$باشووری کوردستان$
- #وەزارەتی گواستنەوە# و گەیاندنی هەرێم ڕایدەگەیەنێت، بۆ جاری دووەم ڕاگرتنی گەشتی دەرەکی فڕۆکەخانەکانی هەرێم لەلایەن حکومەتی ناوەندەوە درێژکراوەتەوە.[3]
- شاندێکی ڕۆژئاوای کوردستان و پەرلەمانی هەرێمی کوردستان، سەردانی کونسوڵی چیک-یان لە #هەولێر# کرد داوای ئازادکردنی ساڵح موسلیم-یان کرد، کونسوڵی چیک-یش سەرسوڕمانی خۆی لە دەستگیرکردنی موسلیم نیشاندا.[1]
- لە شاری #سلێمانی# #ژنانی گەنجی تێکۆشەر# کۆنگرەیەکی ڕۆژنامەنووسیان ئەنجامدا و کەمپینێکیان ڕاگەیاند و داوای بایکۆتکردنی هەموو کاڵا و کەلوپەلێکی تورکیان لە باشوری کوردستان کرد.[1]
- کاتژمێر 10:15ی ئەمشەو لە شاری #کەرکووک#، پێکدادان لەنێوان هێزە عێراقییەکان و ژمارەیەک چەکداری نەناسراو ڕوویدا. سەرچاوەیەک لەپۆلیسی کەرکووک ڕاگەیاند چەند چەکدارێکی نەناسراو گوللە ئاربیجییەکیان ناوە بە بارەگای #بەرەی تورکمانی# لەگەڕەکی موسەڵای تورکمان نشین و بەهۆیەوە پێکدادان ڕوویداوە.[3]
- شەڕ و پێکدادان لەنێوان هێزە ئەمنییەکانی عێراق و چەکدارانی #داعش# لە #حەویجە# ڕوویدا و کوژراو برینداری لێکەوتەوە.[3]
$رۆژئاوای کوردستان$
- فڕۆکە جەنگییەکانی سوپای تورک گوندی یەلانقۆزی سەربە جندرێسیان بۆردوومان کرد و لە ئەنجامدا پێنج هاوڵاتی شەهیدبوون.[1]
- شەڕڤانانی یەکینەکانی پاراستنی ژن و یەکینەکانی پاراستنی گەل، هێرشێکی سوپای تورکیان بۆ سەر جندرێس تێکشکاند.[1]
- جێگری سەرۆکوەزیرانی تورکیا لەبارەی دەستگیرکردنی #ساڵح موسلیم#، هاوسەرۆکی پێشووی #پەیەدە# ڕایدەگەیێنێ، سێ وەزارەتیان لەسەرخەتن بۆئەوەی چیک ڕازی بکەن ڕادەستیان بکات.[2]
- سوپای تورک و چەتەکانی، شارۆچکەکانی شەرا و مەیدانکێ لە #عەفرین# تۆپباران دەکەن و زیانی زۆری لێکەوتووەتەوە.[1]
- ئەدریان ڕانکین گاڵۆوەی وتەبێژی پنتاگۆن لە کۆنگرەیەکی ڕۆژنامەوانیدا ڕایگەیاند، ئەمریکا و تورکیا بەدوای ڕێگەچارەیەکدا دەگەڕێن بۆ کەمکردنەوەی ئاڵۆزییەکانی عەفرین و گەیشتن بە چارەسەرێک. ڕانکین ئەوەشی ئاشکراکرد، لێکۆڵینەوەی دیپلۆماسی بۆ چارەسەری دۆخی عەفرین دەستیپێکردووە و چارەسەری دۆخی عەفرین دەکرێت.[3]
$دەرەوەی کوردستان$
- دەیان هاوڵاتی کورد لە بەردەدم داگای پراگی پایتەختی چیک گردبوونەوە و ناڕەزایی دەردەبڕن لە دژی دەستگیرکردنی ساڵح موسلیم و داوای ئازادکردنی دەکەن.[1]

قەسەدە ڕایگەیاند: لە شەڕ و پێکدادانەکانی 24 کاتژمێری ڕابردوودا لە #عەفرین#، 5 سەرباز و 50 چەتەی تورک کوژراون و دەیانی دیکەش برینداربوون، هەروەها 3 تانک و 6 زرێپۆش و ئۆتۆمبێلی سەربازیی سوپای تورکیش تیکشکێنراون.
