$باکووری کوردستان$
- هێزە ئەمنییەکانی دەوڵەتی تورک لە ناوەند و ناوچەکانی پارێزگای #بەدلیس# هەڵیانکوتایە سەر ماڵی هاووڵاتییان و 5 هاووڵاتییان دەستگیرکرد و دادگای دەوڵەتی تورکیش سزای زیندانیکردنی بەسەر 4 هاووڵاتییاندا سەپاند.[1]
$رۆژهەڵاتی کوردستان$
- ڕێکخراوی مافی مرۆڤی هەنگاو بڵاویکردەوە، ژنێکی گەنجی خەڵکی گوندی زەنگۆ سەربە شاری #سەڵماس# بە ناوی مریەم ئەتمانی، بەهۆی ئەو برینانەی بەهۆی سووتانەوە لەسەر جەستەی بوون، لە یەکێک لە ناوەندە تەندروستییەکانی شاری ئورمیە گیانی لەدەست دا. بەگوتەی سەرچاوەیەکی هەنگاو، مریەم ئەتمانی دایکی دوو منداڵە، هەفتەی ڕابردوو بەهۆی کێشەی خێزانییەوە لەلایەن هاوژینەکەیەوە ئاگر لە جەستەی بەردرابوو، لە ئاکامدا 90٪ی جەستەی سووتابوو.[4]
$باشووری کوردستان$
- #وەزارەتی پەروەردە# ڕایدەگەیێنێت تاقیکردنەوەی هەموو قۆناخەکانی ‏خوێندن لەناو پۆلی قوتابخانەکاندا دەکرێت. خوێندنی ‏قۆناخی 3 تاوەکوو 11ی بنەڕەتیش بە ئەلکیترۆنی دەبێت، نەک ئۆنلاین.[2]
- وەزارەتی تەندروستیی هەرێمی کوردستان ڕایگەیاند، لە 24 کاژێری ڕابردوودا 612 کەس تووشی کۆرۆنا بوون و 23 کەسیش گیانیان لەدەستداوە.[2]
- بە ئامادەبوونی ژمارەیەکی بەرچاو لە هونەرمەندان و هاوڵاتیانی شاری #سلێمانی#، مەراسیمی چلەی ماتەمینی هونەرمەند #سابیر کوردستانی# ئەنجامدا و تێیدا ستایشی کار و خزمەتەکانی کرا بە هونەری کوردی و خەڵاتی ڕێزلێنان پێشکەشی بنەماڵەکەی کرا.[6]
- لە باخچەی ناوەندی ڕۆشنگەری چاودێر لەڕێوڕەسمێکدا بە ئامادەبوونی ژمارەیەکی بەرچاو لە نووسەران و ڕۆشنبیران و ڕۆژنامەنووسان و ئەکادیمستان و کەسایەتی، پەڕتووکی (#لە بری بیرەوەری#) ی #مەلا بەختیار# بڵاوکرایەوە.[3]=KTML_ImageCaption_Begin==KTML_StyleDiv=width:30%;height:20%;float:right;=KTML_ImageCaption_Target_Link=https://www.kurdipedia.org/files/relatedfiles/2020/386627/0007.JPG=KTML_ImageCaption_Title=سلێمانی، یادی پێنج ساڵەی شەهیدبوونی ڕێباز تیلەکۆ کرایەوە=KTML_ImageCaption_CaptionStyle=000000=KTML_ImageCaption_Caption=سلێمانی، یادی پێنج ساڵەی شەهیدبوونی ڕێباز تیلەکۆ کرایەوە=KTML_ImageCaption_End=
- ئەمڕۆ خانەوادەی گەریلا عیرفان شەهابی، ناسراو بە #ڕێباز تیلەکۆ# لە ماڵی خۆیان لە شاری سلێمانی، مەراسیمێکی وەبیرهێنانەوەیان بۆ بەرزڕاگرتنی یادی پێنج ساڵەی شەهیدبوونی شەهید ڕێباز تیلەکۆ ڕێکخست.[6]
