26-12-2019
باکووری کوردستان
- لە کەناراوەکانی عادلجەوازی بەدلیسبەدلیس-ی دەریاچەی وانوان، کەشتییەکی کۆچبەران نوقم بوو. تیمەکانی فریاکەوتن گەیشتنە شوێنی ڕووداوەکەو 64 کەسیان ڕزگار کرد، بەڵام 7 کەس گیانیان لەدەستدا. پارێزگاری بەدلیس ڕایگەیاند، کەشتییەکە کە پەنابەری پاکستانی و بەنگلادێشی و ئەفغانی هەڵگرتبوو، کاتێک نزیک بووەتەوە لە کەناراوەکە، نوقم بووە.[1]
رۆژهەڵاتی کوردستان
- کۆنسێرتی ئۆرکێسترای مەریوانمەریوان کە بڕیار بوو ئەمڕۆ و سبەینێ، 5 و 6ی بەفرانبار بەڕێوە بچێت، لەلایەن ئەندامانی ئەو گرووپەوە بەو هۆیەوە کە ڕێکەوتی بەڕێوەچوونی بەرانبەر بوو لەگەڵ چلەی شەهیدانی خەزەڵوەر و بۆ ڕێزگرتن لەو شەهیدانە و بنەماڵەکانیان و هەموو خەڵکی مەریوان، هەڵوەشێندرایەوە.[6]
- بەپێی ڕاپۆرتی گەیشتوو بە ئاژانسی هەواڵدریی کوردپا، لە ماوەی ڕۆژانی ڕابردوودا، چوار هاووڵاتیی کورد لە پاوەپاوە بە ناوەکانی کەیهان عەزیزی، ئاشنا حەسەنزادە، سروش ئەمینی و ئەکبەر محەممەدی، بانگهێشت و لێپرسینەوەیان لێکراوە. ئەو چوار هاووڵاتییە کورد لەلایەن هێزە ئیتلاعاتییەکانەوە هەڕەشەیان لێکراوە و پاش چەند کاتژمێرێک لێپرسینەوە، ئازاد کراون.[6]
- لە شارۆچکەی پیرانشارپیرانشاری سەر بە پارێزگای ورمێورمێی ڕۆژهەڵاتی کوردستان، ژنێکی تەمەن 20 ساڵ بە ئاگر سووتا و گیانی لەدەستدا. ئەو ژنە گەنجە بەهۆی ڕێژەی زۆری سووتاوییەکەیەوە لە نەخۆشخانە گیانی لەدەستدا، کەسوکارەکەشی دەڵێن، خۆی خۆی سووتاندووە.[1]
- چالاکێکی سیاسیی کورد بە ناوی عادل بەهرامی، خەڵکی کامیارانکامیاران و دانیشتووی تورکیە، لەلایەن کاربەدەستانی ئەو وڵاتەوە دیپۆرتی ئێران کرایەوە.[6]
- دوکتور ناسر هیمەتی، دەروونناس، نووسەر و شاعیری ئیلامئیلامی، لەلایەن هێزە ئیتلاعاتییەکانەوە لە ئیسفەهان دەسبەسەر و بۆ شوێنێکی نادیار ڕاگوێزرا. بە وتەی سەرچاوەیەکی ئاگادار، ئەو چالاکە کوردە بەهۆی ڕەخنەگرتن لە بارودۆخی کۆمەڵگە و پشتیوانی لە گیانبەختبووانی خۆپیشاندانەکانی مانگی خەزەڵوەر، دەسبەسەر کراوە.[6]
باشووری کوردستان
- بەرەبەیانی ئەمڕۆ، پرۆسەی جیاکردنەوەو هەژمارکردنی دەنگەکانی کۆنگرەی چوارەمی یەکێتیی نیشتمانیی کوردستانیەکێتیی نیشتمانیی کوردستان بەسەرکەوتووی کۆتاییهات و لیژنەی دادوەریش لە کۆنگرەیەکی ڕۆژنامەوانیدا ناوی ئەندامانی دەرچووی بۆ ئەنجومەنی سەرکردایەتی گشتی ڕاگەیاند.[2]
- لە کافێ نێتی مۆزەخانەی نیشتمانی ئەمنەسورەکە بە ئامادەبونی چەند کەسەیاتییەکی شارەزای مێژوویی ئەمڕۆ وەزارەتی ڕۆشنبیریوەزارەتی ڕۆشنبیری و لاوانی سەربە بەڕێوەبەرایەتی ڕۆشنبیری و هونەری سڵیمانی پانێلی دیرۆکی بابانبابانەکان و پاراستنی یادەوەریمانی سازکرد.[2]
- سوپای فینلەدا لە ڕاگەیێندراوێکیدا ڕایگەیاندووە، لە سەرەتای ساڵی داهاتوو هێزەکانی لە عێراق دەگوازێتەوە هەرێمی کوردستان و لە هەولێرهەولێر جێگیریان دەکات.[3]
