#ئەنتاب#، #دیلۆک# یان #غازی ئەنتاب#، یەکێک لە گەورەترین شارە کوردییەکانی باکووری کوردستانە، کە لە ڕووی مێژوو و شوێنەوار تایبەتمەندی و گرنگیی زۆری هەیە. ئەنتاب یەکێک بوو لە شارەکانی ڕۆژاوای کوردستان (سووریا) لە پاش پەیماننامەی ئانکارا لە ساڵی 1920 (لەنێوان فەرەنسە و تورکیا) خرایە ژێردەست و نەخشەی تورکیا.
ئەم شارە سەردەمە مێژووییەکانی زۆری بە خۆیدا بینیوە و بە هەبوونی قەڵا و گردە شوێنەوارییەکانی بەناوبانگە بە تایبەی گردی مێژوویی گرێ کوردان کە لە ئێستادا ناوی گۆراوە بۆ تورک تەپە. شاری ئەنتاب لە ڕووی پیشەسازی و پێشکەوتن یەکێک لە گرنگترین شارەکانی باکووری کوردستانە و لە ڕیزی یەکەمی شارە پیشەسازییەکانە و هۆکارەکەشی بۆ شوێن و هەڵکەوتەی جوگرافیی ئەم شارە دەگەڕێتەوە کە شوێنێکی ستراتیجی و گرنگە و بە ڕادەیەک وەک پردێک لەنێوان ناوچەی #ئەنادۆلو# و ڕۆژهەڵاتی ناوەڕاست دەناسرێت. لە تایبەتمەندییە گرنگەکانی تری ئەم شارە نزیکی لە ڕووباری فۆراتە و کە ئەمەش هۆکاری ڕەونەقی ئابووری و گەرمی بازاڕەکانی ئەم شارەیە. ڕووبەری ئەم شارە نزیکەی 7642 کیلۆمەتری چوارگۆشەیە و بە شەشمین شاری گەورەی تورکیا دادەنرێت. ژمارەی دانیشتووانی ئەم شارە نزیکەی دوو ملیۆن و دوو سەد هەزار کەسە.
هەڵکەوتەی جوگرافیی ئەم شارە دەکەوێتە باشووری دەشتی ئەنادۆلو و ڕوو بە کەنارە دەریاکانی ئەلکساندرایە و نزیکە لە ویلایەتی ئۆرفا.
ئامادەکردنی: #سارا سەردار#
[1]
Bu makale (کوردیی ناوەڕاست - Central Kurdish) dilinde yazılmıştır, makaleleri orijinal dilinde açmak için
![](https://www.kurdipedia.org/images/flags/ku.png)
sembolüne tıklayın!
ئەم بابەتە بەزمانی (کوردیی ناوەڕاست - Central Kurdish) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Bu başlık 865 defa görüntülendi
Bu makale hakkında yorumunuzu yazın!