- لە ناوەندی پارتی دیموکراتی گەلان (هەدەپە) لە شاری مێرسینی تورکیا تەقینەوەیەک ڕویدا و تا ئێستا هۆکاری تەقینەوەکە نازاندرێ و چەندین بریندار هەیە. بەهۆی تەقینەوەکەشەوە ئاگر کەوتووەتەوە. هەروەها بنکەی ڕێکخستنی هەدەپە لە ناوچەی سیحانێی لە ئەدەنەش سەر لەبەیانی ئەمڕۆ تەقینەوەیەک تیایدا ڕوودەدا و بەپێی زانیارییە سەرەتاییەکان 4 کەس لەو ڕوداوەدا بریندار بوون. پەرلەمانتاری مێرسینی پارتی دیموکراتی گەلان HDP ڕایدەگەیێنێت "بەهۆی ئەوەی کە هادەپە لە سەرووی بەندی سەدا 10وەیە چەند لایەنێکی ترساندووە و پێدەچێت دەوڵەت و حکومەتی تورکیاش لەپشت ڕووداوەکەوەبن".
- ئۆپەراسیۆنی یەکینەکانی پاراستنی گەل (یەپەگە) و یەکینەکانی پاراستنی ژن (یەپەژە) لە چوارچێوەی هەڵمەتی فەرماندار ڕووبار، کەلە حەسەکە، تلتەمر و سەرێکانی دژی چەتەکانی داعش دەستی پێکردوە، لە گوندی ئوم ئەلمەسیر گەیشتنە یەک، و لە ئەنجامدا 23 گوند لە چەتەکان پاککراونەتەوە و کەوتونەتە دەست یەپەگە.
- ئەنجومەنی ئاسایشی هەرێمی کوردستان ناسنامەی ئەو گرووپە تیرۆرستییەی ئاشکراکرد کە 18 بۆمبیان ئامادەکردبوو بۆ ئەوەی لە ناوچەکانی هەرێمدا بیتەقێننەوە، هەروەک ڕاشیدەگەیەنێت، گرووپەکە سەر بە داعشن و لە شەش کەس پێکهاتوون.
- لە شەقامێکی شاری کەرکووک بۆمبێکی موگناتیسی بە ئۆتۆمبێلێکی مەدەنیدا تەقییەوە و بە هۆیەوە شۆفێری ئۆتۆمبێلەکە بریندار بوو.

گەلی ئازادیخوازی کوردستان
هێزی پێشمەرگەی قارەمان
کەسوکاری شەهیدان
ڕۆژی 18ی 5ی 2015، هێزە کوردستانییەکان لەسەر بانگهێشتی جەنابی سەرۆکی هەرێمی کوردستان، بە ئامادەبوونی ئەندامانی وەفدی سەرۆکایەتیی هەرێم بۆ ئەمریکا و هەنگاریا و چیک، بە ئامادەبوونی بەڕێزان سەرۆکی پەرلەمانی کوردستان و جێگری سەرۆکی هەرێم و جێگری سەرۆکی حکوومەتی هەرێمی کوردستان، لەسەر سەفەری سەرکەتووی وەفدەکە کۆبوونەوە.
سەرەتا، جەنابی سەرۆکی هەرێم باسی کۆبوونەوەکانی کرد لە ئەمریکا، لەگەڵ جەنابی سەرۆکی ویلایەتە یەکگرتووەکانی ئەمریکا و بەڕێز جێگرەکەی و گەورە کاربەدەستەکانی وڵاتەکە. لە کۆبوونەوەکەدا، جەنابی سەرۆکی هەرێمی کوردستان دۆخی عێراق، کوردستان، شەڕی داعش و کێشە جۆراوجۆرەکانی ڕوون کردۆتەوە. بەرپرسە بەڕێزەکانی ئەنجوومەنی سێنات، وەزارەتی دەرەوە، وەزارەتی بەرگری و ناوەندە جیاوازەکانی دەربەست بە دۆخی جیهان و ڕۆژهەڵاتی ناوەڕاست، خۆشبەختانە، تێکڕا، ڕێزێکی بێ ڕادەیان بۆ گەلی کوردستان و هێزی پێشمەرگە هەبوو. هاوکات، بەچاوی ڕێزی سیاسی و مرۆییەوە، سەیری داڵدەدانی زیاتر لە یەک ملیۆن و نیو دەربەدەری عێراق و ناوچەکانی دەرەوەی هەرێم، بە تایبەت مەسیحییەکان و ئایینزاکانی دیکە، لە کوردستاندا کرا.
لەکۆبوونەوە لەگەڵ سەرۆکی ئەمریکا و جێگرەکەی و کاربەدەستە بەڕێزەکانی دیکەدا، سەرۆکی هەرێم و وەفدی یاوەری، بە دڵنیاییەکی ساسیی جیاواز لە قوناخەکانی ڕابردوو، سەبارەت بە پشتیوانیی کورد و سیاسەتی چارەنووسی گەلی کوردستان، گەڕانەوە. ئەم دڵنیاییە، لە وڵاتێکی وەکو ئەمەریکا و بە بەشداریی سەرۆکی ئەمریکا و جێگرەکەی لە کۆبوونەوەی ڕەسمیدا، دەیسەلمێنێ، کە هەموو سیاسیەکانی ناوچەکە و عێراق و کوردستان، سەرباری ئەم شەڕە نەگریسەی داعش، کە بۆ ئەم قۆناخە، ئەرکی سەرەکیی گەلی کوردستانیشە، داعش و پیلانەکانی لە عێراق و ناوچەکەشدا ورد و خاش بکرێت، بەڵام هاوکات، گەلی کوردستان مافی خۆیەتی، چارەی خۆنووسینی، لەبەردەم ئەگەرەکاندا بکاتەوە.
