$باشووری کوردستان$
- هاونیشتمانی باشووری کوردستان، لەبەردەم کونسوڵخانەی ئەمریکا لە #هەولێر# کۆبوونەوە، داوایان کرد ئەمریکا هەڵوێستی هەبێت لەسەر پێشڕەوییەکانی #حەشدی شەعبی# بۆ ناو خاکی کوردستان.[1]
- ڕەوتێکی تورکمان ڕایدەگەیەنێت، مافی ئێمەیە پۆستی پارێزگاری #کەرکووک# وەربگرین.[1]
- #وەزارەتی پەروەردە#ی حکومەتی هەرێمی کوردستان ڕایدەگەیەنێت، خوێندکارانی پۆلی 12ی ئامادەیی ئاگاداردەکەینەوە، کە سەرجەمی ئەوانەی یەک بابەتی و دوو بابەتین، دەرفەتیان هەیە تا 31-12-2017 دەتوانن کاروباری بەشداربوون لە ئەزموونە گشتییەکانیان ئەنجام بدەن، ئەگەرنا خۆیان بەرپرسیارن.[2]
- وتوێژی نێوان لایەنەکانی کوردستان بۆ ڕەتکردنەوەی پۆستی سەرۆکی هەرێمی کوردستان لە ئارادایە و پەرلەمانتارێکی پارتیش ڕایدەگەیەنێت، کۆمەڵێک پێشنیار خراونەتەڕوو کە یەکێکیان بریتیە لە سڕکردنی پۆستی سەرۆکی هەرێم.[2]
- گوتەبێژی یەکێتی ڕایدەگەیێنێ مەرجەکانی حکومەتی عێراق قابیلی پەسندکردن نین، گوتەبێژی پارتیش دەڵێت لەگەڵ گفتوگۆیەکی بێ مەرجن.[3]
- دادگایەکی عێراق فەرمانی دەستگیرکردنی بۆ بابەکر زێباری سەرۆک ئەرکانی پێشووی سوپای عێراق دەرکرد.[1]
- وەزیری دەرەوەی ئەمریکا داوا لە میلیشیا ئێرانییەکان و سەرجەم چەکدارانی بیانی دەکات عێراق جێبهێڵن.[1]
- دوای 14 ساڵ دادگای #خانەقین# بە دادگای باڵای عێراقەوە لکێنرایەوە.[1]
- وەزیری ناوخۆی عێراق بەسەردانێک گەیشتە #کەرکووک# و سەردانی بینای پارێزگای کرد، و ئامادەیی خۆشی نیشاندا کە ئامادەیە دەستی کەرکووکییەکان ماچ بکات لەپێناو گەڕانەوەیان بۆ شارەکە.[2]
- #دیندار زێباری#، سەرۆکی کۆمیتەی وەڵامدانەوەی ڕاپۆرتە نێودەوڵەتییەکان، لە کۆنگرەیەکی ڕۆژنامەوانیدا ئاشکرای کرد کە لە کەرکووک و ناوچە کێشە لەسەرەکان 600 کەس کوژراون.[1]

- سەرۆکی هەرێمی کوردستان و جێگرەکەی هیچ شەرعییەتێکیان نییە و پێویستە دەستبەرداری پۆستەکانیان بن.
- یاسای سەرۆکایەتیی هەرێم هەڵبووەشێتەوە و دامەزراوەی سەرۆکایەتیی هەرێم نەمێنێ و سیستەمی پەرلەمانی بچەسپێ.
- کابینەی هەشتی حکومەتی هەرێم دەستلەکاربکێشێتەوە و لە جێگەیدا حکومەتێکی ڕزگاریی نیشتمانی دەست بە گفتوگۆ لەگەڵ حکومەتی فیدراڵی عێراق بکات و ئامادەکاری بۆ هەڵبژاردنێکی بێگەرد بکات.
- سەرۆکی پەرلەمانی کوردستان لەگەڵ فراکسیۆنەکان و پەرلەمانتاران لەهەوڵدایە بۆ دانیشتنی پەرلەمان و دەربازکردنی گەلەکەمان له و دۆخە مەترسیدارەی تێیکەوتووە.
- ئەنجوومەنی باڵای سیاسیی کوردستان هیچ شەرعییەتێکیان نییە و دەیانەوێ خۆیان بکەن بە جێگرەوەی دامەزراوە شەرعییەکانی هەرێم کە ئەنجوومەنێکی ناشەرعی و کارتۆنییە.
