$باکووری کوردستان$
- لە گوندی داشقۆلی ئەلباکی #وان# لە ئەنجامی دەستڕێژی سەربازانی تورکدا گەنجێک شەهید بوو و کەسێکیش بریندار بوو. گەنجە شەهیدە ناوی ئەمرا گورورە و تەمەنی 20 ساڵە و سائیم یڵمازیش بریندار بووە. سائیم یڵماز بۆ نەخۆشخانەی هەرێمی وان گواستراوەتەوە. تەرمی گوروریش بۆ پزیشکی دادی دەوڵەت لە ئەلباک گواستراوەتەوە.[5]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/383594/0015.JPG=KTML_ImageCaption_Title=گەنجێکی کورد لە وان لە لایەن سوپای تورکەوە شەهیدکرا=KTML_ImageCaption_CaptionStyle=000000=KTML_ImageCaption_Caption=گەنجێکی کورد لە وان لە لایەن سوپای تورکەوە شەهیدکرا=KTML_ImageCaption_End=
- پارێزگاری دەوڵەتی تورک لە شرنەخ بۆ ڕێگریکردن لە ڕیپێوانەکەی #هەدەپە# بەرەوە ئەنقەرە، کە لە جۆلەمێرگ و ئەدەنەوە دەستپێدەکات، بۆ ماوەی 15 ڕۆژە ئەنجامدانی هەموو چالاکییەکی لە شرنەخ قەدەغە کرد. ئەو قەدەغەکارییە بە پاساوی ڕێگریکردن لە بڵابوبونەوەی ڤایرۆسی کۆرۆنا لەلایەن لیژنەی تەندروستییەوە ڕاگەیەندرا!.[5]
- لە کاتێکدا بڕیارە ئەمڕۆ هەدەپە لە ئەدیرنە و جولەمێرگ ڕێپێوان ئەنجامبدات، ناوەندەکەیان لە ئیستەنبوڵ لەلایەن پۆلیسی دەوڵەتی تورکەوە بە ئۆتۆمبێلی سەربازی جۆری 'تۆما' گەمارۆ درا.[5](بڕوانە فایلی پەیوەندیدار)
- ئەنیستوتوی بومەلەرزە و کارەساتە سروشتیەکانی کاندیلیە ڕایگەیاند، ئێوارەی ئەمڕۆ کاتژمێر 17:12 خولەک لە ناوچەی کانی ڕەشی سەر بە چەولیگ بە گوڕی 5.9 پلەی ڕیختەر بومەلەرزەیەک ڕوویداوە. بە پێی زانیاریەکانی ئومیستوتوەکە، بومەلەرزەکە بە قوڵایی 5 کیلومەتر لە ژێر زەویدا ڕوویداوە. هاوکات ڕاگەیێندراوە کە بومەلەرزەکە لە ئامەدەوە تا دەگاتە ئەرزرۆم هەستی پێکراوە.[5]
$رۆژهەڵاتی کوردستان$
- بەرپرسانی سیاسی و پزیشکیی پارێزگای #سنە# هەفتەی داهاتوو بۆ ئەو پارێزگایە بە هەفتەی مەرگ ناودەبەن. جێگری تەندروستی زانکۆی زانستیی پزیشکی سنە دۆخی پارێزگاکە بە ناسەقامگیر دادەنێت و دەڵێت، دوای بەرزبوونەوەی ئاماری تووشبووان، هەفتەی داهاتوو بە ئەگەرێکی زۆرەوە دەبێتە هەفتەی مەرگ بۆ پارێزگای سنە.[2]
- بە پێی ڕاپۆرتی ڕێکخراوی مافی مرۆڤی هەنگاو، سەرەڕای تێپەڕبوونی یەک حەفتە بەسەر دەستبەسەر کرانی، “هاجەر سەعیدی” چالاکی بواری مافی ژنان لە شاری سنە، هیچ زانیارییەک لە چارەنووسی ناوبراو لە بەر دەست دا نییە.[6]
$باشووری کوردستان$
- شەوی ڕابردوو لە گوندی دارای سەر بە شارۆچکەی #خانەقین# عەرەبەکانی ناوچەکە و #داعش# هەڵدەکوتنە سەر گوندەکە و حەوت کەس دەکوژن و چواری دیکەش برینداردەکەن. ناوی شەش لە شەهيدەکان: سەید سەفا عەبدوڵڵا کاکەیی، سەید شەهاب بەشە کاکەیی غەسان عەزیز کاکەیی، تاریق عەزیز کاکەیی، یەزان جەمال کاکەیی و حسێن عاسم کاکەیی. ناوی سێ بریندارەکان: سەید محەممەد شەهاب کاکەیی، سەید عەلی شەهاب کاکەیی و موئەیەد خەلیل[1](بڕوانە فایلی پەیوەندیدار) =KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/383594/0013.JPG=KTML_ImageCaption_Title=هێرش کرایە سەر گوندێکی کاکەیی و حەوت کەس کوژران=KTML_ImageCaption_CaptionStyle=000000=KTML_ImageCaption_Caption=هێرش کرایە سەر گوندێکی کاکەیی و حەوت کەس کوژران=KTML_ImageCaption_End=
