ناڤ: جاسم
ناسناڤ: جاسمێ جەلیل
ناڤێ باوک: جەلیل
ڕوژا ژدایکبوون: #25-10-1908#.
ڕوژا وەغەرا داویێ : #24-10-1998#.
جهێ ژدایکبوونێ: #قەرس#
جهێ وەغەرا داویێ : #یەریڤان#
$ژیاننامە$
جاسمی جەلیل، ل بوارێن ئەدەبیات، زمانێ کوردی، پەروەردە، کەلەپوور و دیرۆکا کوردستانێ کار کرییە و بەرھەم ھەبووینە.
گوندێ قزل قولی و ئاڤەدانیێن دەردورێ وێ ھەموو کوردێن ئێزدی بوون ل عەشیرەتێن ئوتی و چیلی ئێن سەر ب عەشیرەتا سیپکی. ناڤێ بابێ جاسم کو جەلیل بوو، بوویە ناسناڤ ژبو زارۆکێن جاسم و نەڤیێن وی.
دگەل دوماهیکا شەڕێ ئێکەمێ جیھانی ل ساڵا 1918ز. و بەزینا سوپایێ عوسمانی ل شەڕ، سەربازێن تورک ئێرش برە سەر ئەوان دەڤەرا داکوو شینوارێن کوردی تێدا نەھێلن. خەلکێ دەڤەرێ کەتنە خوو ژبوو ڕزگارکرنا ژیانا خوە، پشتی کوشتارەکە زور، ئەوێن کوو ل ژیانێ مابوون گەهشتنە ئاڤەدانییەکێ ل دەف ڕووبارێ ئاواڕەش ل نزیک ئەلەگەز.
پشترە خەلکەکە ل گوندێن دەڤەرا ئەشتەرەک ئاکنجی بوون. ل ڤی دەمەی جاسم ل کەسوکارێن خوە دابڕا، هەمی ئان هاتن کوشتن ئان ژی کەتنە ناڤا ئاڤێ. ل ساڵا 1919ز. بەرێ خوە کرە باژێڕێ ئەلێکساندراپۆڵ ل وێرێ هێتیم خانەیەکە ئەمریکی لێ بووە. ئەڤە دەستکەفتەکە گرنگ بوو ل ژیانا ویدە. ھەر وێ ساڵێ دەست خوەندنێ کر. ساڵا 1923ز. ھێتیم خانەکە هات ڤەگوهاستن ژبو باژێڕێ ستیپانەڤان، ساڵا 1925ز. جاسم پێنج ساڵێن دەستپێکا خوەندنا وی بوو. وێ ساڵێ دەسهەڵاتا نوو یا سۆڤیەتێ ھێتیم خانەکە ل ئەمریکییان وەرگرت. وی دەمەی جاسم نەچار بوو کارەکێ ژبو خوە ببینیت. بوویە شاگردێ میکانیکا کارەبێ. ژبەر ڤی کارەی وەکە کرێکارەک کاری خوە ل پارتا کۆمۆنیستا سۆڤیتی نزیک بکەت. ساڵا 1927ز. هنارتنە باکۆ ژبو خوەندنێ ل قوتابخانەیا سوپایێ پڕوپاگەندەیا پارتا کۆمۆنیست هەیا ساڵا 1930ز. ل وێرێ مایەڤە. ژبو چەند مەهەکان چوویە باژێڕێ تفلیس و خوەندن ل وێ قوتابخانەیێ تمام کر. ل ساڵا 1931ز. ڤەگەڕیا یەریڤان و ڕێڤەبەرایەتییا قوتابخانەیا کوردی پێرە هات سپاردن، زور لڤی کارەی نەما.
ل ساڵا 1932ز. مژویلی تەکنیکا دەرھێنانا چاپەمەنییان بوو.
ل ساڵا 1938-1941ز. بوویە قوتابیێ ئامۆژگایێ ماموستایان ل یەریڤان. دگەل دەستپێکردنا شەڕێ دووهەمێ جیھانی، واز ل خوەندنێ ھینا. ل ساڵا 1942ز. ل دەزگەهەکێ تەکنیکی دامەزریا ل چاپخانەیا زانینگەها یەریڤان. پشترە ل ساڵا 1943ز. بوویە فەرمانبەر ل دادگەهێ، هەیا ساڵا 1953ز. ل وی کارەی دا بەردەوام بوو. ل ساڵا 1954ز. دەمێ کوو بەشا کوردی ل ڕادیۆیا ئەرمەنستان ڤەبوو، بەشا موزیک و ستران و فۆلکلۆر کەتە بن دەستێ جاسم. ژبەرکوو شەهرەزایێ موزیکا فۆلکلۆری یا کوردی بوو و بلوێر ژەنەکێ زیرەک بوو دگەل تیپا موزیکێ بلوێر لێددا. هەیا دوماهیکا ساڵێن شێستا یا سەدەیا بیستەم پەیوەندی ب ڤی دەزگەهێ ڕاگەیاندنێ ڤە مابوو.
ل 1954ز. پەرتووکا وی ب ناڤێ «ئەلەگەز» ل یەریڤان چاپ بوو. ل 1960ز. پەرتووکەکە دن ب ناڤێ «ڕۆژا من» نڤیسی. [1] [2]