54 پارێزەری کورد لەسەر دۆسیەی #ژینا ئەمینی# بانگهێشتی دادگا دەکرێن
#14-07-2023#
بە پێی ئەو زانیارییانەی ئاژانسی هەواڵەکان بڵاویانکردووەتەوە ، 54 پارێزەری شاری بۆکان لەلایەن داواکاری گشتی دادگای ئینقلابی ئەو شارەوە بە فەرمی ئاگادار کراونەتەوە کە دەبێت لە بەردەم دادگا ئامادە بن.
بە پێی زانیارییەکانی هەنگاو لەم بارەوە ئەم پارێزەرانە لەلایەن ناوەندە ئەمنییەکانەوە بە فەرمی ئاگادار کراونەتەوە کە دەبێت وەڵامدەرەوە بن بۆ کۆمەڵێک لەو تۆمەتانەی خراوەتە پاڵیان. جێگەی ئاماژەیە تۆمەتی ئەوە خراوەتە پاڵ ئەم پارێزەرانە کە بە بڵاوکردنەوەی کۆمەڵێک ڤیدیۆ و وێنە، هەوڵیانداوە ئارامی و ڕای گشتی تێک بدەن .
جێگەیباسە ئەم پارێزەرانە لە سەردەمی بزووتنەوەی ژینادا، بە بڵاوکردنەوەی بانگەوازێک پشتیووانی خۆیان لە بنەماڵەی ژینا ئەمینی دەربڕێبوو.
ژینا ئەمینی لە 16-09-2022، لە تاران گیانی لەدەست دا، دوای ئەوەی سێ ڕۆژ پێشتر لە بنکەی پۆلیسی ڕەوشتی تاران تەندرووستیی تێکچوو. ئەمجەد ئەمینی، باوکی ژینا دەڵێت: بەپێی ئەو زانیارییانەی پێی دراوە، کچەکەی لەلایەن هێزەکانی پۆلیسەوە لێی دراوە و بەوهۆیەوە گیانی لەدەست داوە.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (کوردیی ناوەڕاست) geschreven, klik op het pictogram
om het item te openen in de originele taal!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Dit item is 3,431 keer bekeken
Schrijf uw commentaar over dit item!