وانگاو کناچا جە هۆرامان
نویستەی: ئەسعەد ڕەشید
ناوچەو هۆرامانی جە ویەردەی وەڵینەنە یاگې مەدرەسە دینیەکا بیەن، ژمارێ فرې جە زانا و پیرە ئاقڵەکا ئەچاگە ژیوێنۍ، خەڵکیشا فېرو خوڼەواری کەردەن، مەدرەسېشا وەشکەردېنۍ، ئەچاگە وانە ئایینیەکۍ و دنیاییەکېشا فېرو خەڵکی کەردېنۍ.
دماتەر مەدرەسە ئایینیەکۍ تەریقەتو نەقشبەندۍ بنیاڎ نریێنۍ، کە پېسە چراوێ ڕۊشنۍ شۊقشا شانان پەی تەماموو سەرزەمینو کوردەواری، چڼەها زانێ نامڎارۍ و قەڵەم بە دەسۍ ئەچاگە بەرشیېنۍ، چڼەها شاعېرۍ لوێنېنە دلۍ دنیاو عیرفانی و بەرهەمۍ تاسوخۍ و سەنگینېشا پېشکەش بە ئەدەب و فەرهەنگو کوردەواری کەردېنۍ.
وەختێ سیستەمو وانای دلۍ حوجرەکاوە فاڕیاوە پەی دلۍ وانگاکا، هۆرامان دیسان سەرمەشقو ئا دەسکۆتە بە قیمەتەیە بۍ، دەگێکۍ و شارەدەگێکۍ هۆرامانی باوشیشا پەی زانست و فېربیەی تازەی کەردۆ، شارەدەگایەکاو پېسە بیارۍ و تەوېڵۍ وخورماڵینە یەکەمین تەۋەنەو ماریفەتی پەی بنیاڎنیای وانگاکا نریارە، ئەچاگە نەک هەر کوڕۍ، بەڵکوم کناچۍ هۆرامانی چېرو ئاوەزێ ڕۊشنو ئەڎا و تاتەیشاو بە گورج و گوڵی و مەحکەمی باوەڕیشا لوێنە دلۍ وانگاکا.
ڕەنگە ئیساتۍ وېنێوە سیاو و چەرمەو ساڵەو حەفتاکا شارەدەگاو تەوېڵۍ نیشانە بڎەیمۍ، ئېمە دڵوەشۍ بیمۍ و خەڵکی تەر ئافەریمۍ بکیانۊ پەی خەڵکێ کە ئەچا ڕوزگارەنە بەشێ جە ورکەکاشا دەسکۆتەی زانست و ماریفەتی بییەن.[1]
Kurdipedia is niet verantwoordelijk voor de inhoud van deze opname en de eigenaar is daarvoor verantwoordelijk. Kurdipedia nam het op voor archiefdoeleinden.
Dit item werd in het (هەورامی) geschreven, klik op het pictogram
om het item te openen in de originele taal!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Dit item is 1,173 keer bekeken
Schrijf uw commentaar over dit item!