- لە سنووری ریحا، لە شارۆچکەی سەرێکانیی رۆژئاوای کوردستان، سێ سەربازی تورکیا کە سەرقاڵی نۆبەتگیری بوون لە سەرلەبەیانی ئەمڕۆ کوژران.
- چەکدارانی داعش لە ناو گوندی وەحدە لە سنووری قەزای داقوق لەسەر رێگەی داقوق - تازە دەستڕێژی گوللە لە ژمارەیەک خوێندکاری زانکۆ دەکەن و لە ئەنجامدا چەند خوێندکارێک دەبنە قوربانی و کچە خوێندکارێکی کوردیش شەهید دەکەن.
- چەکدارانی‌ داعش پێنج کارگەی‌ تەحینیان لە باشیک برد و گواستیاننەوە بۆ ناو موسڵ، بۆ ئەوەی‌ لەوێشەوە بەرەو رەقەیان بگوازنەوە.
- بەمەبەستی‌ گەیاندنی‌ هاوکاری‌ مرۆیی بە ئاوارە و کۆچبەرەکان، ئەمڕۆ بە ئامادەبونی‌ کونسوڵی‌ گشتی‌ چین لە هەولێر و جێگری‌ پاێزگاری‌ هەولێر و جێگری‌ سەرۆکی‌ فەرمانگەی‌ پەیوەندییەکانی‌ دەرەوەی‌ هەرێم و نوێنەری‌ وەزارەتی‌ تەندروستی‌، یەکەم کاروانی‌ هاوکاری‌ وڵاتی‌ چین گەیشتە فڕۆکەخانەی‌ نێودەوڵەتی‌ هەولێر.
- بۆمبێکی چێنراو لەکۆنترین گەڕەکی قەزای کەلار لەگەرمیان پوچەڵکرایەوە.

1-حکومەتی خۆجێیی سلێمانی، حکومەتێکی بنکە فراوانە لەگشت لایەنە براوەکانی هەڵبژاردنی 30-04-2014 پێکدەهێنرێت، کەهەموو لایەنەکان بەپێی بەرکەوتی هەڵبژاردن بەشدار و هاوبەشن لەبەرێوەبردنی پارێزگای سلێمانی
2- پۆستەکانی پارێزگای سلێمانی و جێگرەکانی، سەرۆکی ئەنجومەنی پارێزگای سلێمانی و جێگرەکەی، بڕیاردەری ئەنجومەن، قایمقامیەتی ناوەند، پۆستەکانی پارێزگای هەڵەبجەو جێگرەکانی، سەرۆکی ئەنجومەنی هەڵەبجەو جێگرەکەی، بریاردەری ئەنجومەنی هەڵەبجەو قایمقامی هەڵەبجە، ئیدارەی سەربەخۆی گەرمیان و ئیدارەی راپەرین و جێگرەکان بەپێی هاوپێچی یەکەم دابەش دەکرێت، بۆ هەر یەک لە گۆڕان و یەکێتی بۆماوەی دوو ساڵ پاشان جێگۆرکێیان پێ‌ دەکرێت.
3-کاندیدی یەکێتی نیشتمانی کوردستان بۆ دوو ساڵ یەکەمی پۆستی پارێزگای سلێمانی بریتیە لە د.ئاسۆ فەرەیدون عەلی ئەمین کەلە بەرواری(11-12-2014) دەست بەکار دەبێت تا بەرواری(09-08-2016)، کاندیدی بزوتنەوەی گۆڕان بۆ دوو ساڵی دووەم پۆستی پارێزگای سلێمانی بریتیە لە د.هەڤاڵ ئەبوبەکر کەلە بەرواری (10-08-2016) دەست بەکار دەبێت تا بەرواری (30-04-2018)
4-تا ئەنجامدانی هەڵبژاردنی ئەنجومەنی خۆجێ یەتی قەزاو ناحیەکان، پۆسەتاکانی قایمقام و بەرێوەبەری ناحیەکان لە لایەن ئەنجومەنی پارێزگای سلێمانیەوە دادەنرێن بەپێی هاوپێچی (دووەم و سێ یەم)ی ئەم رێککەوتنە.
5-پۆستەکانی بەرێوبەرەگشتیەکان بەپێی هاوپێچی چوارەم دابەش دەکرێت بەسەر لایەنکاندا.