- ژمارەیەک کەسایەتی و سەرۆک هۆزی #کەرکووک# هۆشداری لە دۆخی سەپێنراوی شارەکە دەدەن و دەڵین: ئەگەر پارێزگاری سەپێنراوی کەرکووک لەتەعریب کردن بەردەوام بێت، ئەوە دۆخەکە لە کۆنترۆڵ دەردەچێت، ئەو سەرۆک هۆزانە ئاشکرایان کرد، بڕیارە هەفتەی داهاتوو چاویان بە مستەفا کازمی، سەرۆک وەزیرانی ئێراق بکەوێت و بەروونی پێی دەڵێن: فریای کەرکووک بکەوە، چونکە هیج کام لە پێکهاتەکانی شارەکە ڕازی نین بەو واقیعە سەپێنراوەی کە ئێستا هەیە.[4]
$رۆژئاوای کوردستان$
- پێش نیوەڕۆی ئەمڕۆ لەنێو شاری عەفریندا چەکدارانی سەر بە 'سوپای نیشتمانیی سووریا' لەسەر شەقامی ڤێلات تەقەیان لە ماتۆڕسکیلێک کرد کە باوکێک و منداڵەکەی لەسەر بوو، لە ئەنجامدا منداڵەکە گوللەیەکی بەرکەوت و لە باوەشی باوکیدا گیانی لەدەست دا. منداڵەکە ناوی یوسف عوسمانە و تەمەن یەک ساڵان بووە.[2]=KTML_ImageCaption_Begin==KTML_StyleDiv=width:30%;height:20%;float:left;=KTML_ImageCaption_Target_Link=https://www.kurdipedia.org/files/relatedfiles/2020/386627/0002.JPG=KTML_ImageCaption_Title=لە عەفرین منداڵێک بە گوللەی چەتەکانی تورک دەکوژرێت=KTML_ImageCaption_CaptionStyle=000000=KTML_ImageCaption_Caption=لە عەفرین منداڵێک بە گوللەی چەتەکانی تورک دەکوژرێت=KTML_ImageCaption_End=
- سوپای داگیرکەری تورک و چەتەکانی بەردەوامە لەسەر تاوانی شەڕ لەدژی هاوڵاتیانی #عەفرین#. بەپێی سەرچاوە هەرێمیەکان چەتەکانی سەر بە دەوڵەتی داگیرکەری تورک گەنجێک و ژنێکی گەنجی عەفرینیان ڕفاند و چارەنووسیان نادیارە.[1]
- سوپای ئەمریکا سەربازی زیاتر، تانک و ئۆتۆمبێلی جەنگیی جۆری برادلی و ڕاداری پێشکەوتوو دەنێرێتە ڕۆژاوای کوردستان و ناوچەکانی دیکەی ژێر دەسەڵاتی بەڕێوەبەرایەتیی خۆسەر و جموجووڵی فڕۆکە جەنگییەکانیش لە ئاسمانی ناوچەکەدا زیاد دەکات.[2]
- میدیاکانی ڕۆژاوای کوردستان بڵاویان کردەوە، #پارتی دیموکراتی کوردستان# زیاتر لە 40 پێگەی سەربازی بەدرێژایی سنوری نێوان باشوورو ڕۆژئاوی کوردستان دروست کردون و پشتیوانی سەربازی و چەکیشی بۆ ئەو پێگانە ڕەوانە کردوە.[5]
$دەرەوەی کوردستان$
- وەزارەتی بەرگری لە ڕاگەیەنراوێکدا بڵاویکردۆتەوە کە دوو کەس بەناوەکانی مارک ئالان فریدای (37ساڵ) و لارا جومعە محەمەد (30 ساڵ) کە خاوەنی کۆمپانیان لە شاری #هەولێر#، هەوڵیانداوە بەرتیل بدەن بەیەکێک لە بەرپرسەکانی سوپای ئەمریکا لەپێناو بەدەستهێنانی گرێبەستێک بۆ دابیەکێتیی نیشتمانیی کوردستانردنی پێداویستی و خزمەتگوزارییەکان بۆ هێزەکانی ئەمریکا.[3]
