لە 23هەمین کۆنگرەی ئاسایی کەنەکە دەربارەی بەرژەوەندییە نەتەوەییەکانی کورد، ستراتیژی دیپلۆماسی و یەکێتیی نەتەوەیی، گفتوگۆی بەرفراوان کرا. کۆنگرە بە هەڵبژاردنی هاوسەرۆک و ئەندامانی کۆنسەی بەڕێوەبەری کۆتایی هات.
لە دانیشتنی دووەمین ڕۆژی جڤاتی گشتی 23هەمینی کەنەکە، کۆنسەی بەڕێوەبەری هەڵبژاردنی ئەنجامدا. بە گفتوگۆ و کۆی دەنگی نوێنەران، 19 ئەندامی کۆنسەی بەڕێوەبەری بوون بە 23 ئەندام. پاشان هەڵبژاردن کرا. کۆنگرەکە بە خۆناساندنی ئەندامانی کۆنسەی بەڕێوەبەری و پێشنیارەکان بەردەوام بوو.
هاوسەرۆکانی کەنەکە زەینەب موڕاد و ئەحمەد کاراموس کە دووبارە وەک هاوسەرۆک هەڵبژێرانەوە، قسەیان کرد و سوپاسی هەمووانیان کرد. زەینەب موڕاد ڕایگەیاند لەم قۆناغەدا بەرپرسیارییەتیی مەزنیان لەسەر شانە بۆ پاراستنی دەسکەوتەکانی گەلی کورد، وتی: دەبێت خەباتی نەتەوەیی بەدیسپلینتر بکرێت و زەمینەی دیپلۆماتیک پتەوتر بکرێت.

ئەحمەد کاراموس ڕایگەیاند قۆناغەکە هەستیارە، وتی: لە دوو ساڵی بەردەمماندا بۆ پتەوکردنی خەباتی یەکێتیی نەتەوەیی و پەیوەندیی دیپلۆماسی و نێونەتەوەیی وەک یەک دەنگ کار دەکەین بۆ نوێنەرایەتی گەلی کورد.
ئەندامی کۆنسەی بەڕێوەبەریی کەنەکە زوبەیر ئایدار ڕایگەیاند بۆ سەرکەوتنی پڕۆسەکە، دەبێت تورکیا دەست هەڵبگرێت لە نکۆڵیکردن لە گەلی کورد.
ئایدار بانگەوازیکرد بۆ بەشداربوون لەو کۆنفرانسەی لەلایەن کەنەکەوە ڕێکدەخرێت بۆ یادی 100 ساڵەی لەسێدارەدانی شێخ سەعید و هەڤاڵانی، و بۆ ئەو گردبوونەوەی کە لە ئەڵمانیا ئەنجام دەدرێت.

کۆنگرەکە بە گفتوگۆ و پێشنیاری بەشداربووانی چوار پارچە و نوێنەری پارتە سیاسییەکان و کەسانی بەشداربوو، و باسکردن لەسەر پاراستنی دەسکەوتەکانی کوردستان، کۆتایی هات.

ئەندامانی کۆنسەی بەڕێوەبەریی کەنەکە
ئەم کەسانە بۆ کۆنسەی بەڕێوەبەریی کەنەکە هەڵبژێردران:

1-شێخ شەماڵ
2_ ڕەفیق غەفوور
3_ ئەکرەم حوسۆ
4_ ئیبراهیم عەلیپوور
5_ بەهزاد پیرموسا
6_ شێرکۆ محەمەد ئەمین
7_ فاروق جەمیل
8_ میران ساڵح
9_ شوکروڵڵا محەمەد ئەمین
10_ عوسمان ئەرگین
11_ سەعید سەنەندەجی
12_ یەعقوب میرزا
13_ زوبەیر ئایدار
14_ نەیلوفەر کۆچ
15_ ڕۆژین موکریان
16_ دیمەن سوهرابی
17_ شەهلا حەفید
18_ ئاریا عیسا
19_ فاتمە لەکتۆ
20_ زەینەب مستەفا
21_ نوورە ئالکیش
22_ پەروین سەعید
23_شیلان ئیمان‌ئۆغلو. [1]