- داوا لە حکومەتی فیدراڵ دەکەین پەلامارەکانی بۆ سەر شار و شارۆچکەکانی کوردستان ڕابگرێ و لیژنەیەکی لێکۆڵینەوە دروستبکات بۆ قەرەبووکردنەوەی زیانلێکەوتووانی ناوچەکانی دوز و کەرکووک و خانەقین و جەلەولا و شهنگال و شێخان و زووممار و مەخموور ناوچەکانی تر.
- ئیدانەی هەر دەستدرێژییەک دەکەین بۆسەر موڵک و ماڵ و ژیانی هاووڵاتیان کە لە چەند ڕۆژی ڕابردوودا کراون و پێویستە دەستدرێژیکاران ڕادەستی دادگا بکرێن.
- پێویستە گفتوگۆی نێوان حکومەتی هەرێم و حکومەتی فیدراڵی لەسەر بنەمای دەستوور و پاراستنی کیانی هەرێمی کوردستان بێت.
- بزووتنەوەی گۆڕان لەگەڵ کۆمەڵی ئیسلامی، لەهەوڵی بەردەوامدایە بۆ کۆکردنەوەی هێز و گرووپی دیکە بە ئامانجی جێبەجێکردنی ئەرکەکانی ئەم قۆناخە، لەسەرووی هەموویانەوە هەڵوەشاندنەوەی کابینەی هەشتی حکومەتی هەرێمی کوردستان و پێکهێنانی حکومەتێکی ڕزگاری نیشتمانی.
22-10-2017

22-10-2017

22-10-2017

پێشنیوەڕۆی ڕۆژی یەکشەممە ڕێکەوتی 22/10/2017، 32 حزب و لایەنی سیاسیی کوردستان، سەبارەت بە بارودۆخی سیاسی هەرێمی کوردستان و هاتنەپێشی ئەگەر و پێشهاتەکان لە شاری هەولێر کۆبوونەوە.
لە کۆبوونەوەکەدا بەوردی بارودۆخی ئێستای هەرێمی کوردستان هەڵوەستەی لەسەرکرا و شرۆڤەکرا و بیرو بۆچوونەکانیان لەم قۆناغەدا سەبارەت بە ڕەوشی هەرێمی کوردستان بەم شێوەیە خستووەتەڕوو:.
- هەموو لایەکمان جەختدەکەینەوە سەر یەکڕیزی و یەکدەنگی تەواوی هێزو لایەنە سیاسییەکانی کوردستان و، هەر ئەوەش بە زامنی سەرکەوتن و تێپەڕاندنی هەموو کێشەکان دەزانین.
- بەتوندی ئیدانەی هێرشی سەربازی و بڕیارە سیاسی و ئابوورییەکانی حکومەتی عێراق دەکەین و ڕەتیاندەکەینەوە، کەوا دەرهەق بە هەرێمی کوردستان و ناوچە کوردستانییەکانی دەرەوەی هەرێم ئەنجامدراون، ئەم هێرش و بڕیارانەی عێراق بە نادەستووری و نادیموکراسی و دژی مرۆڤایەتی دەزانین و لەلایەن تەواوی گەلی کوردستان ڕەتکراوەن، ئەو کارە سەربازییانەی عێراق نابنە ئەمری واقیع و کاتین.
- بۆ وەڵامدانەوەی خواستی کۆمەڵگای نێودەوڵەتی و دۆستەکانمان سەبارەت چارەسەری کێشەکان لەگەڵ حکومەتی عێراق بە ڕێگای دیالۆگ، ئێمە هەموو کات خوازیاری دیالۆک بووین، بەڵام لایەنی عێراق مەنتقی سەربازی هەڵبژاردووە، لێرەوە بە هەموو لایەکی ڕادەگەیەنین کەوا ئامادەی دیالۆگی بێ مەرجین لەسەر بنەمای دەستوور و دوور لە فەرزکردنی سیاسەتی ئەمری واقیع و هێرش و غرووری سەربازی، پێویستە عێراق لەسەر بنەمای داننان بە مافەکانی گەلی کوردستان بێتەسەر مێزی دیالۆگ، بۆ ئەم بابەتش حکومەتی کوردستان نوێنەرایەتی گەلی کوردستان دەکات.
- ئێمە لایەنەسیاسییەکان یەتوندی هەر هەنگاوو ئاراستەیەک بەمەبەستی زیندووکردنەوەی دوو ئیدارەیی ڕەتدەکەینەوەو، پێویستە هەرێمی کوردستان بە یەکگرتووی بچێتە ناو هەر گفتوگۆیەک لەگەڵ حکومەتی عێراق.
