ناڤ: فرسەت
ناڤێ بابی: سوفی
جهێ ژدایک بوونێ: گوندێ گەزنە یا سەرب باژێڕوکێ #چۆمان#
ڕوژا ژدایک بوونێ: #31-05-1978#
جهێ وەغەرا داوی: #هەڤلێر#
ڕوژا وەغەرا داوی: #18-11-2020#
$ژیاننامە$
باوەڕناما ماستەرێ د یاسایا نیڤ دەولەتی لسەر پێگەها هەرێمێن کو ب فەرمی هاتینە ب نیڤ دەوڵەتی کرن هەیە و قوتابی دکتۆرایێ بوو د بوارێ یاسایا نێڤ دەوڵەتی ل سەر ما تێکرنا ئەنجومەنا ئاسایشا ناڤ نەتەوی، هەروەسا مامۆستایێ زانکویێ ل #زانینگەها سەڵاحەددین# یا هەڤلێرێ بوو.
ل رونشتنا ژمارە 70ێ یا روژا پێنج شەممێ یا رێککەفتا #12-09-2019#ێ یا ئەنجومەنا پارێزگەها هەڤلێرێ و ب ڕییا دەنگدانا ئاشکەرە، دکتۆر فرسەت سۆفی، کاندیدێ #پارتی دیموکراتی کوردستان# ب پارێزگارێ هەڤلێرێ هەلبژارد.
فرسەت سۆفی ب دەنگێ (27) ئەندامان ل کۆما (28) ئەندامێن ئەنجومەنا پارێزگەها هەڤلێرێ، ب پارێزگارێ نوو یێ هەڤلێرێ هات هەڵبژاردن.
کورتەیەک لسەر کەسایەتی و کارناما فرسەت سۆفی:
- ل ڕێکەفتا 31-05-1978 ل گوندێ گەزنە یا سەرب باژێڕوکێ #چۆمان# ل دەڤەرا بالەکایەتی ژدایک بوویە
- خێزاندارە و دوو کوڕ و کچەک هەنە.
- دکتۆرا و ماستەر ل یاسایا گشتی هەنە.
- مامۆستا و وانەبێژە ل زانینگەها پۆلیتەکنیک یا هەڤلێرێ.
- ئەندامێ خولا چارێ یا پەرلەمانی کوردستان بووەیە و پشتی کو ماوێ خولا چارێ یا پەرلەمانێ کوردستانێ تمام بوو ڤەگەڕیایە سەر کارێ خوە یێ بەرێ کو ماموستایێ زانینگەهێ بوو.
- ئەندامێ دەستەیا ڕاوێژکاری یا #سەروکایەتی یا هەرێما کوردستان#ێ بوو.
- ئەندامێ لیژنەیا بلندا ڕیفراندۆمێ بوو
- ئەندامێ لێژنەا بلندا چاکسازی بوویە ل کوردستانێ .
فرسەت سوفی د هەیامێ کوو پارێزگارێ هەڤلێرێ بوو، هەمی دەمان دناڤا خەلک و ڕونشتڤانێن باژێڕێ هەڤلێر ب تایبەتی و باژێڕێن دن یێن ڤێ پارێزگەهێ گشتی دابوو، د ماوێ ویدە ڤایروسا کرۆنایێ دەرکەت و ل هەمی عیراق و کوردستانێ قەدەغەیا هاتن وچوونێ دهاتە ڕاگهاندن و ڕێنمایی یێن تەندروستی و ئامرازێن خوە پارێزیێ ل کۆرۆنایێ ب سەر خەلکی دە دهاتنە بەلاڤ کرن، ب مخابنیڤە ل ڕێکەفتا 18-11-2020 و ل ژیێ 42 ساڵیێ دە ب خوە تویشی ڤی ڤایروسێ بوو و وەغەرا داویێ کر.[1]