ئەمنە سوورەکە، لە ساڵی 1979 لەسەر داوای حکومەتی ئەوسای ئێراقی بۆ کۆلیژی کشتوکاڵ درووستکراوە و دواتر بووەتە ئیدارە محەلی #سلێمانی#، پاشان کرا بە زیندان بۆ شۆڕشگێڕان و کەسانی ئازادیخواز. لە بەرئەوەی ڕەنگی باڵەخانەکە سوورە بۆیە پێی وتراوە (ئەمنە سوورەکە).
لە ڕاپەڕینی ساڵی 1991 لە ڕۆژی #08-03-1991#دا ئازاد کراو لە 1995 کراوەتە مۆزەخانەی ئەمنە سوورەکە و چەندان بەشی جیاواز لە خۆ دەگرێت، کە گشتیان گوزارشت لە تاوانەکانی ڕژێمی ڕووخاوی #سەددام حسێن# لە دژی کورد دەکەن. ڕۆژانە هاووڵاتییان و گەشتیاران سەردانی دەکەن و بە چاوی خۆیان شێوازەکانی ئەشکەنجە و ستمەکانی ڕژێمی ڕووخاوی بەعس دەبینن کە بەرانبەر هاووڵاتییانی کوردستان کرابوو.
لە کاتژمیر 8ی بەیانی تاکوو 4ی ئیوارە پیشوازی لە گەشتیاران دەکات. [1]

ڤیدیۆ: ڕووبەڕووبوونەوەی ڕاستەوخۆ لە ئەمنەسوورەکە لەگەڵ سەربازانی سوپای ئێراق
ڕۆژ و ساڵ: #07-03-1991#
شوێن: #سلێمانی#-#ئەمنە سوورەکە#. [1]

ڤیدیۆ: ساتی چۆڵکردنی ئەمنە سوورەکەئەمنە سوورەکەی شاری #سلێمانی# لە ساڵی 1998، کە ئەو کاتە ئاوارەکانی #کەرکووک# و #خانەقین# و کوردە فەیلییەکان تێیدا نیشتەجێ بووبوون، کە گواسترانەوە بۆ کەمپی #ئاوبارە#.
وێنەگر: ئاسۆ جەمال موختار
[1]

بەداخەوە ئەم هەواڵەتان پێڕائەگەیەنین
مۆزەخانەی نیشتمانی ئەمنەسوورەکە ئەوشوێنەی کەجێی شانازی هەموو کوردستان و #سلێمانی#یە لەبینایەکی وێرانەی دوای شەڕی ڕاپەڕینە مەزنەکەی 1991 بەهەوڵ و بڕیاری هەڤاڵ #مام جەلال# و خاتوو هێرۆ و تەواوی دڵسۆزانی کوردستان و سلێمانی و بەشەو نوخونی بەڕێوە بەران و کارمەندە دڵسۆزە ماندو نەناسەکانی مۆزەخانە، توانرا مۆزەخانەی نیشتمانی ئەمنەسوورەکە بنیات بنێین وبیگەیەننە ئەم قۆناخەی ئێستا لەتەواوی دنیاوە ڕۆژانە بەدەیان و سەدان کەس دێنە سەردانی و لێرەوە مێژووی پڕقوربانی کوردستان و گەلی کوردستان دەبینن و کە هاوکات تەواوی ناوەند و کەناڵ جیهانییەکان بەرنامەو ڕاپۆرتیان لە م شوێنەوە لەسەر مێژووی پڕقوربانی گەلی کوردستانیان بەتەواوی جیهاندا دەناسێنن و بڵاو دەکەنەوە.
بۆناوخۆی کوردستانیش بووەتە جێی شانازی هەموو کوردستان و بەتایبەت کەسو کاری شەهیدە سەربەرزەکان و کەسوکاری شەهیدانی ئەنفالکراوان و شەهیدانی شەری دژی #داعش# و زیندانیە سیاسییە خۆڕاگرەکان.
جگە لەوەی ناوەدندێکی گرنگی ڕۆشنبیران هونەرمەندان سینەماکاران کە ڕۆژانە لەهۆلەکانی مۆزەخانە کاروچالاکییەکانیان تێدا نمایش دەکرد.
بەڵام دوای خۆڕاگرییەکی زۆری کارمەندانی مۆزەخانە کە زیاتر لە4 مانگە موچەو بودجەی مۆزەخانە ڕاگیراوە، کە نەتوانراوە سێرڤزی بەشەکان و هۆلەکانی مۆزەخانە بکرێت بەم هۆیەوە کێشەی هونەری وتەکنیکیان بۆدروستبووە، پاشانیش زۆرێک لەکارمەندان کرێچی و خاوەنی مناڵن و پێویستیان بەسەرچاوەی بژێوی ژیانە کە بەناچاری ڕۆژانە دەچن بۆکاری کرێکاری تا بتوانن درێژە بەژیانی ڕۆژانەیان بدەن.
کە ئەمانە بوونەتە هۆی پەکخستنی بەش و کاروجالاکییەکانی مۆزەخانەکەو بەناجاری تاچارەسەری ئەم کێشەیە زۆر بەداخەوە دادەخرێت...
مۆزەخانەی نیشتمانی ئەمنەسوورەکە (تالەیادمان نەچێت).
#26-09-2019#
⚠️ تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!