$باکووری کوردستان$
- دادگای پیاداچوونەوەی ئەرزڕۆم سزای 10 ساڵ و 6 مانگ زیندانیکردنی بەرماڵ بیرتەک و ئەرگین باڵتای ئەندامانی پێشووی ئەنجوومەنی پارتی دیموکراتیکی هەرێمەکان (#دەبەپە#)دا هەڵوەشاندبووە داوای کردبوو سەرلەنوێ دادگایی بکرێنەوە. لەو چوارچێوەیەدا لە لقی 2ی دادگای سزا قورسەکانی موش دا دانیشتنی دادگایکردنەوەی ئەو 2 ئەندامەی ئەنجوومەنی پێشووی دەبەپە دەستیپێکرد. بیرتەک لە زیندانی سینجان و باڵتا لە زیندانی جۆری ئێڵی پاتنوسەوە لە ڕێگەی سیستمی تەلەفزیۆنیی داخراوەوە بەشداری دانیشتنەکەی دادگا بوون. دەستەی دادگاکە بڕیاریدا سزای 10 ساڵ و 6 مانگ زیندانیکردن بەسەر بیرتەک و باڵتادا بسەپێنرێت.[8]
$رۆژهەڵاتی کوردستان$
- جەواد ئاقازادە، سەرۆکی زانکۆی پزیشکی پارێزگای #ورمێ# ڕایگەیاند، لە ماوەی 24 کاتژمێری ڕابردوودا 328 کەس لە ورمێ تووشی #کۆرۆنا# بوونە و 525 کەسی دیکەش گومانی تووشبوونیان لێدەکرێت. ئاقازادە، ئاشکراشی کرد، لە 24 کاتژمێری ڕابردوودا 22 کەس لە ورمێ بەهۆی کۆرۆنا گیانیان لەدەستداوە. بەمەش ژمارەی ئەو کەسانەی لە پارێزگاکە بە کۆرۆنا گیانیان لەدەستداوە بۆ 458 کەس بەرزبوویەوە.[4]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/384454/0022.JPG=KTML_ImageCaption_Title=رێزلێنانی چالاکوانانی ڕۆژهەڵات لە شەهیدانی ژینگەپارێز=KTML_ImageCaption_CaptionStyle=000000=KTML_ImageCaption_Caption=رێزلێنانی چالاکوانانی ڕۆژهەڵات لە شەهیدانی ژینگەپارێز=KTML_ImageCaption_End=
- لە لقی 2ی دادگای ئینقلابی ورمێ بە سەرۆکایەتیی دادوەر شێخلوو هاووڵاتییەکی کورد بە ناوی مەحیەدین تازە وارد خەڵکی شاری #شنۆ#، بە ئێعدام و 6 هاووڵاتیی دیکە بە 33 ساڵ زیندانیی تەعزیری مەحکووم کران. بەپێی ئەو حوکمە، مەحیەدین تازە وارد کوڕی یووسف خەڵکی شاری شنۆ بە تۆمەتی مەحاربە بە ئێعدام، عەبدولسەلام مەردان کوڕی محەممەد خەڵکی شنۆ، بە تۆمەتی ئەندامبوون لە گرووپە توندڕەوە مەزهەبییەکان بە 10 ساڵ زیندانیی تەعزیری، حیسام محەممەدی خاجلوو کوڕی حوسێن خەڵکی شنۆ بە تۆمەتی پڕوپاگەندە دژی نیزام بە ساڵێک زیندانیی تەعزیری، نیزام نادری کوڕی ڕەحمان خەڵکی #بۆکان# بە تۆمەتی پڕوپاگەندە دژی نیزام بە ساڵێک زیندانیی تەعزیری، عەلیڕەزا فەتاح مورادی کوڕی سدیق خەڵکی بۆکان بە تۆمەتی ئەندامبوون لە گرووپە توندڕەوە مەزهەبییەکان بە 10 ساڵ زیندانیی تەعزیری، جەلال ڕۆستەمی نەوروزلوو کوڕی ئەبووبەکر خەڵکی #مەهاباد# بە تۆمەتی پڕوپاگەندە دژی نیزام بە ساڵێک زیندانیی تەعزیری و مەلا ڕەحمەت نسوحی خەڵکی مەهاباد بە تۆمەتی ئەندامبوون لە گرووپە توندڕەوە مەزهەبییەکان بە 10 ساڵ زیندانیی تەعزیری مەحکووم کران.[7]
