بنەڕەتو نامو (هەورامان - هۆرامان) ی
نویستەی: ڕەحیم حەمە عەلی عەلی
... جە هەورامانە نامەکە جەڕوەو فونەتیکیو ڕانویسیتەیەوە بەدوەی جۊر نام مەبریۊنەو مەنویستیۆن 1-جە شێوە گۆو لهۆنېیەنە مەوچیۆن (هۆرامان ) .2-جە تەختیو ژاوەرۆیەنە مەوچیۆن (هەورامان ) ئەر سەرنجە بدەیم پیتەو (ۆ) ی جەلهۆنېیەنە جەنامەکەنە هاموەرانوەرەن چەنی پیتەکانو (ەو) جە تەختیو ژاوەرۆینە ....چند نمونێوە چابارەو -- دۆش (لهۆنی ) ۆ = دەوش - ەو- (تەختیو ژاوەرۆیی ) ...پۆکەی -ۆ- (لهۆنی) = پەوکەی -ەو- (تەختی و ژاوەرۆیی ) -... کۆتەرە - ۆ- (لهۆنی) = کەوتەرە -ەو- ( تەختیو ژاوەرۆیی ) ... دۆرش -ۆ- (لهۆنی) = دەورش -ەو- (تەختیو ژاوەرۆیی) ... فیرعۆن (لهۆنی) =فیرعەون ( تەختی و ژاوەرۆیی) .... هۆلێر (لهۆنی) = هەولێر ( تەختی و ژاوەرۆیی) .....هۆر (لهۆنی) = هەور ( تەختیو ژاوەرۆیی) ... بەواتا پیتو دەنگدارو (ۆ) ی جەلهۆنېیەنە جیاتی پیتە دەنگدارەکانو ( ەو) یەن جە تەختیو ژاوەرۆیەنە ، ئینە یۆن جەجیاوازە وەرچەمەکانو میانو ئی دوە بندیالیکتە هەورامیانەن، ئیتر بە چندان نمونانانی چی جۊرەیەکە جاگە واڕای پیتە دەنگدارەکانەن (ڤاول) جە شێوە گۆکانو زوانو هەورامیەنە ، بە واتا هۆرامان یام هەورامان تەنیا جیاوازی شێوە گۆیشیی خوڵقنان نەک ئانە کە یۆشان ڕەسەن بۊنەو ئەوی تەرشان ناڕەسەن ........ کە وەختو وېش جەبارەو بابەتو دروسی یام نادروسی هەریۆ جە وچیەکانوو ( هۆرامان ) یام (هەورامان) یوە ، جە ڕۊنامەو ( هەورامان) یەنە کە جەخورماڵ بەرمەشنیا ، چند نویسەرەیەوە مشتوو مڕیەوە فرەشان جە چند ژمارانو ئا ڕۊنامەیەنە چابارەوە خوڵقنابێن، کە دماجاریچ و جەدما هەنگامەنە هیج کام نەیاوێ هیچ ئەمجامەیەوە یەکلاکەرەوە پەی ساق کەردەیەوەو هەریۆ جەشەیوە نامەکانو هەورامانی و هۆرامانی ... نە بنەڕەتو وچیەو نامۍ هەورامانیشان پەی ساقە بیەوە ، نە پەیشان یەکلایی کریاوە کە کام یۊ جە وچیەکانوا (هەورامان) و (هۆرامان) ی دروستەرەن ، ناهاگێ چانەیە کە جیاوازی میانو (هۆرامان ) و (هەورامان) ی تەنیا جیاوازیە و فونەتیکیو میانوو شێوە گۆکانو هەورامینو جاگە فاڕای پیتە ڤاوڵەکانو (ۆ) ی جە لهۆنېیەنەو پیتە ڤاوڵەکانو (ەو) ن جە تەختیوو ژاوەرۆیینە، کە ئی دیاردە هەر پاسە جەمیانوو پیتە ڤاوڵەکانو (ەی) جەتەختیو ژاوەرۆیینەو پیتو ڤاوڵو (ێ) ی جەلهۆنینە هەم وەرچەمەن ، چوون ... پەیم ( تەختی و ژاوەرۆیی) = پێم (لهۆنی) ....پەی کەی (ت ، ژ) =پێ کەی (ل) ....خەیر (ت، ژ) = خێر (ل) ....چەی دمای - چێ دمای ... هتد.... هەر پاسە بېیەی پیتو ڤاوڵو (ە) جە تەختیو و ژاوەرۆییەنەو نەبېیەیو لاشېیەی ڤاولو (ە) جە لهۆنینە، چوون.... پەنە (ت، ژ) = پنە ( ل) ..... چەنە (ت، ژ) = چنە (ل) .....خەیار (ت، ژ) = خیار (ل) ......