- کۆمیسیۆنی لێکۆڵینەوە لەبارەی سووریا ڕاپۆرتێکی نوێی بڵاوکردەوە و دەڵێ بەڵگە هەیە وایلێدەکات باوەڕی بەوە هەبێت: میلیشیاکانی سەر بە تورکیا تاوانی جەنگ لەدژی دانیشتووانی کوردی باکووری سووریا دەکەن، وەک: ڕفانن، ئەشکەنجەدان، دەستدرێژیی سێکسی و تاڵانکردنی ماڵ و موڵک.[4]
- بەهای هەر دۆلارێکی ئەمەریکی بۆ بەرزترین ئاستی بە 7.5660 لیرە بەرزبووەوە، بەوەش بەهای لیرەی تورکی لەسەرەتای ئەمساڵەوە زیاتر لە 21% بەهاکەی بەرامبەر دۆلاری ئەمەریکی لەدەستداوە.[4]
- ئیمانوێل ماکرۆن، سەرۆکی فەرەنسا ئەمڕۆ لە تویتێکدا لە هەژماری تایبەتی خۆی لە تویتەر، کە بە زمانی تورکی بڵاویکردووەتەوە، نووسیوویەتی پەیامێکی ڕوونمان بۆ تورکیا نارد، پەیامەکەش ئەوەیە پێویستە دیالۆگێکی بەرپرسیارانە دەستپێبکەین و بە نیازێکی پاک گفتوگۆ بکەین و کات نەکوژین.[4]

ڕاگەیەنراوەی ناوەندی ڕاگەیاندن و چاپەمەنی هەپەگە بەم شێوەیەیە:
هێزەکانمان لە چوارچێوەی هەنگاوی 'کۆتاییهێنان بە گۆشەگیری و فاشیزم و داگیرکەری و بەرجەستەکردنی ئازادیدا'ی کەجەکەدا چالاکی بەهێزیان ئەنجامداوە. زانیاریەکان لەبارەی چالاکیەکان بەم شێوەیەیە:
حەفتانین
لە 15ی ئەیلول کاتژمێر 12:30 دا هێزەکانمان لە گردی شەهید شیلانی گۆڕەپانی کارتالێی حەفتانین لەدژی سوپای داگیرکەری تورک چالاکی بەهێزیان ئەنجامدا. لەوێ پەناگەیەکی سەربازەکان لەناوبراوە، بەڵام ژمارەی کوژراو و بریندارەکان نەزانراوە.
دەوڵەتی داگیرکەری تورک دوای چالاکیەکەدا دەستدڕێژیان لە دەوروبەر کرد و ئۆتۆمبێڵی خەڵکی مەدەنیان کردە ئامانج. لەو هێرشەدا زیانێکی گەورەی مادی بەر خەڵکی مەدەنی کەوتووە. ئاگریش بەربووەتە دەوروبەری گوندی کەشانێ.
17ی ئەیلول کاتژمێر 18:00 لە گردی کاتۆ سولی بەکتۆریای سەر بە حەفتانین سەنگەر و پەناگانای سوپای داگیرکەری تورک بووەتە ئامانجی هێزەکانمان. لەو چالاکیەکەدا لە پەناگاکان لەناوبران، 5 سەرباز سزادران و 3 سەربازیش برینداربوو.
دوای چالاکیەکە سوپای داگیرکەری تورک بە هەلیکۆپتەر سەربازە بریندار و کوژراوەکانی لە هەرێمەکە گواستەوە.
سوپای داگیرکەری تورک لە گردی کارتال. گردی شەهید زنار و گەلی شەهید گەڤەڕ دەستی بە ئۆپەڕاسیۆنی داگیرکەری کرد. ئۆپەڕاسیۆنەکە بەردەوامە.
چەلێ
17ی ئەیلول کاتژمێر 05:00 هێزەکانمان لە گردی شەهید بیلای چەلێی جۆلەمێرگ لە سوپای داگیرکەری تورکیاندا. لە چالاکیەکەدا سەنگەرێک و سەربازانی ناوی بە تەواوی لەناوبران. دوو کامێران مۆبەس لە گردەکە تێکشکێنران.