- دوو تووشبووی نەخۆشی ڤایرۆسی کۆڕۆنای نوی COVID19 لە پارێزگای #هەولێر#، پیاوێک تەمەن 71 ساڵ دانیشتووی کەسنەزان و ئافرەتێک تەمەن 70 ساڵ دانیشتووی شارۆچکەی #چۆمان# گیانیان لەدەستدا.[1](بڕوانە فایلی پەیوەندیدار)
- تووشبوویەکی ڤایرۆسی کۆڕۆنا لە سلێمانی گیانی لەدەستدا.[1]
- تووشبوویەکی ڤایرۆسی کۆرۆنا لە #کەرکووک# کە پیاوێکی تەمەن 70 ساڵانە گیانی لەدەستدا.[1]
- بەهۆی پێنەدانی مووچەکانیانەوە، پزیشکان و کارمەندانی نەخۆشخانەی گشتی شەهید ڕەئوف بەگ لە شارۆچکەی #شارەزوور#'ی سەربە پارێزگای سلێمانی، بایکۆتی تەواوی بەشەکانی نەخۆشخانەکەیان کرد. نەخۆشخانەکە تاکە نەخۆشخانەی سنوورەکەیە، دەوام تێیدا 24 کاتژمێرییە، کارمەندەکان دەڵێن 40 ڕۆژە مووچەیان وەرنەگرتووە و تا پێدانی مافەکانیان بەردەوام دەبن لە بایکۆت.[7]
- بە تاوانی ناوزڕاندن، باوکی ئەو کچە 7ساڵانەیەی کە دەستدرێژیی کرابووەسەر، دەستگیرکرا.[1]
- سەرۆکی دەستەی دەستپاکیی هەرێمی کوردستان ڕایدەگەیێنێت، لێکۆڵینەوە و وردبینی لە کەیسی هەموو مووچەخۆرێکی هەرێمی کوردستان دەکرێت و ئاشکرای کرد، 464 کەس بە نایاسایی بە پلەی وەزیر، ڕاوێژکار، بریکاری وەزیر و پەرلەمانتار خانەنشینکراون و بەشێکی زۆریان ئەندامانی باڵای حیزبەکانن.[2]
- عومەر قەڵادزەیی جێگری پارێزگاری #سلێمانی# لە کۆنفرانسێکی ڕۆژنامەوانیدا ڕایگەیاند: ئەمساڵ 165 هەزار تۆن گەنم لە جوتیاران لە پارێزگاکانی سلێمانی و #هەڵەبجە# و هەردوو ئیدارەی ڕاپەڕین و #گەرمیان# وەردەگیرێت.[4]
$دەرەوەی کوردستان$
- فەهرەتین ئالتون، بەڕێوەبەری پەیوەندییەکانی حکومەتی تورکیا لە ڕاگەیەندراوێک ئاماژەی بەوە کردووە، کۆمپانیای تویتەر بە بیناوی ئەوەی هەژمارەکان ساختەن و پشتگیری لە سەرۆک ئەردۆغان دەکەن و لە لایەن دەسەڵاتەوە بەکار دەهێنرێن ئەو کارەی کردووە، بەڵام ئەمە ڕاست نییە. دەشڵێت، ئەو بەڵگانەی تویتەر بەکاری هێناون، نالۆژیکین و لەسەر بنەمای سیاسیی دروست کراون و دەستی سیاسی لە پشتەوەیە. ئەو بەرپرسەی تورکیا دەڵێت، مەبەست لەو کارەی تویتەر لێدانە لە حکومەتی تورکیا و خزمەتکردنە بە #پەکەکە# و بزووتنەوەی فەتحوڵا گیولەن.[3]
- #وەزارەتی ناوخۆ#ی تورکیا کوژرانی سێ گەریلای لە شرناخ و #ئامەد#ی باکووری کوردستان ڕاگەیاند و دەڵێت، یەکێکیان بەرپرسێکی داواکراوی پەکەکە بووە. لە ڕاگەیێندراوەکەدا ئاماژە بەوە داروە، لە گوندێکی نزیک شارۆچکەی لجێ له ئامەد بەرپرسێکی داواکراوی پەکەکە بە ناوی ئەکرەم ئیپتاش کوژراوە کە نازناوی سەید باتمان بووە و بەرپرسی دارایی و جبەخانەکانی هەرێمی ئامەدی پەکەکە بووە. ئەکرەم ئیپتاش ناوی لەنێو لیستی پرتەقاڵیی داواکراواندا بووە و خەڵاتی ملیۆنێک لیرەی تورکی (143 هەزار دۆلار)ی لەسەر بووە.[2](بڕوانە فایلی پەیوەندیدار)
- وەزارەتی تەندروستی عێراق، لە ماوەی 24 کاتژمێری ڕابردوودا پشکنینی پزیشکی بۆ 9 هەزار و 920 گومانلێکراو ئەنجامدراوە و تووشبوونی 1259 کەسی دیکە بە پەتاکە پشتڕاست کرایەوه. لە ماوەی شه و و ڕۆژێکدا 58 کەسیش بەهۆی پەتاکە گیانیان لەدەستداوە.[3]