6-ئەنجومەنی پارێزگای سلێمانی لەگەڵ دەستبەکاربونی پارێزگار هەڵدەستێت بەجێبەجێ کردنی هاوپێچی (دووەم و سێیەم و چوارەم و پێنجەم)
7-ماوەی دووساڵ بە دووساڵ کەلەم رێکەکوتنەدا هاتوە بەمانای ئەوەیە کەدووساڵی یەکەم لە 11-12-2014 تا 09-08-2016 دەبێت بەدووساڵی دووەم لە 10-08-2016 تا 30/4م2018 دەبێت
8- بزوتنەوەی گۆڕان و یەکێتی لەرێگەی لیژنەیەکی هاوبەشەوە گفتوگۆ لەگەڵ لایەنەکانی تر دەکەن بۆ دیاری کردنی پشەکەکانیان و هاوبەشی کردنیان لەحکومەتی خۆجێیەتی سلێمانی.
9-گۆرانکاری لە بەرێوەبەرەکانی پۆلیسدا بەپێی رێکەوتنی پێشوەخت لەنێوان هەردوولا ئەنجام دەدرێت و دەست پێکەکەی بەم گۆڕان کاریانە دەستپێدەکات، وەک لەهاوپێچی پێنجەمدا هاتووە.
10-ئەنجومەنی پارێزگای سلێمانی هەڵدەستێت بەپێدا چونەوە بەسەرجەم بەرێوەبەرایەتیەکان بەئەنجامدانی گۆرانکاری تیایدا بەپێ رێکارە یاسایی و ئیداریەکان
11-زانکۆو پەیمانگاکان و راگرایەتی دەستە سەربەخۆکان و ئەو فەرمانگانەی لەدەرەوەی دەسەلاتی ئەنجومەنی پارێزگاکانن بەپێی یاسا لەسەر بنەمای لێهاتوویی و سیڤی و دەرفەتی یەکسان رێکدەخرینەوەو دادەنرێن
12-ئەم رێکەوتنە لەئەنجومەنی پارێزگای سلێمانی دەخوێنریتەوەو پەسەند دەکرێت و ئەنجومەنی حکومەتی هەرێم پابەندە بەجێبەجێکردنی تەواوی رێکەوتنەکە.
رێککەوتنەکەش لە پۆستەکاندا بەم شێوەیەیە
ئەو پۆستانەی بەر بزوتنەوەی گۆڕان و یەکێتی و لایەنەکانی تر کەوتوە بەم شێوەیەیە:
دوو ساڵی یەکەم پارێزگاری سلێمانی بۆ یەکێتی دەبێت و جێگرێکی بۆ گۆڕان.
سەرۆکی ئەنجومەنی پارێزگای سلێمانی بۆ ماوەی دو ساڵ بۆ گۆڕان دەبێت و جێگرەکەی بۆ یەکێتی.
لە پارێزگای هەڵەبجەیش، پارێزگار و جێگرێکی پارێزگار بۆ گۆڕان دەبێت و یەکێتیش، سەرۆکی ئەنجومەنی پارێزگاو قائیمقام و جێگری پارێزگاری بەردەکەوێت.
لێپرسراوی ئیدارەی گەرمیان بۆ یەکێتی، ئیدارەی راپەڕینیش بۆ گۆڕان دەبێت.
لە کۆی (15) قائیمقام لە پارێزگای سلێمانی، (6) قائیمقام بە بزوتنەوەی گۆڕان کەوتوە لەوانەش (سلێمانی، کەلار، پێنجوێن، سەیدسادق، دەربەندیخان).
یەکێتی نیشتیمانی (6) قائیمقامی بەرکەوتوە، لەوانەش (هەڵەبجە، رانیە، چەمچەماڵ)
(3) قایمقامی دیکەیش بۆ پارتی و یەکگرتو کۆمەڵ دەبێت.
بەپێی رێککەوتنەکە لە کۆی (44) بەڕێوەبەری ناحیە لە سنوری پارێزگای سلێمانی، گۆڕان (19) بەڕێوەبەری ناحیەی بەردەکەوێت و یەکێتیش (18) بەڕێوەبەری ناحیەی دەبێت.
هەروەها (7) بەڕێوەبەری ناحیە دەمێنێتەوە بۆ سێ‌ لایەنەکەی دیکە (پارتی، یەکگرتو، کۆمەڵ)
لە پارێزگای سلێمانی (27) بەڕێوەبەرایەتی گشتی هەیە و لەو ژمارەیەش بزوتنەوەی گۆڕان (11) بەرێوەبەرایەتی گشتی بەردەکەوێت و یەکێتیش (11).
(5) بەڕێوەبەرایەتی گشتیش بۆ پارتی و یەکگرتو کۆمەڵ دەبێت.