- ڕیفراندۆمی گەلی کوردستان مافێکی دەستووری و یاسایی گەلی کوردستانە و دەستبەرداری نابین و پێویستە عێراق و کۆمەڵگای نێودەوڵەتی لەسەر ئەو مافە گەلی کوردستان سزا نەدەن.
- لێرەوە داوا لە تەواوی دەزگاکانی ڕاگەیاندنی حزبی و سەربەخۆ دەکەین خۆیان دوور بگرن لە زمانی زبر و وروژاندن، پێویستە بە ئەمانەتەوە هەواڵ و ڕووداوەکان بگوازنەوە، پارێزگاری لە یەکڕیزی و ئاشتەوایی کۆمەڵایەتی بکەن.
- لەکۆتاییدا سڵاوو دروود بۆ گیانی پاکی تەواوی شەهیدانی کوردستان بەگشتی و قوربانیانی کەرکووک و دووزخورماتوو و خانەقین بەتایبەتی دەنێرین و، بەرخودانی پێشمەرگە قارەمانەکانی کوردستان بەرز دەنرخێنین و سڵاوو ڕێزمان بۆیان هەیە و، سڵاوو ڕێزو خۆشەویستی بۆ تەواوی ئەو خوشک و برایانەمان دەنێرین کەوا بەزۆر لەلایەن هێزە عێراقییەکان دەربەدەرکراون.
- سەرکەوێ ئیرادەی هەقخوازانەی گەلی کوردستان.
پارت و لایەنە سیاسییەکان
1- پارتی دیموکراتی کوردستان
2- یەکێتی نیشتمانی کوردستان
3- حزبی شیوعی کوردستان
4- یەکێتی نەتەوەیی دیموکراتی کوردستان YNDK
5- حزبی زەحمەتکێشانی کوردستان
6- حزبی سۆسیالیست دیموکراتی کوردستان
7- پارتی کرێکاران و ڕەنجدەرانی کوردستان
8- بزووتنەوەی دیموکراتی گەلی کوردستان
9- یەکگرتووی ئیسلامی کوردستان
10- پارتی پارێزگارانی کوردستان
11- حزبی پێشکەوتنخوازی دیموکراتی کوردستان
12- بزووتنەوەی ڕزگاری دیموکراتی کوردستان
13- بزووتنەوەی ئاشتیخوازانی کوردستان
14- پارتی پارێزگارانی دیموکراتی کوردستان
15- پارتی نەتەوەیی کوردستان
16- بزووتنەوەی گردبوونەوەی سریان
17- حزبی دیموکراتی بێت نەهرێن
18- یەکێتی بێت نەهرێنی نیشتمانی
19- حزبی دیموکراتی کلدان
20- ئەنجوومەنی نەتەوەیی کلدان
21- ڕابتەی کلدانی جیهانی
22- حزبی نیشتمانی ئاشووری
23- بزووتنەوەی مەسیحی دیموکراتی سەربەخۆ
24- پارتی گەشەپێدانی تورکمان
25- پارتی دیموکراتی تورکمان لە کوردستان
26- کۆمەڵەی لیبرالی تورکمان
27- کۆمەڵەی ڕۆشنبیری تورکمان لە کوردستان
28- پارتی نیشتمانی تورکمان
29- یانەی ئۆچاغی تورکمان
30- بزووتنەوەی دیموکراتی تورکمان
31- پارتی چاکسازی تورکمان
32- بەرەی شەرعی تورکمان
22-10-2017

#هەپەگە# ڕایگەیاند، گەریلاکانمان لە شارۆچکەی فارقینی سەر بە ئامەد، یەکینەیەکی سوپای تورکیان کردووەتە ئامانج و 2 سەربازی تورک کوژران و سیانی دیکەش برینداربوون.
ئەمڕۆ، ناوەندی ڕاگەیاند و چاپەمەنی هێزەکانی پاراستنی گەل-هەپەگە، لەبارەی چالاکییەکانی چەند ڕۆژی ڕابردووی گەریلاکانیانەوە، ڕاگەیەندراوێکی بڵاکردەوە.