سوپای داگیرکەر دوای چالاکیەکە بە ئۆبۆس و فڕۆکە جەنگیەکانی شەڕ هەرێمەکەی تۆپباران کرد و دەستی بە ئۆپەڕاسیۆن کرد. هێزەکانمان یەکینەکانی ئۆپەڕاسیۆنەکەیان خستە ژێر کۆنتڕۆڵ و کاتژمێر 08:40 کاتێک داگیرکەران ویستیان کامێرای مۆبەس لە هەرێمەکە جێگیر بکەن، هێزەکانمان چالاکیان ئەنجامدا. لە چالاکیەکەدا 3 داگیرکەر کوژران. سوپای داگیرکەری تورک کاتژمێر 17:30 بە هەلیکۆپتەرئ سکۆرسکی هەرێمەکەی بۆردومان کرد و بە سکۆرسکی کوژراو و بریندارەکانی گواستەوە.
ئەلکێ
لە 11ی ئەیلولدا سوپای داگیرکەری تورک لە بەرەبەیاندا بە فڕۆکەی شەڕ و هەلیکۆپتەر گۆڕەپانی کاتۆ ژیرکای ئەلککێی شڕنەخیان بۆردومان کرد. دوای ئەوەی بە هەلیکۆپتەر سەرباز لە ناوچەکە جێگیرکران، دەستیان بە ئۆپەڕاسیۆن کرد. هێزەکانمان جموجووڵی سەربازانیان خستە ژێر کۆنتڕۆڵی خۆیان و لە هەمانکاتدا لە تیمی بەڕێوەبەری ئۆپەڕاسیۆنەکەیاندا. دەوڵەتی داگیرکەری تورک لە میدیای شەڕی تایبەتی خۆیدا ڕایگەیاند کە 3 کوژراو و برینداریان هەیە، بەڵام ئەوە دوورە لە ڕاستیەوە. سوپای داگیرکەری تورک لەلایەن هێزەکانمانەوە گورزی گەورەی بەردەکەوێت و 13ی ئەیلول هەندێک لە هێزەکانی لە ئۆپەڕاسیۆنەکە کشاندەوە.
شاخێ
لە 5ی ئەیلول کاتژمێر 06:00 سوپای داگیرکەری تورک لە گۆڕەپانی شاخێی وان بە هەلیکۆپتەر سەربازیان جێگیر کردد و دەستیان بە ئۆپەڕاسیۆن کرد. لە کاتی ئۆپەڕاسیۆنەکەدا لەنێوان هێزەکانمان و داگیرکەراندا شەڕێکی قوڕس ڕوویدا. لە شەڕەکەدا هەڤاڵانمان عەگید و مەزلۆم کە تا دوایین فیشەکی خۆیان شەڕیان کرد شەهید بوو. ناسنامەکانیان لە داهاتوودا بۆ ڕای گشتی ئاشکرا دەکەین.
ئۆمەریان
سوپای داگیرکەری تورک لە گوندەکانی سەر بە هەرێمی ئۆمەریانی مێردین جلی هێزەکانمان لەبەردەکەن و کاری کۆنترا ئەنجام دەدەن. زۆربەی گروپە کۆنتراکان لە ژنان پێک دێت. پێویستە گەلەکەمان لە بەرانبەر ئەو گروپە کۆنترایانە کە شەڕی قێزەونی دەوڵەتی داگیرکەری تورک بەڕێوەدەبەن، هوشیار بن.[1]

یەکینەکانی تۆڵە ڕاگەیەنراوێکی بڵاوکردەوە و ڕایگەیاند کە لە چوارچێوەی هەنگاوی 'بەسە بۆ گۆشەگیری، فاشیزم و داگیرکەری، کات کاتی ئازادیە' کە تێکۆشانی ئازادی کورد فاشیزم تێکدەشکێنێت، تێکۆشان بەرزدەکەنەوە و دەبنە فیدایی گەلەکەیان.
لە 5 شار گورزی کوشندە لە فاشیستەکان دراوە:
لە ڕاگەیەنراوەکەدا باسی ئەوەکراوە کە لە 5 شاری چالاکیان ئەنجامداوە و گورزی گەورەیان لە فاشیستەکان داوە کە بەم شێوەیەیە:
لە 17ی ئەیلولدا لە سیلیڤری ئەستەنبوڵ یەکینەکانی تۆڵهەڵدی شەهید هەڵمەت و شەهید ئارین میرکان کۆمپانیایەکی گواستنەوە کەلەگەڵ دوژمن کاری دەکرد و 2 بارهەڵگریان سووتاندووە.
