ناوچەی ئالانی #سەردەشت# (ڕۆژهەڵات)
ئەم ناوچەیە پێکهاتووە زیاتر لە 50 گوند و موچەی گەورە و بچوک، گوندی #بێژوێ# کراوەتە شارەدێ (بەخشی) ناوچەکە لە سنووری شاری سەردەشت لە #ڕۆژهەڵاتی کوردستان# و لەناو سنووری کۆماری ئیسلامی ئێران، ناوچەی ئالانی ڕۆژهەڵات لەگەڵ ناوچەی ئالانی باشوور هەردووکی هەر یەک ناوچەن، تەنیا سنووری دەستکرد کردوویەتی بە دووپارچە و هەر پارچەی کەوتووەتە ناو سنووری دەوڵەتێکی جیاواز و چەمی کەڵوێ کراوەتە سنووری نێوانیان، زمان و کلتوورو و ئایین لەم ناوچەیەدا هیچ جیاوازییەکی نەبووە و نییە.
ناوچەی ئالان ناوچەیەکی شاخاوی خاوەن زەوی بەپیت و ئاوی سازگار و بەرهەمی ئابووری تایبەت بەخۆیەتی، ئەم ناوچەیە بە خاوەن میوەی جوانی وەک گوێز، هەنار، هەرمێ، ترێ و هەنجیر ناسراوە، ئالان یەکێکە لە ناوچە گەشتیارییە جوانەکانی کوردستان.
ئالان بەشێکە لە وڵاتی موکریان و مێژوویەکی دێرینی تایبەت بەخۆی هەیە و لە پەرتووکە مێژووییەکاندا تایبەتمەندی خۆی پێدراوە، بەڵام هەتا ئێستا لە هیچ بووارێکدا مافی خۆی وەرنەگرتووە و توێژینەوەی پێویست لەسەر ئەم ناوچە گرنگە نەکراوە.
[1]
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 3,095 keer bekeken
Schrijf uw commentaar over dit item!