دواڕۆژ، نوسینگەی هەولێر:
بەرپرسانی دەروازەی ئیبراهیم خەلیل، ئاماژە بەوەدەکەن، ماوەی چەند مانگێکە جموجۆڵ و ئاڵوگۆڕی بازرگانی لە ڕێگای دەروازەی ئیبراهیم خەلیل بە ڕێژەی 50% کەمیکردووە.
محەمەد تاهیر، جێگری بەڕێوەبەری گشتی گومرگی ئیبراهیم خەلیل بە دواڕۆژی ڕاگەیاند "جموجۆڵە بازرگانییەکان لە دەروازەی ئیبراهیم خەلیل ڕۆژ دوای ڕۆژ بەرەو سیستی دەچێت و بەشێوەیەک ڕێژەی ئاڵوگۆڕ و جموجۆڵەکان بە ڕێژەی 50% کەمیکردووە، ئەمەش کاریگەری نەرێنی هەبووە لەسەر داهاتی گومرگ و وەزارەتی دارایی حکومەتی هەرێمی کوردستانیش".
جێگری بەڕێوبەری گشتی گومرگی ئیبراهیم خەلیل، لە بارەی هۆکاری کەمبوونەوەی ئاڵوگۆڕی جموجۆڵەکان ئەوەی خستەڕوو "کەمبوونەوەی ئاڵوگۆڕی بازرگانی دەگەڕێتەوە بۆ کەمبوونەوەی 95%ی بەکارهێنانی تەنکەر بۆ گواستنەوەی نەوتی ڕەش لەنێوان هەرێمی کوردستان و تورکیا و پێکدادانی نێوان سوپای تورکیا و چەکدارانی پەکەکە و خراپ مامەڵەکردنی هێزە عێراقی و چەکدارەکانی حەشدی شەعبی لەگەڵ شوفێر و بارهەڵگرە تورکییەکان لە سنووری ناوەڕاست و باشووری عێراق".
ناوبراو، وتیشی "لە ڕابردوودا بەهۆی قەرەباڵغی و چڕ و پڕیی ئالوگۆڕ و جموجۆڵە بازرگانییەکان لە دەروازەی ئیبراهیم خەلیل ڕۆژانە داهاتێکی زۆر بۆ حکومەتی هەرێم دەستدەکەوت، بەڵام ئەم کەمبوونەوەی جموجۆڵی چەند مانگی ڕابردوو کاریگەری خراپی لەسەر ژیان و بژێوی هەزاران هاوڵاتی و داهاتی حکومەتی هەرێمی کوردستان هەبووە".
- 03-10-2016
این مقاله بە زبان (کوردیی ناوەڕاست) نوشته شده است، برای باز کردن آیتم به زبان اصلی! بر روی آیکون
کلیک کنید.
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
این مقاله 8,935 بار مشاهده شده است
نظر خود را در مورد این مقاله بنویسید!