لە سەردانی هەنگاریاشدا، لەگەڵ بەڕێزان سەرۆکی وڵاتەکە و سەرۆکوەزیران و سەرۆکایەتیی پەرلەمان، تاوتوێی دۆخی عێراق و کوردستان و ناوچەکەش کراوە، لەو کۆبوونەوانەشدا، جگە لە دووپاتکردنەوەی پشتیوانیی هێزی پێشمەرگەی و ڕووبەڕووبوونەوەی داعش، ئامادەیی تەواوی پشتیوانی بۆ گەلی کوردستان و پێشمەرگە، پێشان دراوە.
دوا وێستگەی سەردانی سەرۆکی هەرێم و هەڤاڵەکانی، وڵاتی چیک بووە. لە چاوپێکەوتنی سەرۆکی وڵاتەکە و گەورە بەرپرسانی، دۆخی عێراق، کوردستان، شەڕی بەرگری و پێشمەرگەیان بۆ باس کراوە. خۆشبەختانە، بەڕێز سەرۆکی کۆماری چیک و گەورە کاربەدەستانی تریش، بە وردی لە دۆخی کوردستان و ئامانجەکانی گەلەکەمان، ئاگادار بوون و ئامادەیی ئەوپەڕی پشتیوانی سیاسی و سەربازی و ئابووریی کوردستانیان داوە و گفتیش دراوە درێخی لە پشتیوانیمان نەکەن.
جەماوەری کوردستان:
هێزە بەشدارەکانی کۆبوونەوەکە، دوای گوێگرتن لە جەنابی سەرۆکی هەرێم و ڕاپۆرت و کێشمەکێشی نەوت، لەلایەن بەڕێز جێگری سەرۆکی حکوومەتەوە، کۆبوونەوە، سەردانەکانی وەفدەکەیان بە سەرکەوتووترین سەردانی سیاسی، ڕەسمیی سەرۆکایەتیی هەرێم، زانی و ئامادەیی تەواویان دەربڕی کە هەر بڕیارێکی هاوبەش، ببێتە مایەی دەستەبەری سیاسی مێژوویی، بۆ ئەم قۆناخە هەستیار و پڕ لە ئاڵوگۆڕە، دوای لێکدانەوەی هەمەلایەنەی ئەگەرەکانی و لێکەوتەکان، هەموو لایەنەکان، لەو باوەڕەدابوون، دەبێ هاوهەڵوێست و هاو ئاراستە بین. چیش پێویستە بۆ ئەوەی تەنگوچەڵەمە هەتا ئێستا چارەسەر نەکراوەکانی سیستمی حوکمڕانی و داوودەزگەکانی، لە بازاڕی ئازاد، یان هەر بوارێکی دیکە، چارەسەر بکرێن، بۆ ئەوەی متمانەی هێزەکان و ڕای گشتی، باشتر بسازێنین، دەبێ هەنگاوی پراکتیکی بۆ هەڵبگرین.
لە کۆبوونەوەکەدا کێشەی نەوت، بەشیکی گرینگی باسەکان بوو. کۆبوونەوە هیوادارە حکوومەتی عێراق و دەوڵەتمەداری حکوومەتەکە، چیتر دەستی بە دەستی بە مافی سامان و داهات و بودجە و مووچەی بڕیار لێدراوی هاوبەشی حکوومەتی عێراق و کوردستان، نەکات، بەڵکو بە زووترین کات دەبێ ئەم کێشەیە چارەسەری یاسایی بکرێت. تەنها ئەوەش دڵنیایی دەداتە ئارامکردنی پەیوەندیی سیاسیی نێوان هەولێر و بەغدا. بۆ ئەم چارەسەرەش، تەواوی هێزە سیاسییەکانی عێراق، بەرپرسیارن بۆ جێبەجێکردنی دەستوور و بڕیارە هاوبەشەکان، هەڵوێستی کاریگەرتر و ڕوونتریان هەبێت.
وەکو تر، هێزە بەشدارەکانی کۆبوونەوە، پشتیوانیی حکوومەتی هەرێمی کوردستان دەکەن، کە ڕێگە چارەسەری ئابووری و دەستەبەری ژیان و بژێوی خەڵک، بکەن. لەم بارەیەوە، جەخت کرایەوە کە حکوومەتی هەرێمی کوردستان، یاسای شایستە داراییەکانی ژمارە 5ی ساڵی 2013 پەرلەمانی کوردستان، وەکو بنەمای سیاسەتی ئابووری، پەیڕەو بکات.
کۆبوونەوە، بە سۆزی نەتەوەیی و خۆشەویستییەکی فراوانەوە، قارەمانێتی و قوربانییەکانی هێزی پێشمەرگەی کوردستانی لەبەرچاو گرت و ئامادەییان دەربڕی، هەموو پشتیوانییەکی بکەن. ڕاسپاردەشی بۆ حکوومەت ئەوەیە، بە زووترین کات تەنگوچەڵەمەی هێزی پێشمەرگە چارەسەر بکرێت، چارەسەریش بۆ پێشمەرگە و کەسوکاری شەهیدان لەپێشەوەی ئەرکەکانمانە.
سڵاو بۆ شەهیدان
هەر بژی هێزی پێشمەرگە
تۆکمە بێ ڕیزی هێزە سیاسییەکانی کوردستان
18-05-2015