ب دەستووری خودێ
چەند سەبەقێن پیرۆز ژ قەولێ ئێزدین ئەمیرێ شەمسانی :-
ب سێ کاسا مەستم
کاسا سپی د بەستم
ب رەشی ئەز دروستم
ئێزیدێ سۆر د پەرستم
***
د پەرستم سەرفێت گران
ب ھیمەتا یار و بران
ئێزدین گۆ : ئەز مشورم ل ھەموو دەردان
***
ل ھەموو دەردان ئەزی مشورم
نەقاشێ نەقشێ ھوورم
بەری خەت و کتێب دەفتەر و مشورم
ژ نێزیک وەرە ، ئەزی دورم
***
ژ دور وەرە ئەزی نێزیکم
سەرفێت گران نەژینکم
عەزیزێ من ژ باتندا ئەزی ژێکم
***
عەزیزێ من ل با تە نەبێ نا سەبرم
ل فارقەتێ د ئێورم
ل عالەمێ ئەزێ مشتەرم
***
مشتەری مە ل عالەمێ
ھەی ھێڤێنۆ ژ موحبەتێ
ھەی رێبەرۆ ژ حەقیقەتێ
***
ئێزدین گۆ : مە دڤێ ئێک دلا بکە ناسە
مە یارەک دڤێ یێ خاسە
سلتان ئێزی رێناسە
***
ھەرە ب ئەسلە
ھەرە ب نەسەبە
ھنجی جانێ ب چاکی ب ئەدەبە
پەدشا بخۆ تێدا تەلەبە
***
بێژمە وە جوابا راست
وەکی پەدشێ من عەزمان د پیراست
شاز و قدوم دناڤدا ڤەدگوھاست
***
ھەرە ب شازە، ھەرە ب قدومە
چی عەرشەکی ھۆی مەعلومە
کرە ئیمام ل سەر چەندی مومە
***
ئێزدین ئەمیر گۆ : ھەکە ئەز دەنگ بکەم وێ ببە کەباری
ناڤ خاسێت شیخادی رونشتن ب ستاری
مە ب رەشڤە سپاری
***
رەش خۆش خەلاتە سپی ل ھەموو دەردا مفاتە
ھەکە ب داھرە و باطنە سلتان شیخادی ئاتقاتە
تەمامەتی ل خودێ و سلتان شیخادی
***
یێ تەمام خودێ یە.[1]