هتد وەلێم جەبارەو (هور) یوە کەجە سەرەتاو نامە شێوە لهۆنیەکێ (هۆرامان) یوە مەوینیۆن بابزانمێن کە ئانە وەرگیروو (هور) یەن یام نەخەیر چیوەی تەرەن ؟ ( هور) پېسە وەڵگیریەوە کەوەرانوەرەن چەنی وەرگیرو (هەڵ) ی سۆرانی ملۆن سەرو هەرمانەکانو چەمەکانو وچیەیو وچیەیەوە (مجیایرە- داڕێژراو) مەسازنۆن، کە هاماژەن پەی هوربڕیاییو بەرزبېیەیەوەی ڕوەو لاو سەری، چوون....... (هورگېرتەی ، هوربڕیەی ، هوردارای ، هوردایوە ، هورماڵای ، هورزنای ، هورپاتەی ، هورئاردەی ، هورمتەی........هتد) ، لێ جە ئیسەتەنە (هور) کە جە میانو قسانو ڕوانەیەنە پەی هاسان واتەی سوویان بە (ور) . دەمگۆی ڕوانە دیارەن کە مەبەسم لەهجەو قسانو ڕوانەو عامەیەن ، پېسەو وەڵتەر واتمان کە (ۆ) لهۆنی هاموەرانوەرەن چەنی (ەوە) ی ژاوەرۆیی ، وە (هۆر) پېسە نامەیەوە پەی هەورو عاسمانی جە لهۆنینە وارانوەرەن چەنی (هەور) ی جە ژاوەرۆیینە ، وە (هۆر) پېسە وەرگیریەوەجە لهۆنی و ژاوەرۆیینە حەر بە هەمان شێوە و فۆڕمو (هۆر) ی مەنیوسیۆن، ئیسە بابزانمێن کە هەر یۊ جە وچیەکانو (هۆر) و (هەور) و وەرجە نامو (هۆرامان و هەورامان ) یەنە ئاخۆم وەرگیرەن یام نامەنە... 1- ئەر ئامیو (هۆر) ڤەهەردویشانە وەرگیر بېیەیە ، ئانە ئاوەختە جە هەردوی شیوەگۆکانو لهۆنیو ژاوەرۆیینە واڕیایش نەی ملەرەو هەر پېسەو وېش جەهەردویشانە (هۆر) و فورمو نویستەکەیش نەفاڕیەینە ، بەواتەو ئانەیە ئەر (هۆر) وەرگیر بېیایا ئانە جە هەردوی جەشەیوە گۆکانە بەیەک جۊر هەر مەواتشان ( هۆرامان) .....2- ئیسەتە کە مادام دوەی فۆڕمێ ( (هەورامان و هۆرامان) یمان هەنێن ، کەواتا مەشۆم یاگە واڕیای پیتە دەنگدارەکانبۊن میانوو (ۆ) شێوە لهۆنیو (ەو) ژاوەرۆییەنەو بە واتا (هۆر) جە شێوە لهۆنیەکەنە بە شێوەو وەرگیری نەبۊن بەڵکەم بە شێوەو نامو (هەور) و عاسمانیبۊن، پا سە کە شێوە گۆو لهۆنینە مەواچان (هۆر= ه+ۆ+ر) تەختیو ژاوەرۆیچنە مەواچان (هەور= ه+ ه و+ر) ..... ۆ (لهۆن) = ه و (ژاوەرۆ) .. ..کەواتا جە لهۆنیو ژاوەرۆیینە (هۆ) و ( هەور) ەنو هەردوی نامەنیو (هۆر) ی وەرگیرنېیەنو هەر یۊ جە ( هەورامان و هۆرامان) یانی ( هەور ئامان= هەورو عاسمانی ئامان) نەک ئانە کە (هۆرئامان= هەڵهاتوە ) یان گوایا هەرچیوەیەوە تەر بۊنە ، چېگەوەو بەپاو ئی بنەما ئیمیتیۆلوژیە ڕازوانیەیە ، خودو نهێنی نامو (هەورامان) ی وېش ئاشکارمەکەرۊنەو دماجار چی ڕاگەوە ماناو وېش پەیمان بەر مەوزۆن.[1]
Denna post har skrivits in (هەورامی) språk, klicka på ikonen
för att öppna objektet på originalspråket!
ئی بابەتۍ بە زۋانی (هەورامی) نۋیسیێنە، پەی ئەۋەکەرڎەی بابەتەکۍ بە زۋانېۋ کە نۋیسێنە، سەرو ئایکۆنو
ی کلیک کەرە!
Denna post har tittat 1,151 gånger
Skriv din kommentar om den här artikeln !