- هاووڵاتییەکی کورد بە ناوی ڕێبوار پادەست کوڕی ڕەسووڵ، خەڵکی شاری گۆگتەپەی مەهاباد، لەلایەن هێزە ئەمنییەتییەکانەوە دەسبەسەر کرا و بۆ شوێنێکی نادیار ڕاگوێزراوە. هێزە ئەمنییەتییەکان بەبێ بەڵگەی یاسایی، هێرشیان کردووتە سەر ماڵی ناوبراو و پاش دەسبەسەرکردنی، دەستیان بە پشکنینی ماڵەکەی کردووە.[7]
$باشووری کوردستان$
- بۆردوومانی فڕۆکە جەنگییەکانی تورک بۆ سەر باشووری کوردستان بەردەوامە و ئەمڕۆ چیای زەنگڵی لە ناوچەی بەرێگارێی سەر بە شارەدێی دێرەلووکی شارۆچکەی #ئامێدی# بۆردوومانکرد.[1]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/384454/0003.JPG=KTML_ImageCaption_Title=بەهۆی تەقەی هێزەکانی ئێران چەندین ئاژەڵ لە سنووری پشدەر مردار بوونەوە=KTML_ImageCaption_CaptionStyle=000000=KTML_ImageCaption_Caption=بەهۆی تەقەی هێزەکانی ئێران چەندین ئاژەڵ لە سنووری پشدەر مردار بوونەوە=KTML_ImageCaption_End=
- هێزە چەکدارەکانی ئێران لە ناوچە سنوورییەکانی پشدەر تەقە لە بزن و ئاژەڵانی مەڕدارەکان دەکەن و بەوهۆیەوە ژمارەیەک ئاژەڵ مرداربوون و بەشێکی دیکەش برینداربوونەوە.[4](بڕوانە فایلی پەیوەندیدار)
- وەزارەتی تەندروستیی هەرێمی کوردستان تووشبوونی 254 کەس و گیانلەدەستدانی 10 کەسی دیکەی بە ڤایرۆسی کۆرۆنا ڕاگەیاند.[1]
- بۆ ساڵیادی شەهیدبوونی شەهید #دیار غەریب#، لە شاری سلێمانی پێشانگایەکی شێوەکاری و هونەری لەلایەن ڕێکخراوی نوێگەر کرایەوە، کە بەرهەمی 23 شێوەکاری تێدا نمایشکرا، لە پێشانگاکەدا وێڕای بنەماڵەی شەهید، هاوڵاتییەکی بەرچاو سەردانیان کرد.[5](بڕوانە فایلی پەیوەندیدار)
- جارێکی دیکە بەشێک لەکارمەندانی هاتوچۆی #سلێمانی# لەبەردەم باخی گشتی گردبوونەوە. ئه و کارمەندانەی هاتوچۆی سلێمانی لەدژی لێبڕینی مووچەکانیان بەردەوامیی بایکۆتی دەوامیان ڕاگەیاند و داوایان کرد حکومەتی هەرێمی کوردستان واز لە بڕینی قوتی فەرمانبەران و کارمەندان بهێنێت.[3]
