پێرفۆڕمانسی هونەریی کوردی
#ئامانج غازی#
لە ئاکامی کەڵک وەرنەگرتن و نەگەڕانەوە بۆ میلۆدییە ڕەسەنەکانی کوردی خەریکە کۆمەڵی ئاوازی دانراو دەستکرد و دوور لە تێگەیشتنێکی فەلسەفیانه و ڕۆشنبیریانەی لە دایک دەبن و بە کاریگەریی و گوێ گرتنی سەرپێیانە لە ئاوازەکانی (تورک و فارس) دەبنە هەوێنی دەنگە چاکەکانی ئەمڕۆمان.
بەگوێ گرتن لەتەکنیکی ژەنیارانی (فارس و تورک) بەڕێژەیەکی بەرچاو (ژەنیارە عەرەبییەکانیش) بەڕێژەیەکی کەمتر خەریکە هەیبەت و باڵا دەستی ئامێرە ڕەسەنەکانمان دەکەونە پەراوێزی کارە هونەرییەکانمان و لاساییکردنەوەی ئەو ژەنیارانە بووەتە وێردی دەست و پەنجەکانمان, لێرەدا پرسیارێکی کۆنباو و نەریتییانە بەڵام زۆر کاریگەر دەکرێ:
( تا ئێستا کێ گوێ بیستی ژەنیارێکی (تورک یان فارس یان عەرەب) بووە بتوانێ مۆرک و ئەدایەکی کوردیانەمان بۆ بژەنێ) ؟.
کەواتە بابەتی ڕەسەن لێهاتوویی دەوێ, بلیمەتی ژەنیار دەتوانێ بەپەنجەکانی ئاوازی ئەفسوناوی بدا بەبناگوێمان و چۆکمان پێدادا !.
هۆکارێکی تری لەیەکتر حاڵی نەبوونی (دەنگ و ئەدای گۆرانیبێژ لەگەڵ سیما و ڕووخساری ئاوازی ڕەسەنی کوردی) لە ناسینەوه و شارەزا نەبوونی گۆرانیبێژەکانمانە، بەمیانه و چینە دەنگی خۆی لەکاتی چڕینی گۆرانیدا،
گۆرانیبێژی کورد تا ئەزبەری ئاوازێک دەکات, ئاوازدانەر دەخاتە بەرەژان و ئازارێکی جەستەیی و ڕۆحی زۆر گەورەوە, چونکە گۆرانیبێژ لە هەردوو کۆڵەگە سەرەکییەکەی پێکهاتەی موزیکدا (زمانی نۆته و گوێچکەی هونەریی موزیکیی) بێبەشە و بەدەگمەن گۆرانیبێژێک دەبینی بە پەرۆش و ئەکادیمانە ( مواکەبەی ) ڕۆحی سەردەم و تێگەیشتنی قۆناغەکانی هونەری میللەت و گەل و تەنانەت خۆشی بێ، کەواتە کە پرسیارمان لێدهکرێ و بەڕاشکاوی پێمان دەڵێن بۆ موزیکی کوردی ئێمە تەمەن کوورتە؟ نابێ بێدەنگ بین ! ئەم بێدەنگیی و فەرامۆشییە خەریکە دەمانکوژێ. !
تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە![1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 210 keer bekeken
Schrijf uw commentaar over dit item!