$باکووری کوردستان$
- #هەپەگە# ڕایگەیاند، 16ی ئەم مانگە لە ناوچەی چوارچەلای سەر بە هەرێمی زاگرۆس هەلیکۆپتەرێکی سوپای داگیرکەری دەوڵەتی تورک خراوەتە خوارەوە.[1]
$رۆژهەڵاتی کوردستان$
- #زارا جەماڵی# چالاکی مەدەنیی کوردی خەڵکی کەنگاوەر، پاش خوناساندنی بە دادسەرای ئەو شارە، ڕەوانەی زیندانی دێزڵاوای #کرماشان# کرا.[6]
$باشووری کوردستان$
- هاووڵاتییانی گوندی کوڕەشان لە ناوچەی #برادۆست# لە دژی داگیرکەریی دەوڵەتی تورک ڕاپەڕین و بە چالاکییەک داوایانکرد، سەربازانی سوپای تورک لە ناوچەکەیان بڕۆنە دەرەو. بنەماڵەی فەرماندەکانی سوپای عێراق کە کوژرابوون بەشداری چالاکییەکە بوون. لە چالاکییەکەدا داوا لە #مستەفا کازمی# سەرۆک وەزیرانی عێراق کرا، کە ئەو سیخوڕانەی دەوڵەتی تورک بوونەتە هۆی کوژرانی ئەو فەرماندانەی سوپای عێراق ئاشکرا بکات.[1]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/385277/0006.JPG=KTML_ImageCaption_Title=بنەماڵەی فەرماندەکانی سوپای عێراق لە دژی داگیرکەریی دەوڵەتی تورک گردبوونەوە=KTML_ImageCaption_CaptionStyle=000000=KTML_ImageCaption_Caption=بنەماڵەی فەرماندەکانی سوپای عێراق لە دژی داگیرکەریی دەوڵەتی تورک گردبوونەوە=KTML_ImageCaption_End=
- وەزارەتی تەندروستی هەرێم ڕایگەیاند: لەماوەی 24 سەعاتی ڕابردوودا 463 حاڵەتی نوێی توشبوی نوێی #کۆرۆنا# تۆمارکراوە کە 213 هەولێر85 سلێمانی، 34 #گەرمیان#، 116 #دهۆک# و 15 لە#هەڵەبجە# بووەو 24 حاڵەتی نوێی گیان لەدەستدانیش تۆمارکراوە.[2]
- ڕێکخراوەکانی ژنان و نوێنەری پارتە سیاسیەکان، بە مەبەستی ئیدانەکردنی هێرشە داگیرکەریەکانی دەوڵەتی تورک بە تایبەت هێرشە ئاسمانیەکەی سەر کونەماسی، ویستیان لەو ناوچەیە بەیانامەیەک بڵاو بکەنەوە، بەڵام لە لایەن ئاسایشی یەکێتیەوە ڕێگریان لێکردا.[1](بڕوانە فایلی پەیوەندیدار)
- بەڕێوبەرایەتی ئەوقافی #سلێمانی# بۆ بەرگرتن لە زیاتر بڵاوبونەوەی ڤایرۆسی کۆرۆنا لەنێو مزگەوتەکان، چەند بڕیارێکی دەرکرد کە گرنگترینیان ئەوەیە مزگەوتەکانی ناو بازاڕ تەنیا بۆ دەست نوێژ هەڵگرتن بەکاردێن و نوێژیان تێدا ناکرێت، هەر مزگەوتێکیش کە هەواگۆڕکێی تێدا نەبێت نوێژی هەینی تێدا ناکرێت.[3]
- لەنێو پارکی دەروازەی شاری #ڕانیە# تەرمی گەنجێک بە هەڵواسراوی دۆزرایەوە، پۆلیس دەڵێت: لێکۆڵینەوەیان دەستپێکردووە و تاوەکو ئێستا نازانرێت خۆی خنکاندووە یان خنکێندراوە. ئەو کەسە ناوی (ب، ن، ح) تەمەنی 18 ساڵە و لە ڕەگەزی نێرە دانیشتووی شاری ڕانیەیە، لەکاتی پشکنین لە پزیشکی دادوەری دەرکەوتووە کە شوێنەواری پەت بە ملی ناوبراوەوە هەیە.[4]