- دژی دەرکردنیان لە کار و کەمکردنەوەی مووچەی بەشێکی دیکەیان، کارمەندانی کارگەی چیمەنتۆی #تاسڵوجە# گردبوونەوە.[5](بڕوانە فایلی پەیوەندیدار)
- دەزگای مرۆیی مام بۆ جاری سێهەم هاوکارییە پزیشکییەکانی گەیاندە #گەرمیان#.[3]
- شەوی ڕابردوو لە گەرەکی #بەکرەجۆ#ی شاری سلێمانی، بەهۆی کێشەیەکی خێزانییەوە، پیاوێک بە فیشەک هاوژینەکەی خۆی دەکوژێت و شەش کەسی دیکەش بریندار دەکات. ئەو کەسەی تەقەکەی کردووە، ناوی (ه.خ)ە و پیشەی لیوایە لە هێزەکانی پێشمەرگەو هاوسەرەکەی ناوی (ک، ن، س)ە، بکوژەکە دەستگیرنەکراوە و بۆ شوێنێکی نادیار هەڵاتووە.[6]
- فۆرمی خۆراک لە لایەن #وەزارەتی بازرگانی# عیراق بە ناوی پارێزگای_#هەڵەبجە# بۆ ساڵی 2020-2021 چاپکرا.[3](بڕوانە فایلی پەیوەندیدار)
- بەهۆی ئاگرێکەوە لە سنووری شارەدێی #ناڵپارێز# حەوت هەزار دۆنم پوش سووتا و ئاگرەکەش بەردەوامە.[5](بڕوانە فایلی پەیوەندیدار)
$رۆژئاوای کوردستان$
- ئاژانسی سانای فەرمی حکومەتی سووریا ڕایگەیاند سوپای ئەمەریکا بنکەیەکی سەربازی لە ناوچەی تل کۆچەر - یەعروبیە، لە دەوروبەری #حەسەکە# دروست کردووە، کە فڕۆکەخانەیەکی سەربازیش لەخۆی دەگرێت.[4]
- دەوڵەتی داگیرکەری تورک هێرشی کردە سەر گوندی عەڤدکۆی سەر بە ناوچەی #گرێ سپی# و لە ئەنجامی ئەو هێرشەدا سەربازێکی داگیرکەری سوریا بریندار بوو.[8]
$دەرەوەی کوردستان$
- لەسەر ناکۆکییەکانیان لەگەڵ تورکیا لەبارەی دەستوەردانەکانی تورکیا لە لیبیا و هەروەها گەڕانی بەدوای سەرچاوەی وزە لە دەریای ناوەڕاست، فەرەنسا داوای کۆبوونەوەی لووتکەی یەکێتیی ئەوروپا دەکات. وەزیری دەرەوەی فەرەنساش دەڵێت: ڕەنگە تورکیا سزابدەن.[2]
- گرووپێک بەناوی پڵنگەکانی ئێران ڕایگەیاند، ئەو ڕووداوەی لە بنکەی ئەتۆمیی نەتەنزی ئێران ڕوویداوە، لەلایەن ئەوانەوە ئەنجامدراوە و دەڵێت، لەنێو ناوەندە ئەمنییەکانی ئێراندا چالاکییان هەیە. لە بەرامبەردا ئێرانیش دەڵێت، ڕووداوەکە کە لە بنکەی ئەتۆمیی نەتەنز لە پارێزگای ئیسفەهان ڕوویداوە، زیانی گیانیی نەبووە و نەبووەتە هۆی وەستانی چالاکییەکانی بنکەکەش.[2]

'لە ڕاگەیەندراوی 13-07 ئاشکرامان کردبوو کە 02-07-2020 لە گۆڕەپانی ئاخولای ناوچەی پایزاوای وان لە ئۆپەڕاسیۆنێکی سوپای داگیرکەری تورکدا کە لە ئەنجامدا شەڕ لەنێوان هێزەکانمان و دوژمندا ڕوویدا، هاوڕێکانمان #ئازاد#، #کەندال# و #وڵات# شەهید بوون.
