- هێزەکانی پێشمەرگەی کوردستان، هێرشیان بۆ کۆنتڕۆڵکردنی ناحیەی زومار لەپارێزگای موسڵ دەستپێکرد‌ و دەمەوئێوارە چوونە ناو ناوەندی زومارەوە.
- هێزەکانی پێشمەگەی کوردستان توانیان بەتەواوی ناوچەی عەین زالە کۆنتڕِۆڵ بکەن و لە چەکدارانی داعشی پاک بکەنەوە.
- لە گەڕەکێکی شاری کەرکووک دوو بۆمبی چێنراو تەقینەوە و بە هۆیەوە دوو هاوڵاتی بریندار بوون.
- لە ناحیەی‌ زومار بۆمبێک بە ئۆتۆمبێلی‌ هێزەکانی‌ پێشمەرگەدا تەقییەوە و بەهۆیەوە پێشمەرگەیەک شەهید بوو، یەکێکی‌ تریش برینداربوو.
- بۆمبێکی چێنراو بە کاروانی ئۆتۆمبێلەکانی هەرێم کەمال ئاغا، بەرپرسی مەڵبەندی دهۆکی یەکێتی لەناوچەی زوممار تەقیەوە، بەڵام زیانی گیانیی نەبوو.

جەماوەری تێکۆشەری کوردستان وەک هەمووان دەزانین دۆخی هەرێمی کوردستان بەچ قۆناغێکی دژواردا تێدەپەرێت هێزەکانی پێشمەرگەی کوردستان بە درێژایی هەزارو پەنجا کیلۆمەتر لە سەنگەری بەرگری خاک‌و نەتەوەکەیاندان هەرێمی کوردستان‌و خەڵکەتێکۆشەرەکەی باوەشیان بۆ یەک ملیۆن‌و نیو ئاوارە کردۆتەوە، نەخۆشخانەکانمان لە پێشوازی دەیان برینداری سەنگەرەکانی بەرگرین، ئێمەی پەرلەمانتارانی فراکسیۆنی سەوز ڕۆژانە لە خزمەتی خانەوادەی شەهیدان‌و بریندارەکان‌و پرسی پێشمەرگەو ئاوارەکان‌و خەمی خەڵکین، بەڵام بەداخەوە کۆمەڵێک پەرلەمانتارو ڕاگەیاندنی نابەرپرس کە درکی هەستیاری دۆخی کوردستان‌و یەکریزی نیشتیمانی ناکەن وەک پیشەی هەمیشەییان کەوتونەتە وێزەی یەکێتی‌و دوکەڵیکیان دروست کردوە کە بۆنی ئاگرێکی گەورەی لێدێت.

ئێمە لێرەوە ئاگاداریان دەکەینەوە ئەگەر لەم ساتە بەدواوە کۆتایی بەو چەواشەکاریەکانتان دەهێنن باشە ئەگینا ئێمەش بێدەنگی دەشکێنین‌و هەرچی بەڵگەنامەی فەرمی کە لامان پارێزراوە دەیخەینە بەردەم ڕای گشتی، ئەوسا دەردەکەویت کێ لەخەمی خەڵکەو کێش شەڕی خۆی دەکات، بۆیە ئەم ڕاگەیەنراوە کۆتایی پشوو درێژیمانە بەرامبەرتان، چونکە خواستی ئێمە هەست کردنە بە بەرپرسیاریەتی دۆخەکەو، خەڵکی کوردستانیش باش دەزانن به چ مەرامێک تەنها دژایەتی یەکێتیی نیشتمانیی کوردستان دەکەن.

فراکسیۆنی
یەکێتیی نیشتمانیی کوردستان لە پەرلەمانی کوردستان
2014/8/30