- ئەنجوومەنی وەزیران بڕیاریدا #مووچە#ی مانگی ئادار، بەهەمان میکانیزمی لێبڕینی مووچەی مانگی شوبات دابەشبکرێت.[4]
- #وەزارەتی خوێندنی باڵا#ی هەرێم ڕایگەیاند: بەمەبەستی ئەنجامدانی کارئاسانی زیاتر بۆ ئەو خوێندکارو قوتابیانەی لەنێوان زانکۆکان دەیانەوێت پرۆسەی گواستنەوەو دابەزاندن ئەنجامبدەن و بۆ سەلامەتی تەندروستی گیانی خوێندکاران، وەزارەتی خوێندنی باڵا تەواوی پرۆسەکە بە ئەلیکترۆنی دەکات.[5]
- #ڕووپاک ئەحمەد# وەرتی، پەرلەمانتاری #کۆمەڵی ئیسلامی# لە پەرلەمانی کوردستان، لە داواکارییەکدا بۆ سەرۆکایەتی پەرلەمان، ڕایگەیاند: داواکارم لیژنەیەکی لێکۆڵینەوە پێکبهێنن لەسەر ئیمزاکردنی تەزویر لەسەر پێشنیاری یاسای ڕێکخستنی میدیای ئەلیکترۆنی کە بەناوی بەندە ئیمزاکراوە. جەختیشی کردۆتەوە کە ئەو خاوەنی ئەو ئیمزایە نییە ئیمزاشی لەسەر پێشنیارە یاکە نەکردوە.[5]
- خاوەن یەکەکانی پرۆژەی وەرین سیتی لە #هەولێر# بەهۆی تەواونەبوونی یەکەکانیان گردبوونەوە و داوایان کرد بە زوترین کات بۆیان تەواو بکرێت.[2](بڕوانە فایلی پەیوەندیدار)
$رۆژئاوای کوردستان$
- ڕێکخراوی مافی مرۆڤی #عەفرین# ڕایگەیاند، دەزگای سیخوڕیی دەوڵەتی تورک (میت) 3 هاووڵاتیی کوردی مەدەنیی لە عەفرین ڕفاند. لە ماڵپەڕی عەفرین پۆستدا لەبارەی ناوی کەسە ڕفێنراوەکانەوە هاتووە، کەسە ڕفێنراوەکان بریتین لە خەلیل مەنان سەیدۆ تەمەن 45 ساڵ، کامەران خەلیل سەیدۆ تەمەن 22 ساڵ و فەردی خەلیل سەیدۆ تەمەن 40 ساڵ.[1]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/385277/0008.JPG=KTML_ImageCaption_Title=لە ڕۆژئاوای کوردستان شەڕ لەنێوان هێزەکانی ئەمەریکا و سووریا ڕوویدا=KTML_ImageCaption_CaptionStyle=000000=KTML_ImageCaption_Caption=لە ڕۆژئاوای کوردستان شەڕ لەنێوان هێزەکانی ئەمەریکا و سووریا ڕوویدا=KTML_ImageCaption_End=
- لە ئەنجامی هێرشێکی فڕۆکە بێفڕۆکەوانەکانی دەوڵەتی داگیرکەری تورک و چەتەکانیدا بۆ سەر گوندەکانی ڕۆژئاوای ناوچەی عەین عیسادا، 2 کەسی مەدەنی بریندار بوون.[1]
- لە پارێزگای #حەسەکە# شەڕ لەنێوان هێزەکانی ئەمریکا و سووریا ڕوویدا، بەهۆیەوە سەربازێکی سووریا کوژرا و سێ سەربازی دیکەش برینداربوون.[4]
- بەڕێوەبەری خۆسەری ڕۆژئاوای کوردستان بڕیاری بەزۆر بەستنی ماسکی دا و بە پێی بڕیارەکەش هەر کەسێک ماسک نەبەستێت سزاکەی پێبژاردنە.[2]
$دەرەوەی کوردستان$
- #وەزارەتی دارایی# عێراق لە ڕاگەیێندراوێکدا ئاماژەی بە ڕێککەوتنی ئەم دواییەی نێوان حکومەتی فیدراڵ و حکومەتی هەرێمی کوردستان کردووە و پابەندیی خۆی بەرامبەر حکومەتی هەرێمی کوردستان دووپاتدەکاتەوە.[4]