ناڤ: شەمۆ
ناسناڤ: شەمۆ دنانی
ناڤێ بابی: قاسم
ساڵا ژ دایکبوونێ: #1954#
جهێ ژ دایکبوونێ: گوندێ کەبەرتو/ خانکێ/ دهوک
$ژیاننامە$
ڤەکۆلەر شەمۆ قاسم کەلۆ دەروێش ل ساڵا 1954ێ ل گوندێ کەبەرتو ل باژێڕۆکێ خانکێ ل دهۆک ژ دایکبوویە و نهۆ ل دهۆکێ ئاکنجیە. شەمۆ قاسم ئێکە ژ کەسانێن شارەزا دبوارێ ئاینێ ئێزدیاندا، و شارەزاییەکا گەلەک باش د زمانێ کوردی و عەرەبی دا هەیە. شەمۆ قاسم بەشێ مێژوویێ ل زانکۆیا موسڵ تەمامکرییە ل ساڵا 1976ێ، شەمۆ بوو مامۆستا ل سلێمانیێ ل باژێڕۆکێ ماوت ل ساڵا 1979ێ، و ژ ساڵا 2002ێ هەتا ساڵا 2004ێ سەرپەرشتێ بابەتێ ئێزدیاتیێ بوو ل پەروەردا سێمێلێ، پاشی بوو ڕێڤەبەرێ پەروەردا کوردی ل تلکێفێ ل ساڵا 2004ێ و بوو ئەندام د لژنەیا ئامادەکرن و دیڤچوونا بابەتێ ئێزدیاتی بۆ هەموو ئاستێن خواندنێ ل دەڤەرێن ئێزدیان، شەمۆ قاسم گەلەک وانە و ڤەکۆلین دەربارەی ئاینێ ئێزدیان و مێژوویا ئاینێ ئێزدیان ل کوردستانێ و وەڵاتێن جودا جودا پێشکێش کرینە، هەروەسا ئەندامە د بنگەهێ لالشێ ڕەوشەنبیری و کۆمەڵایەتی ل دهۆکێ، هەروەسا ڕێڤەبەرێ گۆڤارا لالش یا زانستی و ڕۆژنامەیا «دەنگێ لالش»ه و هەروەسا گەلەک بابەتێن خوە ژی د ڕۆژنامەیا دەنگێ لالش دا بەڵاڤ دکەت، هەروەسا شەمۆ قاسم ئێکە ژ ئەندامێن ئێکەتییا نڤیسەرێن کورد ل کوردستانێ، هەروەسا ئێکە ژ ئەندامێن هەرە چاڵاک دگەل ڕێکخراوا لێبۆرینا نیڤ دەولەتی و ئەندامەکێ هاریکارە دگەل ڕێکخراوا پاراستنا زارۆکان. هەروەسا چەندین بابەت و پەرتووک و ڤەکۆلین دەربارەی ئاینێ ئێزدییان بەلاڤ کرینە، هەتا نهۆ ژی شەمۆ قاسم گرنگیەکا زێدە ددەتە مێژوویا ئێزدییان و هەر تشتێ پەیوەندی ب ئاینێ ئێزدیانڤە هەبت، هەتا نهۆ شەمۆ قاسم ب شێوەکی بەردەوام وانەیان ل دەڤەرێن ئێزدییان پێشکێش دکەت دەربارەی ئاینێ ئێزدیان و پێکڤە ژیانێ و پاراستنا کەلتوورێ ئێزدیان. [1]
Bu makale (کرمانجی) dilinde yazılmıştır, makaleleri orijinal dilinde açmak için
sembolüne tıklayın!
ئەڤ بابەت ب زمانا (کرمانجی) هاتیە نڤیساندن، کلیک ل ئایکۆنا
بکە ژ بو ڤەکرنا ڤی بابەتی ب ڤی زمانا کو پی هاتیە نڤیساندن!
Bu başlık 29 defa görüntülendi
Bu makale hakkında yorumunuzu yazın!