بەغداد مۆڵ
لەگەڵ هەر (نێرگیلە)کێشانێکا
رۆحی من
بەنێو سییەکانتا پیاسەی دەکرد
دووکەڵی سووتاوی عەشق بوو
بوو بوو بەچەتری ئاسمانی (کافێ)کە
بەس تیچاوێکت
هەم گەورەترین بوومەلەرزە و
هەم بەغداد مۆڵت لێکردم بەگوڵزاری ئیرەم و
حارسییە بەنیوەی فیردەوس و
جادرییەش بەنیوەکەی تر
تێناگەم...
کە لەنێوان کەرخ و ڕەسافەدا
دێیت و دەچی
چۆن پردی جەمهوری
بەرگەی ئەم هەموو قورسایی جوانییەت دەگرێ و
دیجلە نابێ بە قەسیدەیەکی درێژ درێژ و
بالندەکانی ئاسمانیش نابن بەپەیکەر و
دارخورماش نابێ بەجوانترین داری دنیا..!
تێناگەم....
عیسا حوسێن[1]
بەغدا 16/12/2021
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 1,055 keer bekeken
Schrijf uw commentaar over dit item!