28-09-2020
باکووری کوردستان
- ئومێد دەدە جێگری هاوسەرۆکانی هەدەپە ڕایگەیاند، سیاسەتمەدارە دەستگیرکراوەکان ژەهرای بوون و ڕەوانەی نەخۆشخانە کراون. ڕاشیگەیاند، ئایهان بیلگەن لە دوای پێدانی خۆراکی شل ڕەوانەی ئاسایش کرایەوە و 2 سیاسەتمەداری تریشیان گواستەوە بۆ نەخۆشخانە.[1]
رۆژهەڵاتی کوردستان
- کۆڵبەرکۆڵبەر، ڕەحیم ئیرەجی خەڵکی گوندی قوروە_دەرەی شاری سەقزسەقز، بە تەقەی هێزە نیزامییەکانی حکوومەتی لە سنووری هەنگەژاڵهەنگەژاڵی بانەبانە بە سەختی بریندار بوو.[7]
- مێعراج مورتەزایی، هاووڵاتیی خەڵکی گوندی دێوەزناوی سەوڵاواسەوڵاوا دوای دوو مانگ دەستبەسەر کران بە دانانی بارمتەی 40 میلیۆن تمەنی و بە شێوەی کاتی لە بەندیخانەی ناوەندیی شاری سنەسنە ئازاد کرا.[9]
- بڕیاری دەستبەسەر کرانی فەرانەک جەمشیدی، ژینگەپارێز و ئەندامی کۆمەڵەی سەوزی کوردستان بۆ جاری سێهەم لەلایەن لقی دووهەمی دادگای گشتی و شۆڕشی شاری سنە بە سەرۆکایەتی دادوەر ”شالگەردی“ درێژکرایەوە.[9]
باشووری کوردستان
- وەزارەتی تەندروستیی هەرێمی کوردستان دەڵێت، لە 24 کاژێری ڕابردوودا 735 تووشبوون و 22 کەسیش مردوون.[2]
- لە هۆڵی کۆلێژی زمان لە زانکۆی سلێمانیسلێمانی چلەی ماتەمینی بۆ پێشمەرگەو مامۆستای زانکۆ پڕۆفیسۆر محەمەد کەساسمحەمەد کەساس جەباری بەڕێوەچوو.[3]
- وەزیری بەرگری ئیتالیا گەیشتە هەرێمی کوردستان و لە فڕۆکەخانەی هەولێرهەولێریش بەڕێوڕەسمێکی سەربازی لەلایەن شۆڕش ئیسماعیلشۆڕش ئیسماعیل وەزیری پێشمەرگەی هەرێمەوە پێشوازی لێکرا.[3]
- فەرمانگەی کشتوکاڵی کەرکووککەرکووک ڕەتیدەکاتەوە پەیوەست بێت بە بڕیارێکی وەزارەتی دادی عیراق بۆ ڕاگرتنی کارکردن بە گرێبەستە کشتوکاڵییەکانی پارێزگاکە و بە پاساوی ئەوەی ئەوان فەرمان لە وەزارەتی کشتوکاڵ وەردەگرن.[5]
- لە هاوینەهەواری دوکاندوکان لە سنووری پارێزگای سلێمانی، دوو ئەندامی دژە تیرۆری یەکێتیی نیشتمانیی کوردستانیەکێتیی نیشتمانیی کوردستان کە خەڵکی تەکیەی جەبارەی سەر بە چەمچەماڵچەمچەماڵن، کوژران.[6]
- لە ڕۆژی مافی بەدەستهێنانی زانیاریدا لەشاری سلێمانی کۆبوونەوەیەکی فراوان بۆ ڕۆژنامەنووسان ئەنجامدرا، تێیدا جەخت لەوەکرایەوە، کە لە هەرێمی کوردستان ڕۆژنامەنووس دەستی بە زانیاریی ناگات، ئەوەش هەوڵەکانی حکومەت بۆ چاکسازیی دەخاتە ژێر پرسیارەوە، قوباد تاڵەبانیقوباد تاڵەبانی، جێگری سەرۆکی حکومەتی هەرێمیش لە پەیامێکدا کە بۆ کۆبوونەوەکەی ناردبوو، دەڵێت: بەهۆی دۆخی خراپی هەرێمی کوردستانەوەیە نەتواندراوە یاسای مافی بەدەستهێنانی زانیاری جێبەجێ بکرێت.[8]
رۆژئاوای کوردستان
- چەتەکانی سەر بە دەوڵەتی تورکی داگیرکەر هەڵیانکوتایە سەر گوندەکانی قاتوف و تل دیاب و بە پاساوی ئەوەی پەیوەندییان بە تەقینەوەکانی سەرێکانیسەرێکانییەوە هەیە، هەوڵیاندا هەندێک لە هاووڵاتییانی ئەو گوندە دەستگیر بکەن و لەگەڵ خۆیان بیانبەن، بەڵام دانیشتوانی ئەو دوو گوندە لە دژی چەتەکان ڕاپەڕین.[1]
دەرەوەی کوردستان
- ئان لیندی وەزیری دەرەوەی سوید ناڕەزایی بەرامبەر هێرشی قڕکردنی سیاسیی ئاکەپە و مەهەپە لەدژی هەدەپە پیشاندا.[1]
- سەرۆکی پارتی چەپی سوید لە تۆڕە کۆمەڵایەتیەکاندا پەیامێکی بڵاوکردەوە و دەستگیرکردنی سیاسەتمەدار، هاوسەرۆکی شارەوانی و ئەندامانی هەدەپەهەدەپەی شەرمەزار کرد.[1]
- هەرێمی قەڕەباخ کە ئازربایجان هێرشی کردووەتە سەری ڕایگەیاند، هەلیکۆپتەر و فڕۆکەی جەنگی تورکیا و چەتەکانی لەدژی ئەوان بەکاردەهێنرێن.[1]
- بەهۆی بەردەوامی هێرشە مووشەکییەکانەوە، باڵیۆزی ئەمەریکا بەغدای جێهێشت و گرووپە چەکدارەکانی عێراقیش هەڕەشە لە هێزەکانی ئەمەریکا دەکەن.[4]
- ڕۆژنامەی تایمزی بەریتانی ڕایگەیاند، واشنتن پلانی هەیە بۆ ئەوەی بە گواستنەوەی کەلوپەلە جەنگییەکانی لە بنکەی سەربازیی ئینجەرلیکی تورکییەوە بۆ دوورگەی کریتی یۆنانی، ڕەجەب تەیب ئەردۆغانڕەجەب تەیب ئەردۆغان، سەرۆک کۆماری تورکیا لەسەر ڕەفتارەکانی سزا بدات.[4]
- کەنیاز حەسەنۆڤ ئەندام پەرلەمانی ئەرمینیای بە نەتەوە کورد، داوای پشتیوانی لە کوردانی پارچەکانی باکوور، باشوور و ڕۆژئاوای کوردستان کرد، تا ڕێگە بە دەستدرێژی تورکیا و ئازەربایجان نەدرێت بۆ سەر ئەرمینیا.[6]