نڤیسەرێ پێشکەتنخوازێ کورد جەمال عیرفان (1881-1923)
کوڕێ عیرفان ئەفەندی کوڕێ مەلا عەبدوڵڵایێ کوڕێ مەلا ڕەسوڵی کاژاوییە. ساڵا 1881 ل تاخا کانی ئاسکان ل ماڵباتەکە خانەدان و بەرنیاس یا #سلێمانی# ژدایک بوویە.
د دەستپێکێ لدەف بابێ خوە و پشتڕە دەف خواجە ئەفەندی خوەندییە و دیف وێ ل قوتابخانەیا ڕوشدییەیا موڵکی و ڕوشدیەیا سەربازی درێژە ب خوەندنێ خوە دایە. ژبو تەمام کرنا خوەندنێ چوویە بەغدا و لوێرێ ژی بەرەف ئەستەمبوڵێ چوویە و د ئەرکانێن حەڕبی دە درێژە ب خوەندنێ دایە و تمام کرییە و پشتڕە ل فەیلەقا شەش یا سوپایێ عوسمانی دە بوویە ئەفسەر. =KTML_Photo_Begin=https://www.kurdipedia.org/files/relatedfiles/2010/4205/0002.JPG=KTML_Photo_Alt=جەمال عیرفان=KTML_Style=width:20%;height:20%;float:right;=KTML_Photo_Target_Link=https://www.kurdipedia.org/files/relatedfiles/2010/4205/0002.JPG=KTML_Photo_End=
دەمێ کو جەنگێ ئێکەمێ جیهانی خلاس بوویە دەولەتا ئینگلیز ل خەڵکێ دەڤەرێ سوپایەک ل سلێمانیێ پێک ئینا کو ب (سوپای لیڤی ئانکو لیوی) یێ بەرنیاس بوو، جەمال عیرفان بوویە فەرماندەیێ هێزا پیادە یا وی سوپایەی و پشترە پۆستێ ڕێڤەبەرێ ناحیەیا مەرگە پێ هاتە سپاردن، لێ ژبو دەمەکە درێژ لسەر ئەرکێ خوە یێ نوو نەما و ساڵا 1920 ڤەگەڕیا سلێمانی و بوویە ئەندامێ ئەنجوومەنا ئیدارەیا باژێڕی. ل هەیامێ کوو لسەر ڤی ئەرکی بوو ڕوڵەکە گرنگ گێڕا ل نێزیک کرنا خەباتا سیاسی بهەڤرە و ئێک بوو ژوان ڕووناکبیرێن هەرە چالاک یێن سەردەمێ خوە. ل ڕۆژنامەیا پێشکەوتندا گەلەک گوتار و لێکۆڵین بەڵاڤ کرینە.
لبن کاریگەرییا ئەو ڕێکخراوێن سیاسی کو کوردێن ئەستەمبوڵێ دامەزراند بوو جەمال عیرفان دەمێ کوو ساڵا 1920 ڤەگەڕایایە سلێمانی کۆمەک سازیێن سیاسی دامەزراندن کو هەمییا یەک بەرنامە و یەک ئارمانج و پەیڕەوا ناوخۆ هەبوو. ژوانا تەعالی کوردستان، کوردستان، وەتەنییەکان، فیدائییانی کوردستان، خۆرهەڵاتن (شروق) .
ڤی کەسایەتی یێ نیشتمان پەروەرە ل نڤیسینێن خوە دە هەموو جاران پشتگیریا هەژاران و بیروباوەڕێن پێشکەتنخواز کرییە و ب کویری ل ئاریشەیێن ئابووری و فەلسەفی گەهشتییە، ژبەر ڤێ چەندێ کورت بیر و کەڤنپەرستان ب ئاشکەرە دژایەتیا وی کرینە، لێ جەمال عیرفان گوهێ خوە نەدایە وانا و درێژە ب رێبازا خوە دایە. جەمال عیرفان، ل باژێڕێ سلێمانی و د رێکەفتا #12-12-1923# هاتە تەرۆرکرن.
پشتی ڕاپەڕینا باشوورێ کوردستانێ دەزگەهەکێ ڕەوشنبیری بناڤێ جەمال عیرفان ل سلێمانیێ هات دامەزراندن .[1]