوا لە حکوومەتی عێراق دەکەین ئەرک و بەرپرسیاریەتیی ئەخلاقی و دەستووریی خۆی جێبەجێ بکات و زيانلێکەوتووان و بنەماڵە و کەسوکاری ستەملێکراوی دەستی ڕژێمی پێشووی عێراق، بە شێوەیەکی شایستە قەرەبوو بکاتەوە و هاوکاریی حکوومەتی هەرێمی کوردستان بکات بۆ ئەوەی بە شێوەیەکی باشتر، بتوانێت خزمەتی کەسوکاری سەربەرزی شەهیدان بکات.
لە یادی پڕخەمی شاڵاوەکانی ئەنفالدا، سەری ڕێز و نەوازش بۆ شەهیدان و ئەنفالکراوانی کوردستان دادەنوێنین و هەمیشە لە یادمانن. [1]

مەسرور بارزانیمەسرور بارزانی
سەرۆکی حکومەتی هەرێمی کوردستان
14-04-2023
تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!

لەبیرەوەری 35ساڵەی دەستپێکردنی شاڵاوەکانی ئەنفالدا کە بەرۆکی ڕۆڵەکانی گەلەکەمانی گرتەوە، دروود بۆ گیانی پاکی شەهیدانی ئەو مەرگەساتە دەنێرم .

جینۆسایدی ئەنفال و تاوانی دژەمرۆیی و تاوانەکانی جەنگ لەبەرانبەر هاووڵاتییانی کوردی بێ دیفاع لە هەشت قۆناغدا و بەدڕندانەترین شێوە جێبەجێکرا و سەدان چیرۆکی ناخهەژێنی جێهێشت، کە ئەمەش هەتاهەتایە وەک پەڵەیەکی ڕەش دەمێنێتەوە و ڕژێمی لەناوچووی بەعس و دەسەڵاتە داپڵۆسێنەرەکانی پێ دەناسرێتەوە.

لەم ساڵڕۆژەدا سەری ڕێزبۆ شەھید و قوربانیانی ئەنفال دا ئەنەوێنم و پێویستی قەرەبوکردنەوە و خزمەتکردن و دابینکردنی ژیانێکی شایستە و شکۆمەندانە بۆ کەسوکارە سەربەرزەکەیان دووپات دەکەینەوە. [1]

شاناز ئیبراهیم ئەحمەدشاناز ئیبراهیم ئەحمەد

تورکیا لە ڕێگەی نێچیرڤان بارزانینێچیرڤان بارزانی، سەرۆکی هەرێمی کوردستان پەیامێکی توند و هۆشداری گەیاندووەتە بەرپرسانی یەکێتی نیشتمانی.
پەیامەکەی تورکیا لە ڕێگەی مەولود چاوشۆغڵۆ وەزیری دەرەوەی ئەو وڵاتە گەیەنراوەتە نێچیرڤان بارزانی و داوای لێکراوە بگەیەنرێت بە بەرپرسانی یەکێتی.

نێچیرڤان بارزانیش لەو بارەوە قسەی لەگەڵ هەریەکە لە بافڵ تاڵەبانیبافڵ تاڵەبانی سەرۆکی یەکێتی و قوباد تاڵەبانیقوباد تاڵەبانی ئەندامی مەکتەبی سیاسی ئەو حیزبەی کردووە و جەختیکردووەتەوە، کە تورکیا لە بابەتی هەڕەشەکانی لە بارەی هەڵوێستەکانی یەکێتی لەگەڵ کوردانی ڕۆژاوا جددییە و ئەگەر بەدەم جێبەجێکردنی داواکارییەکانی نەچن، ئەوا کاردانەوەی توندیان دەبێت.

ئەو پەیامە وایکردووە، کوڕانی تاڵەبانی بۆ پرسی هەڕەشەکانی تورکیا بێنە سەر خەت و تەنانەت سەردانەکەی قوباد تاڵەبانی بۆ بەغدابەغدا و ئەنقەرەش پەیوەندی بەو پەیام و هەڕەشانەوە هەبووە.
جگە لەبەرپرسانی ئێراق و ئێران، نێچیرڤان بارزانی ڕۆڵی هەبووە لە ڕێکخستنی کۆبوونەوەکانی قوباد تاڵەبانی لە بەغدا و ئەنقەرە و کاری بۆ ئەوەش کردووە، یەکێتی داواکارییەکانی تورکیا جێبەجێبکات، بۆ ئەوەی گرژییەکان زیاتر نەبن. [1]