[1]

دڵگرانم بە کۆچی دوایی فەرماندە حەسەن حەمد کامەلا ناسراو بە (حەسەن ئاغای وەرتێ)، پێشمەرگەی دێرین و دانەبڕاوی شۆڕشی نوێ و #یەکێتیی نیشتمانیی کوردستان#.
بۆ ئەم خەمە گەورەیە پرسە و هاوخەمی قووڵی خۆمان ئاڕاستەی کەسوکار و بنەماڵە سەربەرزەکەیان دەکەم کە نموونەی وەفاداری و تێکۆشانن لەپێناو کوردستان.
‎لە خوای گەورە داواکارم هەڤاڵی کۆچکردوومان بە بەهەشتی بەرینی شاد بکات و سەبووری بە هەموولایەک ببەخشێت. [1]

‎دڵسۆزتان
‎#بافڵ تاڵەبانی#
‎سەرۆکی یەکێتیی نیشتمانیی کوردستان

لە پەیامێکی پیرۆزبایدا بەبۆنەی جەژنی قوربانەوە #ئەژی ئەمین# یاریدەدەری ڕاوێژکاری ئەنجومەنی ئاسایشی هەرێم، هێرشی توند دەکاتە سەر یەکێتی و جێگیرکردنی مامەڵەکردنی بەغدا لەگەڵ پارێزگای #سلێمانی# بە خیانەت ناودەبات. لە پەیامەکەیدا هاتووە ”ئومێد دەکەم لە ژێر ناوی جیاکردنەوەى بودجە یان پشکى پارێزگادا، چیتر بەرژەوەندی نەتەوەکەمان نەکرێنە قوربانى بەرژەوەندى تەسکى حزبى. سەرکردایەتی سیاسی کورد ژیرانەتر و باشتر مامەڵە بکات لەسەر ئەم بابەتە. هەنگاوی لەمشێوەیە لە مێژوودا وەکو خیانەتێک دەنووسرێتەوە. ئەم پیلانە پێچەوانەیە لەگەڵ بنەماکانی دامەزراندنی یەکێتی لە مافی چارەی خۆنووسین و هەر هەنگاوێکى لەمشێوەیە سەروەرى نەتەوەکەمان دەخاتە ژێر مەترسییەوە و پشتیوانی داگیرکارانی کوردستان لەژوورە تاریکەکاندا لەبەرخاتری چاوی کاڵمان نیە، بەڵکو بۆلەباربردنی ئەم قەوارەیە”.
وەک ئاماژەیەک بۆ کردنەوەی فەوجێکی دژە تیرۆری عێراق لە پارێزگای سلێمانی، ئەژی ئەمین دەڵێت: ئیدانەی پەلکێشکردنی دامو دەزگای ئەمنی و هەواڵگری بێگانە دەکەم بۆ ناو خاکی هەرێم و هەر ئەو هێزانە بوون لە 16ی ئۆکتۆبەر و کاتی دیکەشدا چەندین پێشمەرگەیان لەژێر دەبابەکانیاندا شەهید کرد و بەسەر لاشەی شەهیدەکان خاکی هەرێمیان داگیرکرد. [1]

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

برای بەڕێزم کاک عەمید سالار
بەداخێکی زۆرەوە هەواڵی کۆچی دوایی دایکی بەڕێزتانم بیست، دڵگران و خەمباری کردم، هاوبەشی خەمتانم، پرسە و سەرەخۆشی و هاوخەمی خۆم ئاراستەی جەنابت و خانەوادەکەتان دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت. [1]

#کۆسرەت ڕەسوڵ عەلی#
سەرۆکی ئەنجومەنی باڵای سیاسی و بەرژەوەندی
#یەکێتیی نیشتمانیی کوردستان#
=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=