دەوری خۆشی
لە کتێبی: #گوناه#
بەرهەمی: عەلی حەسەنیانی
ئازیز! نەکەی فرمێسکی ڕوون هەڵوەرێنی،
بە سەر دڕکی دڕکەڵانی بەسەرهاتا
ئازیز! نەکا خەم داتگرێ،
لە دوو ڕێی هات و نەهاتا
ئازیز! لە دوای کێوی ڕژدی ڕۆژی تووشی،
بژوێنێکی بەربەرینە...
هەتاکوو چاو هەتەر دەکا،
دیمەنی زەنوێری ژینە
ئازیز! کە شەو شەق بوو بەیان بزەی هاتێ،
دەوری خۆشی و بەختەوەری دەس پێدەکا
مەیگێڕی ژیکەڵەی ئەوین،
بە قەشمەری و بە نازەوە بۆت تێدەکا!
ئازیز، دنیا هەر خەم نیە،
لە ژیاندا،
کاتی دڵخۆشی کەم نیە
کە وا بوو خۆشەویستەکەم!
چاو لە چاوی کیژی هیوا مەترووکێنە!
کۆشکی تاسە مەڕووخێنە!
ئاسۆ ڕوونە!
شنەی شەوبا،
موژدەی هەرمان و هەربوونە..
1990 - بە دەنگی سەید خالید ئیمامی [1]
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 289 keer bekeken
Schrijf uw commentaar over dit item!