17ی ئەیلول لە ئاتاشەهیری ئەستەنبوڵ کۆگایەکی ئاسنی کۆنە کەلەگەڵ پۆلیس کاری دەکرد سووتێنراوە.
یەکینەکانی تۆڵەی شەهید باران دەرسیم لە ئێلح 16ی ئەیلول لە ئایدنلکئەڤلەر دوو ئۆتۆمبێڵی نۆکەرانیان سووتاندووە.
لە 17ی ئەیلولدا لە گەڕەکی باغلاری ئێلح بارهەڵگرێکی ئیدارەی کارەبا سووتێنراوە.
17ی ئەیلول لە گەڕەکی بایندری ئێلح کەسێک کە کاری بێئەخلاوی دەکرد و مادەی هوشبەری دەفرۆشت سزادرا.
17ی ئەیلول لە کارشیاکای ڕێگای ئاوریشمی وان یەکینەکانی تۆڵەی شەهید سەما کۆچەر بازرگانێکی مادەی هوشبەریان سزادا.
18ی ئەیلول لە ناوچەی ئەدرەمیتی وان وێستگەی توڕی ئەنتەرنێت و تەلەفۆنی کۆمپانیای جی ئێس ئێم سووتێنراوە.
18ی ئەیلول گەشتی ڕێگای شەمەندەفەر لە ناوچەی تووشبای وان وەستێنرا.
16ی ئەیلول لە بەدلیس یەکینەکانی تۆڵەی شەهید سەید خەرزان ئۆتۆمبێڵی جۆری دۆبلۆی جاشەکانیان سووتاندووە.
17ی ئەیلول یەکینەکانی شەهید نوودا کارکەر لە گەڕەکی فەوزی چاکماکی ئاگری مارکێتێکی نۆکەرانیان سووتاندووە.[1]

یەکینەکانی تۆڵەی شەهید ساکینە جانسز ڕایگەیاند، ئەوان دەبنە پێشەنگی هەنگاوی گۆشەگیری و فاشیزم و دایگرکەری بەسە، کاتی ئازادی کە لە لایەن کەجەکەوە ڕاگەیێنراوە.
یەکینەکە لەم بارەیەوە ڕاگەیێنراوێکی بڵاو کردەوە و تێیدا جەختی کردەوە کە، ئیدی کاتی قسەکردن بەسەر چووە. دەبێت هیچ کەسێک نەڵێت، ئەمە کاری من نیە. هەر کوردێک لە هەر شوێن و گۆڕەپانێکە، بەشداری لەم هەنگاوەدا بکات.
چالاکیەکانی ئامەد
یەکینەکانی تۆڵەی شەهید ساکینە جانسز ڕایگەیاند لە ئامەد زنجیرە چالاکیەکیان ئەنجام داوە و بەم شێوەیە باسی لێوە کرد:
لە بەرواری 16ی ئەیلول کۆنتەینەرێکی قەرەقۆلی جەندرمەکانیان لە ناوچەی فارقینی ئامەد بە چالاکیەک لەناوبرد. چەندین ئۆتۆمبیلی ئاگرکوژێنەوە بۆ کۆنتڕۆلکردنی ئاگرە گەیشتنە شوێنی چالاکیەکە.
لە بەرواری 17ی ئەیلولیشدا بە تەقەمەنی دەستی و چەکی سووک لە دژی بەڕێوەبەرایەتی هاتووچۆ لە سەر ڕێگای فارقین و ئێلح چالاکیەک ئەنجام درا. چەندین ئۆتۆمبیلی ئاگرکوژێنەوە گەیشتنە شوێنی چالاکیەکە، ژمارەی کوژرا و بریندارەکان پشتڕاست نەکرایەوە. یەکینەکانمان بە بێ زیان گەڕانەوە و لە شوێنی چالاکیەکە دوور کەوتنەوە.
لە 16ی ئەیلولدا لە گەڕەکی پێنجی نیسان لە ناوچەی باخلاری شاری ئامەد لە گروپێکی بازرگانی بە مادەی بێهۆشکەرەوە چالاکیەک ئەنجام درا و گروپەکە سزا درا.[1]