$باکووری کوردستان$
- لە گەڕەکەکانی بیرلیک، شەنلیکی شاری لیجە و سنووری گوندەکانی میاران کۆمو، کلارەش کۆمو، شاکار، ئەیاز و ئاکچە پنار و دەورووبەری لیجە لە پارێزگای #ئامەد# لە باکووری کوردستان لە کاتژمێر 06:00ی سەرلەبەیانیی ئەمڕۆە هاتوچۆکردن لە هاووڵاتییان قەدەغە کرا. پێش ئەوەی لەو گەڕەک و گوندانەدا هاتوچۆکردن لە هاووڵاتییان قەدغە بکرێت، ئۆپەراسیۆنێکی سەربازی بە بەشداریی هێزی تایبەت لەلایەن سوپای تورکی داگیرکەرەوە دەستیپێکردبوو.[1]
$رۆژهەڵاتی کوردستان$
- چوار هاووڵاتیی کورد بە ناوەکانی باپیر بەرزە، ئەسعەد مەحموودی، شێرکۆ عەلیمحەمەدی و کەیوان نژادڕەسووڵ، خەڵکی شارستانی #پیرانشار# دوای دەسبەسەرکرانیان بۆ گرتنگەی ئیدارەی ئیتلاعاتی سپای پاسدارانی #ورمێ# ڕاگوێزران.[5]
- لقی 102ی دادگای کەیفەریی 2ی پیرانشار، حوکمی 30 ساڵ زیندانی بۆ دوو هاووڵاتیی کورد، بە ناوەکانی محەممەد ئیبراهیمی کوڕی ئەحمەد و ناسح خالیدی کوڕی مستەفا بڕیەوە.[5]
- هاووڵاتییەکی کورد بە ناوی ڕوحوڵڵا پاریاب تەمەن 47 ساڵە شۆفیری لۆدێری ناوەندی پاککەرەوەی مینی ئێران، بە هۆی تەقینەوەی مینی دژەتانکی M19 بە توندی بریندار بوو.[5]
- هاووڵاتییەکی کورد، به ناوی ئەمیر بەرەکەتی، کوڕی غوڵامڕەزا، خەڵکی ئیلام له شوێنی کارەکەی خۆی، له شەقامی فارابی، لە لایەن هێزە ئیتلاعاتییەکانەوە دەسبەسەر کراوە و بۆ شوێنێکی نادیار ڕاگوزراوەتەوە. به وتەی سەرچاوەیەکی ئاگادار، هێزە ئیتلاعاتییەکان بەبێ مۆڵەتی یاسایی، به تاوانی هاوکاریی لەگەڵ یەکێک له حیزبە کوردییەکانی ئۆپۆزسیۆنی حکوومەتی ئێران، ئەم هاووڵاتییە کوردەیان دەسبەسەر کردووە.[5]
$باشووری کوردستان$
- بەڕێوەبەرایەتی کەشناسی و بومەلەرزەزانی هەرێم لەڕاگەیەنراوێکدا بڵاوی کردەوە، سەعات 5:48 دەقیقەی بەیانی ئەمڕۆ 23-12-2018، بومەلەرزەیەک بەگوڕی 3.4 پلە بەپێوەری ڕێختەر و بەقوڵای 13 کم #خانەقین#ی هەژاند.[3]
- فڕۆکە جەنگییەکانی سوپای تورکی داگیرکەر گوندەکانی قەڵاتوکا و مارادوویان لە بناری #قەندیل#ی سەر بە ناوچەی ژاراوەی شاری #قەڵادزێ# لە باشووری کوردستان بۆردومانکرد.[1]
- نرخی لیترێک بەنزینی نۆرماڵ بۆ خوار 700 دینار دابەزی.[2]
- دووکانداران و کاسبکارانی بازاڕی شارۆچکەی #کەلار#، مانگرتنی سەرتاسەریان ڕاگەیاند و دووکانەکانیان داخست، لە ئێستادا لە بەردەم بینای قایمقامییەت گردبوونەتەوە، مانگرتنەکەیان دژی بڕیارێکی شارەوانییە، کە ڕێگریی کردووە لە هێنانەدەرەوەی کەلوپەلی دووکاندارەکان بۆ بەردەم دووکانەکانیان.[4]
- خوێندکارانی پۆلی 12ی ئامادەیی لە شارۆچکەی #ڕانیە# ناوەندی ئیدارەی ڕاپەرین بۆ جاری دووەم لە بەردەم بەرێوبەرایەتی پەروەردەی ڕانیە گردبوونەوە و داوای لابردنی سیستمی 50 بە 50 دەکەن.[4]
- دادگای تاوانەکانی کەرکووک، فەرمانی دەستگیرکردنی پارێزگاری بەوەکالەتی کەرکووکی هەڵوەشاندەوە و ڕایگەیاند، پێویستە لێکۆڵینەوەی زیاتر لەو کەیسەدا بکرێت.[4]
- مەڵبەندی #یەکێتیی نیشتمانیی کوردستان# لە #کەرکووک# هەواڵێک لەسەر کشانەوەی سکاڵا لە #ڕاکان جبوری# پارێزگاری کەرکووک بەوەکالەت ڕەتدەکاتەوە.[3]
- لەسنووری بەشێک لەگوندەکانی شارەدێی ناڵپارێزی سەر بەشارۆچکەی #پێنجوێن#، لەلایەن بەشی بەڕێوەبەرێتی پۆلیسی دارستان و ژینگەی پێنجوێن و بنکەی پۆلیسی دارستانی ناڵپارێز، بەهاوکاری بەڕێوەبەرایەتی ناحیە و شارەوانی، هەڵمەتێکی بەفراوانی ڕوخاندنی کورەی خەڵوز دروستکردن بەڕێوەچوو، تیایدا زیارت لە (30) کورەی خەڵوز دروستکردن ڕووخێندران.[6]
$رۆژئاوای کوردستان$
- لە شاری عەزاز، کە لەلایەن دەوڵەتی تورک و چەتەکانیەوە داگیرکراوە، چەتەکانی دەوڵەتی تورک هەڵیانکوتایە سەر ماڵێک لە گوندی بحوروتە و ئەندامانی ئەو بنەماڵەیەیان کۆمەڵکوژکرد.[1]
- سەرەڕای دەرکردنی بڕیاری کشانەوەی هێزەکانی ئەمریکا لەلایەن سەرۆک کۆماری ئه و وڵاتەوە، هێزەکانی سوپای ئەمریکا بەردەوامن لەسەر ئەرکەکانیان و دەچنە ناو بازاڕی منبج لەرۆژئاوای کوردستان.[3]