دەوڵەتی داگیرکەر بۆئەوەی سیستمی داگیرکەری خۆی لەسەر کوردستان بەردەوامی پێبدات و کردەوەکانی بۆ لەناوبردنی بشارێتەوە هەموو کاتێک پلانی جیاواز بەکاردەهێنێت. لە هەموو کاتە گرنگەکاندا، هەر کاتێک نزیکی ئازادی دەبینەوە، داگیرکەر بە پلانی نوێی لەناوبردن هەوڵ دەدات تێکۆشانی ئازادی کورد ئاستەنگ بکات. #تەڤگەری ئازادی# ئێستا نە لەدژی دوژمن بەڵکو لەدژی نۆکەر و دواکەوتووەکانیش تێکۆشانێکی گەورە دەکات. هەر کاتێک داگیرکەران تێکدەشکێنرین و ئێمە نزیکی ئازادی دەبینەوە، نۆکەران و دواکەوتووەکان دەگەنە فریای داگیرکەران. فیداییەکانی #ئاپۆ#یش خاوەنداری لە عەقڵیەتی قووڵی مێژوویی دەکەن و هیچ کاتێک ئەو هاوڕێیانەمان کە بە خیانەت شەهید بوون لەبیرناکرێت، زوو یان درەنگ تۆڵەیان دەکرێتەوە. پێویستە ئەوە بزانرێت.
لەم سەردەمەدا کە سوپای فیدایی ئاپۆیی بەرەو سەرفرازیی هەنگاو دەنێت و لە سەنگەرەکانی بەرخۆداندا داستان تۆمار دەکات، شەهیدە قاڕەمانەکانمان کە بە قاڕەمانێتی بەرخۆدانیان کرد، پیشانیاندا کە هیچ شتێک لبەردەم ئازادی گەلی کورد ناتوانێت خۆی بگرێت. هاوڕێکانمان وڵات، کەندال و ئازاد کە لەسەر هێڵی فیدایی خەباتیان دەکرد، لەم سەردەمە مێژووییەدا بە قارەمانێتی لەدژی سوپای داگیرکەری تورک شەڕیان کرد و ناوی خۆیان بە پیتی زێڕین لە مێژوودا نووسیەوە.
هاوڕێکانمان کەندال، وڵات و ئازاد هەر یەکەیان لە هەرێمێکی جیاوازی کوردستان لەەدایکبوون و لەناو وڵاتپارێزی کوردستاندا گەورەبوون و داگیرکەری سەر کوردستان و زوڵمی سەر کوردیان بینی. هاوڕێکانمان کە ڕاستی داگیرکەری و قڕکردنیان بینی بەشداریان لە تاکە ڕێگای سەرفرازی تێکۆشانی ئازایدا کرد. لە ماوەیەکی کەمدا بوون بە گەریلای پرۆفیشناڵ و لە سەنگەرەکانی بەرخۆداندا بۆئەوەی لە پێشەوە بن هەوڵی زۆریاندا. لە بۆتان ماوەیەکی زۆر لەناو بەرەی بەرخۆداندا مانەوە و میراسی عادل و نوودایان بە ڕوحی فیدایی پاراست. هەموو ڕۆڵ و بەرپرسیاری خۆیان بە سەرکەوتوویی جێبەجێ کرد و بە دڵنزمی خۆیان لەناو ژیاندا بە هەوڵوێستی تێکۆشەری خۆیان بۆ هاوڕێکانیان بوون بە مۆڕاڵ. هاوڕێکانمان وڵات، کەنداڵ و ئازاد بە قاڕەمانێتی لەدژی سوپای داگیرکەر و بە هەڵوێستی فیدایی ئاپۆگەری فەرمانمان پێدەکەن کە ڕێگای سەرفرازی بپارێزین.
لەم چوارچێوەیەدا سەرەتا سەرەخۆشی خۆمان ئاڕاستەی خانەوادەی شەهیدە قاڕەمانەکانمان و هەموو کوردستانیان وڵاتپارێز دەکەین و بەڵێن دەدەین ڕەنجی شەهیدان بە سەرفرازی بەفیڕۆ نەدەین و ئامانجەکانیان جێبەجێ بکەین.