[1]

ناوەندی کاروباری یاسایی ( ی.ن.ک) سەبارەت بەڕفاندن و ئەشکەنجەدانی پارێزەرەکەی هەولێرهەولێر بەیاننامەیەکی بڵاوکردەوە و ڕایگەیاند، بەناوی ناوەندی کاروباری یاساییەوە زۆر بەتوندی سەرکۆنەی ئەو تاوانە قێزەوەنە دەکەین کە لە شاری هەولێر لەلایەن چەند کەسێکی لە یاسا دەرچوو بە درندانە ترین شێوە بەرانبەر بەپارێزەری ڕاوێژکار (محەمەد یابە سۆفیمحەمەد یابە سۆفی) ئەنجامیانداوە. ناوەندی کاروباری یاسایی (ی.ن.ک) بەیاننامەیەکی بڵاوکردەوە و ئاماژەی بەوەکردووە، دیارە ئەم تاوان و تیرۆری کەسایەتیە بەرامبەر پارێزەری ناوبراو ئەنجام نەدراوە بەتەنها بەڵکو دەستدرێژی کردن بوە بۆ سەر کۆی دەسەڵاتی دادوەریی و سەروەری یاسا لەهەرێمدا، هەروەک لە ماددەی (22) یاسای کاری پارێزەرایەتی دا بەڕونی هاتوە (دەستدرێژی کردنە سەر پارێزەر وەک دەستدرێژی کردنە سەر دادوەر وایە ) .داواشیانکردووە، لایەنی پەیوەندیدار هەڵوێستی جدییان هەبێت بەرانبەر بەسزاگەیاندنی بکەرانی ئەو تاوانە، تاوەکو تاوانی لەوجۆرە دوبارە نەبێتەوە و جارێکی دی دەسەڵاتی دادوەری هەرێم نەبێتە جێگەی پرسیار. [1]

تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!

سەندیکای پارێزەران:
پێویستە بەزووترین کات هێزە ئەمنییەکان ئەو کەسانە دەستگیربکەن کە سوکایەتییان بەو پارێزەرە کردووە

ئێمە وەک سەندیکاى پارێزەرانى کوردستان، بە توندى ئیدانە و سەرکۆنەى هێرشکردنە سەر پارێزەرى ڕاوێژکارى محەمەد یابە سۆفىمحەمەد یابە سۆفى دەکەین کە ڕۆژى هەینى ڕێکەوتى 14-04-202314-04-2023، لە لایەن تاقمە کەسێکەوە و بە بیانووى نایاسایی هێرشى کرایە سەر و پاش ئازار و ئەشکەنجەیەکى جەستەیی و ڕۆحی و شکاندنى سەر و ڕووخسارى، وەک سووکایەتى سەریشى دەتاشرێت.
پارێزەرى ڕاوێژکار “محەمەد یابە سۆفى” کە یەکێکە لە ئەندامانى سەندیکاکەمان، تا ئێستا 15-04-202315-04-2023 و تەنیا لە پێناو پاراستنى مافە یاسایی و ئینسانییەکانى بریکاردار کارى پیشەیی خۆى ئەنجام داوە و داکۆکى لە مافى بریکاردار کردووە، بۆیە لەم چوارچێوەیەدا و بە پێى ماددەى 22ى یاساى پارێزەرایەتى، “هێرشکردنە سەر پارێزەر وەک هێرشکردنە سەر دادوەر”ە و وەک پێشێلکردن و دەستدرێژیکردنە سەر دامودەزگا یاساییەکانى هەرێمى کوردستان هەژمار دەکرێت.
پێویستە دەزگا دادوەری و ئەمنییەکان، بە زووترین کات ئەنجامدەرانى ئەم تاوانە دەستگیر بکەن و ڕێکاریی یاساییان بەرامبەر بگرنە بەر بۆ ئەوەى ڕێگە بگیردرێت لە تاوانى هاوشێوە.
ئێمەش وەک سەندیکاى پارێزەرانى کوردستان، لە پاڵ پارێزەرى سکاڵاکار، سکاڵاى خۆمان لە دژى ئەنجامدەرانى ئەم تاوانە تۆمار دەکەین و گشت ڕێکارە یاساییەکان دەگرینە بەر. [1]

سەندیکاى پارێزەرانى کوردستانسەندیکاى پارێزەرانى کوردستان
15-04-2023
تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!