ناوی تەواوی:
(ئەحمەد مەعرووف سەیدمستەفا سەیدئەحمەد سەیدمحەمەد) ە. لە ساڵی (1207ک-1792ز) لە گەڕەکی (شێخان) ی شاری (سلێمانیسلێمانی) لەدایک بووە. دایکی (ئایشە) خان، ژنێکی لەخواترس و پارێزکاربووە. هیچ کات بەبێ دەستنوێژ شیری پێنەداوە. کاک ئەحمەدی شێخ بەمنداڵیی شیری کەسی نەخواردووە. لە مانگی پیرۆزی ڕەمەزان شیری نەخواردووە تابانگی فەرمووە، دایکی بەوەدا زانیویەتی بانگی فەرمووە.
چوونەحوجرە:
کاک ئەحمەدی شێخ چونکە (شێخ مارف) ی باوکی پیاوێکی زانابووە. سەرەتا لای باوکی قورئانی خوێندووە، لەگەڵ پەرتووکە وردەکانی ئەوسەردەمە. پاشان دەستی کردووە بەخوێندنی (نەحو) و (سەرف) . بەشێوەی قوتابییانی تری کوردستان خوێندوویەتی و پلەکانی زانستی بڕیوە و بووە بە زانایەکی باش و ئیجازەی وەرگرتووە. پاشان لەخزمەت باوکی تەریقەت وەردەگرێ و لەپاڵ تەریقەت خەریکی تەدریس دەبێت.
کۆچی دوایی کاک ئەحمەدی شێخ:
کاک ئەحمەدی شێخ لە ڕۆژی دووشەممە، لە مانگی موحەڕڕەمی ساڵی 1305کۆچیی، بەرانبەر بە 1887زاینیی لە گەڕەکی (شێخان) ی سلێمانی کۆچی دوایی کردووە و لە (مزگەوتی گەورە) بەخاک سپێردراوە.[1]