ئێوارەی ئەمڕۆ، ناوەندی ڕاگەیاندنی هێزەکانی سوریای دیموکرات-قەسەده،‌ بە ڕاگەیەندراوێک، ئاماری شەڕ و بەرخۆدانی 24 کاتژمێری ڕابردووی بەرخۆدانی عەفرینی بڵاوکردەوە.
لە ڕاگەیەندراوەکەی قەسەدە-دا، هاتووە: سوپای تورک و چەتەکانی لە بەرەی ڕاجۆ-وە هەوڵی پێشڕەوییان داوە و شەرڤانانیش بەرپرچیان داونەتەوە، بەوهۆیەشەوە شەڕوپێکدادانی دروستبووە و ژمارەیەک سەرباز و چەتە کوژراون و برینداربوون، هەروەها فڕۆکە جەنگییەکانی تورکیش ناوچەکەیان بۆردوومانکردووە و بەهۆیەوە 2 شەرڤانی یەپەگە شەهیدبوون و 3 شەرڤانی دیکەش برینداربوون.=KTML_Quote_Begin==KTML_Style=width:40%;float:right;=KTML_Quote_Icon=❞ =KTML_Quote_Content=5 سەرباز و 50 چەتەی تورک کوژراون و دەیانی دیکەش برینداربوون، هەروەها 3 تانک و 6 زرێپۆش و ئۆتۆمبێلی سەربازیی سوپای تورکیش تیکشکێنراون=KTML_Quote_End=
هەروەها هاتووە: لە دەوروبەری گوندی حەج خەلیلی ڕاجۆ، سوپای تورک و چەتەکانی تۆپبارانی خانوقی هاوڵاتیانییان کردووە و بەهۆیەوە چەندین کەس برینداربوون.
بەپێی ڕاگەیەندراوەکەی قەسەدە، هەر لە بەرەیی شارۆچکەی ڕاجۆ، سوپای تورک و چەتەکانی لە دەوروبەری گوندی مۆسکی-یەوە هەوڵی پێشڕەوییان داوە، بەڵام لەلایەن شەرڤانانەوە بەرپەرچدراونتەوە و لە ئەنجامدا 2 ئۆتۆمبێلی سەربازیی سوپای تورک تێکشکێندراوە سەربازەکانی ناویشی کوژراون و ناچار بە پاشەکشێ کراون.
قەسەدە، ئاماژەی بەوەشکردووە: سوپای تورک و چەتەکانی لە گوندی حەجیلەر-ەوە هەوڵی پێشڕەوییان داوە، بەڵام لەلایەن شەڕڤانانەوە بەرپەرچیان دراوەتەوە و 8 سەرباز کوژران و ژمارەیەکی زۆریش برینداربوون.
لە بەشێکی دیکەی ڕاگەیەندراوەکەدا، ئەوە خراوەتەڕوو: شەوی ڕابردوو فرۆکە جەنگییەکانی سوپای تورک، ناوەندی شارۆچکەی جندرێس-یان بۆردوومانکرد و تا بەرەبەیان بۆردوومانەکە بەردوامبوو، بەهۆیەوە لە گوندی یەڵانقۆز 5 هاولاتی شەهیدبوون و ژمارەیەکی زۆریش برینداربوون.
قەسەدە، ڕاشیگەیاندووە: دەرنگانی شەوی ڕابردوو، گوندی ئانقەڵا-ی سەر بە شارۆچکەی شییە، لەلایەن هێلیکۆپتەری جۆری کوبرای دەوڵەتی تورکەوە بۆردوومانکراوە، بەرەبەیانی ئەمڕۆش هێرشی زەمینیی بۆ سەر گوندەکە دەستیپێکردووە و شەڕی دژواری لێکەوتووەتەوە و شەڕڤانان گورزی قورسیان لە دوژمن داوە.[1]
#26-02-2018#