دواڕۆژ، بورهان یەحیا
ئێک ژ سەرپەرشتیارێن پێشوازیکرنا ئاوارەیێن ژ #تەلەعفەر# بۆ لایێ پێشمەرگەى دهێن خویاکر، پشتى دیاربووى پترییا ئه و خێزانێن ئاوارەیێن تەلەعفەر کو بۆ لایێ پێشمەرگەى دهێن چ زەلام دگەل نینن، چونکو یێن گەهشتینە چەکدارێن داعش، ل وى دەمى سەرکردایەتییا هێزێن وێ دەڤەرێ بڕیار دایە ئێدى وان ئاوارەیان وەرنەگریت.
چۆمان سندى، پێشمەرگەیێ سەرپەرشتیارێ پێشوازیکرن ل ئاوارەیێن تەلەعفەر بۆ لایێ سەنگەرێن پێشمەرگەى بۆ دواڕۆژ رۆهنکر ل هەفتییا بۆرى رۆژانە پێشوازى ل 150 ئاوارەیان هاتییەکرن و هەتا نوکە نێزیکى 600 کەس هاتینە وەرگرتن، لێ پترییا وان خێزانان چ زەلام دگەل دا نەبووینە و پشتى دووڤچۆنێن پێشمەرگەى دیاربوویە کو زەلام و برایێن وان خێزانان یێن گەهشتینە چەکدارێن داعش و هەتا پێشتر شەڕێ پێشمەرگەى ژى کرینە لەوا بڕیار هاتەدان جارێ چ ئاوارەیەک بۆ لایێ سەرنگەرێن پێشمەرگەى نەهێنە وەرگرتن.
ناڤبۆرى دا دیارکرن لیستەیەکا 250 کەسى ژ ئەندام و چەکدارێن داعش دناڤ دەستێ پێشمەرگەیان دا هەیە و ل چەند رۆێن بۆرى دناڤ وان 600 ئاوارەیێن هاتینە وەرگرتن نێزیکى 20 ئەندام و چەکدارێن داعش هاتنە دەستەسەرکرن و رادەستى هێزێن ئاسایشا هەرێمێ کرینە بۆ هندێ سەرەدەرییا قانوونى دگەل بهێتەکرن.
چۆمان سندى دا دیارکرن ئه و ئاوارەیێن پێشتر هاتینە وەرگرتن هەموو بۆ دەشتا نەینەوا و حەمام عەلى هاتینە ڤەگوهاستن و چ ژوان بۆ دەڤەرێن کوردستانى نەهاتینە ڤەگوهاستن و ژنها پێدا چ ئاوارەیەک ناهێنە وەرگرتن هەتاکو بڕیارەکا نوو بهێتە دەرکرن.[1]
18-08-2017