دواڕۆژ، نوسینگەی هەولێر
بەڕێوەبەری گشتی پەیوەندییەکانی حکومەتی هەرێمی کوردستان و کۆماری ئیسلامی ئێران، ئاشکرایدەکات، ڕێژەی ئاڵوگۆڕی بازرگانی لە نێوان هەرێم و کۆماری ئیسلامی ئێران بۆ 5 ملیار دۆلار کەمبۆتەوە.
عەبدوڵا ئاکرەیی، بەڕێوەبەری گشتی پەیوەندییەکانی حکومەتی هەرێمی کوردستان و کۆماری ئیسلامی ئێران لە فەرمانگەی دەرەوەی حکومەتی هەرێم بە دواڕۆژی ڕاگەیاند ئاستی ئاڵوگۆڕی بازرگانی هەرێم لەگەڵ کۆماری ئیسلامی ئێران ساڵانە بۆ 5 ملیار دۆلار دابەزیوە، لەکاتێکدا لەگەڵ باشور و ناوەڕاستی عێراق بۆ 9 ملیار دۆلار بەرزبۆتەوە.
بەڕێوەبەری گشتی پەیوەندییەکانی حکومەتی هەرێمی کوردستان و کۆماری ئیسلامی ئێران، ئەوەشی خستەڕوو، ڕێژەی ئاڵوگۆڕی بازرگانی بەگشتی لە 70% کەمی کردووە، هەروەها هاوردەکردن لە 28% کەمی کردووە و هاتنی گەشتیارانیش 39%، ئه و کەمکردنەش هۆکاری کێشەکانی دارایی و بوونی قەیرانەکان و شەڕی داعشە.
ئاکرەیی ڕوونیشیکردەوە، ئاڵوگۆڕە بازرگانییەکان لە نێوان هەرێمی کوردستان و کۆماری ئیسلامی ئێراندا بە شێوەیەکی بەرچاو ڕووی لە کەمی کردووە، هۆکاری سەرەکی ئەوەش بۆ شەڕی داعش و داخستنی ڕێگاکانی هەرێم و پارێزگاکانی ناوەڕاست و خواروی عێراق و دروستبونی قەیرانی دارایی دەگەڕێتەوە لە هەرێمی کوردستان.
ئاماژەشی بەوەکرد، کردنەوەی دەروازە سنورییەکانی باشوری عێراق هۆکارێکن بۆ کەمبوونەوەی ئاڵوگۆڕی نێوان هەرێم و ئێران کە کاریگەریی زۆری لەسەر هەرێم کردووە.
وتیشی لە هەرێمی کوردستان پێشوازی بۆ کۆمپانیاکانی ئێران بەراورد بە تورکیا زۆر کەمترە.
11-05-2017
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 6,561 keer bekeken
Schrijf uw commentaar over dit item!