$باکووری کوردستان$
- پارێزگاری تورکیا لە #جۆلەمێرگ#، بە پاساوی دۆخی ئەمنی لە 30 ناوچەی سەر بە شاری جۆلەمێرگ قەدەغەی هاتووچۆی ڕاگەیاند.[2]
$رۆژهەڵاتی کوردستان$
- کۆمیتەی ئامادەکاری خۆپیشاندانەکان بۆ عەفرین لە ڕۆژهەڵاتی کوردستان ئەمڕۆ سێیەمین بانگەوازیی بۆ ئەنجامدانی چالاکی لە ڕۆژهەڵات بڵاوکردەوە و وابڕیارە لە زۆربەی شار و شارۆچکەکانی ڕۆژهەڵات چالاکی ئەنجام بدرێت.[4]
- هێزەکانی سەر سنووری کۆماری ئیسلامی ئێران لە سنوورەکانی #سەردەشت#-ی ڕۆژهەڵاتی کوردستان، بە تەقەی ڕاستەوخۆ کۆڵبەرێکیان کردە ئامانج و برینداریان کرد.[2]
$باشووری کوردستان$
- کارمەندان و پزیشکانی نەخۆشخانەکانی #سلێمانی# بەهۆی دابەشنەکردنی مووچەکانیان بەبێ سیستمی پاشەکەوت، لە بایکۆت بەردەوام بوون، لەئێستاشدا تەنیا نەخۆشخانەی شۆڕش دەوامی تیادادەکرێت.[3]
- وتەبێژی #وەزارەتی گواستنەوە# و گەیاندنی حکومەتی هەرێم ڕایدەگەیەنێت، تاوەکو ئێستا هیچ هەنگاوێکیان نەناوە لەسەر ئەنجامەندانی گەشتی تورکیا بۆ #فڕۆکەخانەی سلێمانی# و چاوەڕێی حکومەتی عێراقن بۆ گفتوگۆکردن لەگەڵ تورکیا.[3]
- ژمارەیەک مامۆستا و فەرمانبەر و تەندروستکار و خانەنشینان لە #هەولێر# ئەنجومەنی هەڵوەشاندنەوەی پاشەکەوتی مووچە ڕادەگەیەنن و ئاماژە بەوە دەکەن تا بڕیاری هەڵوەشاندنەوەی پاشەکەوتی مووچە لە چالاکییەکانیان بەردەوام دەبن.[3]
- #سەباح عەلی قارەمان#، هەڵسووڕاوی گۆڕان ڕاگەیاند: بەهۆی ڕەخنەگرتنەوە، #سەرکەوتی کوبە# و پاسەوانەکانی لەناو گردەکەی گۆڕان، بە شەق و بۆکس و بە شێوازێکی نەشیاو، بەربوونە گیانم و لووتم تووشی خوێنبەربوون بووە و دەستێکیشم درزی بردووە.[6]
- دەستەی مامۆستایانی ناڕازی لە هەولێر پێکهێنرا و سبەی یەکەم خۆپیشاندان ئەنجامدەدەن و بایکۆتی وانە وتنەوە دەستپێدەکەن.[3]
- بەڕێوەبەرایەتی گشتی پەروەردەی هەولێر دەنگۆی بایکۆتی خوێندن لە سنوری هەولێر ڕەتدەکاتەوە و دەڵێت مامۆستایان بەردەوام دەبن لە وانە وتنەوە.[3]
- جێگری بەڕێوەبەری گشتی تەندروستی #هەڵەبجە# ئاماژە بەوەدەکات، کەرتی تەندروستی کەوتووەتە حاڵەتێکی مەترسیدارەوە و پزیشکان و کارمەندانی تەندروستی بەردەوامن لە مانگرتن و بایکۆتکردنی دەوام، دەشڵێت، لەوەتەی باکۆتکراوە حەوت هاووڵاتی گیانیان لەدەستداوە و کە پێویستییان بەچارەسەر هەبووە.[3]
- هێزە ئەمنییەکانی هەولێر، بەبیانووی نەبوونی مۆڵەت، ڕێگرییان لە ئەنجامدانی چالاکیی کرد بۆ پشتگیریی گەلی عەفرین.[4]
- لە دژی دەستدرێژی و هەڕەشەکانی تورکیا بۆ سەر گەلی کورد و ڕاگرتنی گەشتەکانی بۆ سلێمانی، لە شاری سلێمانی گردبوونەوەیەک ئەنجامدرا و داواکرا کۆمەڵگەی نێودەوڵەتی بێتە دەنگ.[4]
- کاتژمێر 10ی ئەمشەو، بۆمبیکی لکێنراو لەژێر ئۆتۆمبێڵێک تەقیوەتەوە و ژمارەیەک برینداری لیکەوتووەتەوە.[4]
$باشووری کوردستان، چالاکییەکان بۆ کۆمەڵکوژیی عەفرین بە پێی کات و شوێن بەم شێوەیەن:$
- شاری #هەولێر#، شوێن: پردی کەرکووک، بەردەم قونسوڵخانەی ئەڵمانیا، کاتژمێر 4ی پاش نیوەڕۆ.
