خەندان- محەمەد کەرکووکی
بە پێی ئامارێکی باوەڕپێکراو لە تەقینەوه و پێکدادانەکانی دوێنیی شاری کەرکووک کە پەلاماری بەرێوەبەرایەتی دەزگای هەواڵگیری کەرکووک درا، 115 کەس بوونە تە قوربانی.
سەرچاوەیەکی باوەر پێکراو بە (خەندان) ی ڕاگەیاند: دوای ئەوەی دوێنێ چوارشەممە لە بەردەم بەڕێوەبەرایەتی دەزگای هەواڵگری کەرکووک چەکدارانی قاعیدە ئۆتۆمبێلێکی بۆمبرێژکراویان تەقاندەوە و دوابەدوای ئه و کردەوەیەش چەند خۆکوژێک دزەیان کردە ناوبەرێوەبەرایەتییەکەوە.
سەرچاوەکە ئەوەشی ڕوونکردەوە کە لەوکاتەشدا چەند چەکدارێکی دیکە چوونەتە سەربانی بازاری جەواهیر بە چەکی (قەناس) تەقەیان لە هێزە ئەمنییەکان و هاوڵاتیان کردووە.
سەرچاوەکە ئاماژەی بەوەشکرد: شەڕو پێکدادان لە لایەن هێزە ئەمنییەکان و چەکدارەکان تا درەنگانێکی شەوی ڕابردو بەردەوام بووە".
وتیشی: "بە پێی ئامارێکی باوەر پێکراو لە و کردەوانەدا نۆ کەس شەهیدبوون، کە چوارکەسیان کارمەندی دەزگای هەواڵگرین، هەروەک دوو کارمەندی ئاسایشن، دوانیان پۆلیس و یەکێکیش شۆفێری ئەمپوڵانسە".
سەرچاوەکە ڕوونیکردەوە: 106 کەسیش بریندار بوون کە 54 یان لە هێزە ئەمنییەکانی شاری کەرکووکە و هەروەک 52 کەسەکەی دیکەش خوێندکارو کارمەندی فەرمانگەکان و هاوڵاتی مەدەنی شاری کەرکووکن.
- 05-12-2013
Dit item werd in het (کوردیی ناوەڕاست) geschreven, klik op het pictogram
![](https://www.kurdipedia.org/images/flags/ku.png)
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
![](https://www.kurdipedia.org/images/flags/ku.png)
بکە بۆ کردنەوەی بابەتەکە بەو زمانەی کە پێی نووسراوە!
Dit item is 14,846 keer bekeken
Schrijf uw commentaar over dit item!