پارت و لایەنە سیاسییە کوردییەکانی باکووری کوردستان و تورکیا لەناو چوارچێوەی هاوپەیمانییەتییەک بەشداری لە هەڵبژاردنەکانی تورکیا دەکەن و لە رێورەسمی ناساندنیدا داوای کرد زمانی کوردی وەک دووەمین زمانی فەرمی لە تورکیا بناسرێت.
ئەمڕۆ دووشەممە (3-04-2023)، نۆ پارت و لایەنی سیاسی کوردیی لە #باکووری کوردستان# و تورکیا لە شاری #ئامەد# کۆبوونەوە و پێکهێنانی هاوپەیمانی ئازادی و دیموکراسی کوردیان راگەیاند.
لە رێورەسمی راگەیاندن و ناساندنی هاوپەیمانییەتەکە، سەرکردەی لایەنە بەشدارەکان ئامانجی پێکهێنانی هاوپەیمانی ئازادی و دیموکراسی کورد روونکردەوە و جەختیان لەسەر یەکڕیزی کورد کردەوە لەپێناو بەدیهێنانی مافە نەتەوەییەکانی لە تورکیا.
لە راگەیەندراوی ناساندنی هاوپەیمانییەتەکە، ئاماژە بە پاراستنی دەستکەوتەکانی گەلی کورد لە هەر چوار پارچەی کوردستان کرا و ئاماژەیان بەوەکرد، هاوپەیمانی ئازادی و دیموکراسی کورد لە بەردەم هەر جۆرە هێرش و دژایەتیکردنێکی ئەو دەستکەوتانە هەڵوێست نیشاندەدات و جەختیش لەسەر بەهێزکردنی پەیوەندییە بازرگانی و کۆمەڵایەتییەکانی نێوان هەر چوار پارچەی کوردستانیش دەکاتەوە.
لەبارەی مافەکانی گەلی کورد لە تورکیا، هاوپەیمانی ئازادی و دیموکراسی کورد لە کارنامەی خۆناساندنیدا روونکردووەتەوە، کار دەکات بۆ جێگیرکردنی ناسنامەی گەلی کورد لە دەستووری بنەڕەتیدا و داواش دەکات زمانی کوردی وەک دووەمین زمانی فەرمی لەپاڵ زمانی تورکی بناسرێت و لە ناوەندەکانی خوێندن لە باخچەی منداڵان تا زانکۆ ئازادی بەکارهێنان و خوێندن بە زمانی دایک جێگیربکرێت.
لە ڕووی چالاکی کاری سیاسی و رێکخراوەیی، هاوپەیمانییەتەکە داوای رەخساندنی ئازادی دەکات بۆ ئەوەی گەلی کورد لە تورکیا بە ئازادی کاری رێکخراوەیی بکات و کورد لە ناوچەکانی خۆیدا مافی خۆبەڕێوەبردنی هەبێت.
لە بەشێکی دیکەی ئەو خاڵانەی هاوپەیمانی ئازادی و دیموکراسی کورد هەوڵی بۆ دەدات، ئاماژە بەوەکرا، کار دەکەن بۆ گەڕانەوەی ناوی پێشووی شار، ناوچە و شوێنەوارە مێژووییە کوردییەکان کە گۆڕدراون و ئاشکراکردنی شوێنی گۆڕی کەسایەتییە دیار و ناودارەکانی کورد لەو وڵاتە.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 621 keer bekeken
Schrijf uw commentaar over dit item!