- پێنجوێن، شوێن: بەردەم هەیکەلەکە، کاتژمێر 2ی پاشنیوەڕۆ.
- شاری سلێمانی، دوو چالاکی بەڕێوەدەچێت، چالاکی یەکەم، شوێن: ئەمنەسوورەکە کاتژمێر 3:30ی خولەک لێدوانی ڕۆژنامەوانیی. چالاکی دووەم لە سەهۆڵەکە، کاتژمێر 4ی پاشنیوەڕۆ، خۆپیشاندان.
- #دەربەندیخان#، شوێن: گەراجی بانیخێڵان، کاتژمێر 3:30ی پاشنیوەڕۆ.
- ڕانیە، شوێن: بەردەم باخی گشتی، کاتژمێر 4ی پاشنیوەڕۆ.
- #سەید سادق#، شوێن: سەر پردی ناوبازاڕ، کاتژمێر 3:30خولەکی پاشنیوەڕۆ.
- #کەلار#، شوێن: فلکەی ئاوارەکان، کاتژمێر3ی پاشنیوەڕۆ.[4]
$رۆژئاوای کوردستان$=KTML_Quote_Begin==KTML_Style=width:35%;float:left;=KTML_Quote_Icon=❞=KTML_Quote_Content==KTML_Red=شەڕڤانان لە عەفرین چالاکییان دژی چەتەکانی سەر بە سوپای تورک ئەنجامداوە و 19 چەتەیان کوشت=KTML_End==KTML_Quote_End=
- هاوڵاتیانی عەفرین کە پاش داگیرکاریی سوپای تورک، چەتەکانی نوسرە، قاعیدە و داعش چوونە #شەهبا#، لەو ناوچەیەدا شارێک لە چادر دروست دەکەن.[4]
- سوپای تورکیا لە سنووری عامودێ لە کانتۆنی #قامیشلۆ# لە ڕۆژئاوای کوردستان، هاووڵاتییەکیان کردە ئامانج و گوللەبارانیان کرد.[2]
- دەیان هەزار هاوڵاتی لە هەموو پێکهاتەکانی کانتۆنی گرێسپی، ئەمڕۆ دەڕژێنە مەیدانی نەورۆز لە گوندی کۆپرلیک و دژی داگیرکارییەکانی حکومەتی تورک گرددەبنەوە.[4]
- وتەبێژی یەپەگە لە عەفرین ڕایگەیاند، شەڕڤانان لە عەفرین چالاکییان دژی چەتەکانی سەر بە سوپای تورک ئەنجامداوە و 19 چەتەیان کوشتووە و 4 ئۆتۆمبێلی سەربازییشیان تێکشکاندووە.[4]
$دەرەوەی کوردستان$
- ڕۆژی جیهانی بۆ پشتیوانیی #عەفرین#.[1]
- لە ڕۆژی جیهانیی عەفریندا، لە 36 گەورە شار و دەیان شارۆچکەی وڵاتانی سەرتاسەری جیهان خۆپیشاندان بەڕێوەچوون و کورد و هاوڵاتیانی ئەوڵاتانەش بەشداری چالاکییەکان بوون و سەرکۆنەی هێرش و داگیرکاریی تورکیایان بۆ سەر عەفرین کرد.[2]
- کریس ستیفن، پەرلەمانتاری پارتی نیشتیمانی سکۆتلاند دەڵێ وەکو ئەندامانی پەرلەمان بەردەوام دەبین لە وروژاندنی کێشەکانی عەفرین و کوبانێ و هێرشەکانی تورکیا بۆ سەر خەڵک و سڕینەوە و لەناوبردنی هاووڵاتیان. ئەمە بە تەواوەتی جێگەی قبوڵ نییە، ئێمە بەردەوام دەبین لە کارکردن بۆ چارەسەرکردنی ئەو گرفتانە لەجیاتی کوردەکان، نەک تەنها لە گڵاسگۆ و سکۆتلاند، بەڵکو لە هەموو بەریتانیادا.[5]
- لە بەیاننامەیەکدا، ئەمڕۆ، کۆشکی ئەلیزی ڕایگەیاند: ئیمانویل ماکرون، لە پەیوەندیەکی تەلەفۆنیدا نیگەرانی خۆی بە ڕەجەب ئەردۆغانی سەرۆکی تورکیا ڕاگەیاندوە سەبارەت بەو دۆخە مرۆییەی لە شاری عەفریندا دەگورزەریت.[2]
- سایتی (دەبکا فایل)ی ئیسرائیلی بڵاویکردەوە، پلانەکان خێرا دەکرێن بۆ گواستنەوەی بنکەی ئەنچەرلیکی ئەمریکا لە باشوری تورکیاوە بۆ یۆنان کە گەورەترین بنکەی ئاسمانیە لە ناوچەی ڕۆژهەڵاتی ناوەڕاست.[3]