26-01-2019
باکووری کوردستان
- سەزای تەمەلیسەزای تەمەلی هاوسەرۆکی گشتیی پارتی دیموکراتیکی گەلان-هەدەپەهەدەپە سەردانی لەیلا گیوڤەنلەیلا گیوڤەنی کرد کە ماوەی 80 ڕۆژە لەدژی گۆشەگیری سەر عەبدوڵڵا ئۆجەلانعەبدوڵڵا ئۆجەلان مانی لەخواردن گرتووە.[3]
رۆژهەڵاتی کوردستان
- هاووڵاتییەکی کورد بە ناوی عەلی والایی بۆ ئیدارەیی ئیتلاعاتی سەرپێلی زەهاوزەهاو بانگهێشت و دەسبەسەر کرا. بە وتەی سەرچاوەیەکی ئاگادار، هێزەکانی ئیتلاعات لە ڕێگەی پێوەندیی تەلەفوونیەوە ئەم هاووڵاتییە کوردەیان بانگهێشت کردووە. ئەو سەرچاوەیە گوتیشی: ئەم هاووڵاتییە کوردە بە تۆمەتی هاوکاری لەگەڵ یەکێک لە حیزبەکانی ئۆپۆزیسیۆنی حکوومەتی ئێران دەسبەسەر کراوە.[6]
- هاووڵاتییەکی کورد بە ناوی محەممەد پارەکار تەمەن 30 ساڵ کوڕی کەریم خەڵکی گوندەوێڵە سەر بە شاری شنۆشنۆ بۆ تێپەڕاندنی ماوەی حوکمەکەی بۆ زیندانی شاری شنۆ ڕاگوێزرا.[6]
باشووری کوردستان
- لە شیلادزێ خۆپیشاندان دژی بۆردوومانکردنی داگیرکەری تورک بەڕێوەچوو. خۆپیشاندەران چوونە ناو بارەگایەکی سوپای تورکیاوە لە کۆمەڵگەی سیرێ-ی سەر بە شارەدێی شیلادزێشیلادزێ و چەندین ئۆتۆمبێل و تانکی سەربازییان سووتاند، لە سوپا و میتی تورک کوژراو و دیل هەیە و لە خۆپیشاندەرانیش شەهید و بریندار هەن. فڕۆکەکانی داگیرکەری تورک بۆ ترساندنی خۆپیشاندەران بە نزمی بە ئاسمانی شیلادزێ و ناوچەکەدا دەسووڕێنەوە.[2]
- تەرمی دوو هاونیشتمانیی دیکەی ئامێدیئامێدی کە بەهۆی بۆردوومانەکەی داگیرکەری تورکیا کە لە گەلی ڕەشاڤا لە ئامێدی گیانیان لەدەستدا، بەیانیی ئەمڕۆ بەخاک سپێردران. [2]
- دەستەی بەڕێوەبەرایەتی تەڤگەری ئازادیی کۆمەڵگەی کوردستانتەڤگەری ئازادیی کۆمەڵگەی کوردستان لەسەر خۆپیشاندانەکانی خەڵکی شیلادزێ ڕایگەیاند، ڕاپەڕینی جەماوەریی شێلادزێ دژ بە داگیرکاریی پێویستە هەموو باشور بگرێتەوه.[2]
- هێزە ئەمنییەکان هێرشیان کردە سەر تیمەکانی کەناڵی ئێن ئاڕ تی، کە ڕووماڵی گواستنەوەی بریندارانی خۆپیشاندانەکانی شێلادزێیان دەکرد و دەستگیریان کردن. پاشتر هەندێکیان ئازادکران.[2]
- فراکسیۆنی گۆڕان لە پەرلەمانی هەرێمی کوردستان دەڵێت، داواکارین دەوڵەتی تورکیا کۆتایی بە تۆپبارانکردنی خاکی باشوری کوردستان بهێنێت و هێزە سەربازیەکانیان بگەڕێنەوە خاکی تورکیا.[5]
- هێزێکی زێڕەڤانی گەییشتە سێرێ بۆ پاراستنی بنکەکانی سوپای تورک.[2]
- فڕۆکە جەنگییەکانی سوپای تورکیای داگیرکەرناوچەکانی شیلادزی، دێرەلوک وهەرێمی زاپ بۆردومان دەکات.[3]
- هێزەکانی حەشدی شەعبیحەشدی شەعبی ماڵ بە ماڵی گوندی حەسارحەسار لە کەرکووککەرکووک دەپشکنن.[2]
- بەرەبەیانی ئەمڕۆ سەعات 3:15 یەکەم گەشتی هێڵی ئاسمانی تورکش ئێر گەیشتە فڕۆکەخانەی نێودەوڵەتی سلێمانیسلێمانی.[1]
- ژمارەیەک تیرۆرستی داعش دوای ئەوەی دزەیان کردبووە ناو گەڕەکی بەختیاری لەباشوری خانەقینخانەقین لەلایەن هێزەکانی ئاسایشەوە وەڵام دراونەتەوه و تێکشکاون.[1]
رۆژئاوای کوردستان
- شەڕڤانشەڕڤانانی هێزەکانی سوریای دیموکراتیک (قەسەدە) لە چوارچێوەی هەڵمەتی گەردەلولی جزیر دا ئەمڕۆ ڕێڕەوێکی ئارام و پارێزەراویان لە نێوان گوندەکانی مەراشلی و باغوزی ژووردا کردەوە و لەو ڕێگەیەوە هەزار و 300 هاووڵاتییان لە دەست چەتەکانی داعشداعش ڕزگار کرد. زۆربەی ئەو هاووڵاتییانەی لە دەست چەتەکانی داعش ڕزگارکراون ژن و منداڵن.[3]
دەرەوەی کوردستان
- وەزارەتی بەرگریی تورکیا ڕاگەیێندراوێکی لەبارەی خۆپیشاندانەکەی شیلادزێ بڵاوکردەوە و ڕایدەگەیێنێت ''بەهۆی هاندانی پەکەکەپەکەکە هێرشکرایە سەر بنکەیەکی سەربازیمان لە باکووری عێراق و زیان بە بەشێک لە ئۆتۆمبێل و کەلوپەلمان گەیشتووە''.[4]