- بەهۆی ناجێگیری بارودۆخی ئەمنییەوە، لەکۆی 12هەزار خێزانی کریستیان لە کەرکووککەرکووک تەنیا 1500 خێزان ماون، بۆ ئەمساڵیش وەکو هاوسۆزییەک بۆ خانەوادەی شەهیدانی خۆپێشاندانەکانی عێراق و ناجێگیری بارودۆخی ئەمنی، بڕیاریاندا هیچ جۆرە ئاهەنگێک نەگێڕن، سەرۆکی ئەساقیفەی کەرکووک و سلێمانیسلێمانی دەڵێت ئەزموونی هەرێمی کوردستان سەرکەوتووە و پێویستە بۆ هەموو ناوچەکانی عێراق بگوازرێتەوە.[4]
- لە بازگەی دێگەڵەدێگەڵە دەستبەسەر زیاتر لە 22 تۆن هێلکەی بەسەرچوودا گیرا و قائیمقامی شارۆچکەی ناوەندی هەولێریش داوا لە سەرۆکایەتیی ئەنجوومەنی وەزیران و وەزارەتی کشتوکاڵ دەکات لیژنەیەک لەسەر ئاستی باڵا پێکبهێندرێت بۆ لێکۆڵینەوە لەو حاڵەتەو دەشڵێ ئەمە جاری یەکەم و دووەم نییە ئەو هێلکانە هاوردەدەکرێن.[3]
- پارێزەرانی شاری هەولێر، ڕایدەگەیەنن، ئەگەر داواکاری گشتی هەرێم وەڵامی یاداشتەکەیان لە بارەی ڕاگرتنی زنجیرە فیلمە تورکییەکانەوە نەداتەوە، ئەوا هەنگاوی دواتریان بۆ ڕاگرتنی پەخشکردنی ئەو زنجیرە فیلمە تورکییانە، تۆمارکردنی سکاڵا دەبێت.[5]
- شەوی ڕابردوو، لەسەر ڕێگای نێوان سەیدسادقسەیدسادق - هەڵەبجەهەڵەبجەی تازە مەیخانەیەک سوتا.[2]
- دوای ئەوەی ناوی دامەزراوانی پەروەردەی کەرکووک ئاشکراکران و پشکی زۆرینە بەر عەرەب کەوتبوو، تورکمانەکانی کەرکووک دژی کەمیی پشکەکانیان و پشتگوێخستنیان خۆپیشاندانیان کرد.[3]
رۆژئاوای کوردستان
- سوپای تورکی داگیرکەر ناوچەی تل ڕەفعەت، کە بە هەزاران خەڵکی مەدەنیی تێیدا دەژیت، بە تۆپ و چەکی قوڕس تۆپباران کرد.[1]
- سوپای تورکی داگیرکەر و چەتەکانی، بە چەکی قوڕس هێرشیان کردووەتە سەر گوندی ئەریدای سەر ب ناوچەی عەین عیسا و تۆپبارانی دەکەن.[1]
دەرەوەی کوردستان
- سەرچاوەکان باس لەوەدەکەن، بەرهەم ئەحمەد ساڵحبەرهەم ئەحمەد ساڵح دەستی لەکارکێشاوەتەوە.[7]
- ڕەجەب تەیب ئەردۆغانڕەجەب تەیب ئەردۆغان، سەرۆک کۆماری تورکیا لە لێدوانێکی لە ئەنقەرە ڕایگەیاند، لە 7 کانوونی دوووەم، دوای ڕەزامەندی پەرلەمان، هێز بۆ لیبیا دەنێرین.[4]
- ڕوانگەی سووری بۆ مافەکانی مرۆڤ بڵاویکردەوە کە درەنگانی شەوی ڕابردوو کاروانێکی سەربازی تورکیا لە ڕێگەی دەروازەی سنووری کەفەر لووسین لە باکووری ئیدلبەوە چووەتە نێو سووریا، کە لە 85 ئۆتۆمبێلی سەربازی و زریپۆش پێکهاتوون.[4]
- بەپێی هەواڵێکی سایتی سۆمەریەنیوز باری نائاسایی لەنێو هێزەکانی حەشدی شەعبیحەشدی شەعبی ڕاگەیاندراوە وەک ئامادەکارییەک بۆ وو بەڕووبونەوەی هەندێک لە جموجۆڵەکانی سوپای ئەمریکا.[8]
- گوتەبێژی سەرۆکایەتی کۆماری تورکیا، ئیبراهیم کالن، ڕەخنەی لە وڵاتانی کەنداو گرت بە هۆی مامەڵەکردنیان لەگەڵ مەزڵوم کوبانێ، فەرماندەی گشتیی هێزەکانی سووریای دیموکرات (هەسەدەهەسەدە). ئیبراهیم کالن ڕایگەیاند، وڵاتەکەی بێدەنگ نابێت لە ئاست ئه و دیدار و کۆبوونەوانەی لەگەڵ فەرهاد عەبدی شاهین ناسراو بە مەزڵووم کوبانێ ئەنجام دەدرێن. گوتیشی: ئێمە هەندێک وڵاتی کەنداو دەبینین کە لەگەڵ مەزڵوم کوبانێ کۆدەبنەوە بۆ ئەوەی دژی تورکیا بەکاری بهێنن و ئەوە بە بێ وەڵام لە لایەن تورکیاوە تێناپەڕێت.[4]