لە ڕاگەیەندراوەکەی هەپەگەدا، هاتووە:سوپای تورکی داگیرکەر لە ڕۆژی 18ی ئۆکتۆبەر لە ناوچەی شەهید کاوە لەنێوان ناوچەی هەزرۆ، پاسوور و فارقینی ئامەد، ئۆپەراسیۆنێکیان دەستپێکرد، لە 38 گوندی سنوورەکە قەدەغەی هاتووچۆی ڕاگەیاند.
ئەوەش هاتبوو:هێزەکانمان لە ڕۆژی 19ی ئۆکتۆبەر لە نزیک گوندی هندەشێ-ی سەر بە شارۆچکەی فارقین، گروپێکیان لە ئۆپەراسیۆنەکەی دوژمن کۆنترۆڵ کرد، لە کاتژمێر 02:00ی پاشنیوەڕۆ، لە نزیکەوە هێرشیان کردە سەریان.
هەپەگە، ئەوەشی خستووەتەڕوو:لەو گروپەی دوژمن دوو سەرباز کوژران و سیانی دیکەش برینداربوون، ئۆپەراسیۆنەکەش لە 20ی مانگدا بێ ئەوەی ئامانجەکەیان بپێکن، پاشەکشەیان کرد.
لە بەشێکی دیکەی ڕاگەیەندراوەکەی هەپەگەدا، هاتووە:لە 17ی ئۆکتۆبەر هێزەکانمان لە ناوچەی قیسلەی سەربە دێرسیم، لە دۆڵی هاکیسێ تاوەکو گوندی مۆزیکێ ڕاست، لەگەڵ یەکینەیەکی سوپای تورکی داگیرکەر ڕووبەڕووی یەک بوونەوە، لەو شەڕەدا ژمارەی کوژران و بریندارەکانی دوژمن نەزانراوە، هێزەکانی ئێمەش بە سەلامەتی گەشتنەوە شوێنەکانی خۆیان.
لە درێژەی ڕاگەیەندراوەکەی هەپەگەدا، باس لەوەش کراوە:لە 27ی مانگی ڕابردوودا، سوپای تورکی داگیرکەر، بۆ داگیرکردنی باشوری کوردستان، لە هەرێمی بارزان ئۆپەراسیۆنێکیان دەستپێکردبوو، هێزەکانمان لەو ئۆپەراسیۆنەدا لە یەکینەیەکیان دا لە ناوچەی عادل بەگ، لەو چالاکییەدا لانیکەم سەربازێک کوژراوە.
لە کۆتایی ڕاگەیەندراوەکەی هێزەکانی پاراستنی گەل-هەپەگە، ئەوەش ڕاگەیەندراوە:ئەمڕۆ 22ی ئۆکتۆبەر، لە کاتژمێر 06:00-08:30 سەرلەبەیانی، فڕۆکە شەڕکەرەکانی سوپای تورکی داگیرکەر، ناوچەی شەهید ڕۆستەم-ی زاپیان لە هەرێمەکانی پاراستنی مەدیا بۆردوومان کرد.[1]
22-10-2017

حکوومەتی هەرێمی کوردستان لە چوارچێوەی یاسا و ڕێنماییەکاندا بڕوای تەواوی بە ئازادیی خۆپێشاندان و دەربڕینی ناڕەزایی و هەموو چالاکییەکی مەدەنیی ڕێگەپێدراو هەیە، بەڵام بەهیچ شێوەیەک قبووڵ ناکرێت خراپەکاری بەرامبەر بە نێردە دیپلۆماسییەکان و شوێن و ئۆفیسەکانیان لە هەرێمی کوردستان بکرێت و هەموو ڕێکارێکی یاسایی بەرامبەر بە هەر کارێکی نابەجێی بەو شێوەیە دەگیرێتەبەر.
لەم ڕوانگەیەوە بە توندی سەرکۆنەی هەوڵی تێکدەرانەی ڕۆژانی ڕابردووی چەند کەسێک بەرامبەر کونسوڵخانەی کۆماری ئیسلامی ئێران لە هەولێر و هەوڵی بێڕێزیکردن بەرامبەر بە ئاڵاکەیان دەکەین و کردەوەیەکی ئاوا بەرامبەر ئاڵای هیچ وڵاتێک لە هەرێمی کوردستان مایەی قبووڵکردن نییە، دووپاتیشی دەکەینەوە کە ئەو کردەوانە کردەوەی تاکەکەسین و و دەزگاکانمان هەموو ڕێکارێکی یاسایی بەرامبەریان دەگرێتەبەر.
#وەزارەتی ناوخۆ#ی حکوومەتی هەرێمی کوردستان
22-10-2017