مەڵێ مەیە!
لە کتێبی: #گوناه#
بەرهەمی: #عەلی حەسەنیانی#
خەیاڵەکەم،
ئەسیرێکی تەلیسمییە لە گۆمی چاوەکانتا،
خەیاڵەکەم،
کەروێشکەیە،
شەپۆلەکەی خەمی دڵم بە با دەدا...
خەیاڵی من،
ئەتۆی کە بۆنی پنگی بەربەیانمی،
ئەتۆ کە گیانمی،
ژیانمی...
بەڵام ئەتۆ!
خەیاڵ و بیر و ڕایەکەت،
ئەسیری خۆپەرەستییە،
لە جامی جوانی و جەفا،
خەریکی نۆش و مەستییە...
ئەتۆ بەهاری و ئەمن خەزانی سوور...
ئەمن بەرەو بەهار ئەچم...
:کەچی شەقاوی تۆ بەرەو خەزانی زەرد و سەخڵەتە...
وچانێ بگرە وەرزی دووهەمی ژیانی خۆت و خۆم،
ئەتۆ ئەمن، ئەمن ئەتۆم...
خەیاڵەکەم!
کە وا بوو هەڵمەیە!
مەڵێ مەیە!
کە چارەکەت لەبۆ دڵی کڵۆڵی من،
هەمیشە نەشئەیە، مەیە...
مەڵێ مەیە!
بواری چارەنووسی تۆ و من،
لەمێژە چاوەڕوانی ئێمەیە،
مەڵێ مەیە...!
1979 - #مەهاباد# - بە دەنگی عەلی حەسەنیانی [1]
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 433 keer bekeken
Schrijf uw commentaar over dit item!