نامۊ بەرھەمی: تەختە
نامۊ نۋیسەری: #ئیدریس پیری#
یاگۊ چاپکەرڎەی: #سنە#
چاپخانە: ڕۆژهەڵات
دەزگاو ۋەلاکەرڎەی: انتشارات کوردستان
ساڵۊ چاپکەرڎەی: 2024ز
تەختە جە ئەڎا بی
کتێوەو تەختەی جە (1600) لاپەڕێنە، جە دوۍ بەرگێ سایزی وەزیرینە، جە سەرەو (وېیەردەی، ئوستوورەی، ئایین و فەلسەفەی، ئاسەوار و یاگەوارە کۆنەکا، جۆغرافیا، ڕەگەزنامە و دیوان و بەرهەمەو دەها زانا و ئەدیبەو دەگاو تەختەی)، جە چاپەمەنی ڕۊژهەڵاتی، جە شارەو سنەینە، بە زوانی کوردی زاراوەو سۆرانی چاپ کریا.
تەختە ئا بەرهەمەنە کە دەوروبەرەو (100) هەزار ئاسەوارێ وېیەردەینێ و یاگەوارێ دێرینێ و دەستنوویس و بەڵگەنامۍ و کەلەپورێ و بەرهەمەو زانایاو ئی نەتەوەیمە، جە سەڎان مۆزەیانە و ئەرشیڤیانە و دەسنووسیانە و کتێویانەکاو جەهانی و ئاسەوارەکاو لێ وڵاتیم، پەی نووسیەی و دەوڵەمەنتەر کەردەیش شەنوپۆ کەردێ.
تەختە پەی یۆوەم گلی مەلۆ قووڵایی جەهانوینی هەزاران ساڵەو کورداوە و تۊزەو وېیەردەی جە سەرەو فەلسەفە و ئایینی کوردی مەشۆروە، جەوهەرش مەکەرۊ بە ونیە تازێ و بە ڕەگەو ئوستوورە و خواوەندەکاو هۆرامانیرە مەبەخشۆش و زیندەشا مەکەروە، بە سەڎان ئاسەوار و یاگەوارێ دەیان هەزار ساڵەی تەختەی و هۆرامانی پەی یۆوەمین گلی مەوزۆ وەرەو دەسی و شیوەکەردەی، سەڎان دەسنووسێ نەوینیای و کەمتەر وینیای زانایاو تەختە و هۆرامانی ساقوە مەکەرۊ.
تەختە ئا بەرهەمەنە کە بە عەشقەو زیندەوەکەردەی و زیندەوەئاسەو وېیەردەی و ئەدەبی و کەلتوور و هونەر و قەڵەمەو زانایاو وېیەردەو تەختەی و هۆرامانی و کوردستانی، بە شانازیوە زیادتەر جە 5 ساڵێ عەمریم پەنەش بەخشی و شەونەوتەی و نووسیەی و پەیجورکاری و مانیایی نەبڕیاو ئی ڕا پەڕ جە مێهرێ، جە لاموە گران و قۆرسێ نەویێنی.
تەختە شانازی ئانەیەیش پەنە بەخشانی، کە بی بە قەترەیە جە ئۆقیانووسەو وېیەردەو هۆرامانی و دڵۆپیە جە دەریاو ئەدەبەو زانا کەڵسوارەکاو تەختەی و بروسکەیە جە ئاسمانەو مەعریفە و زانست و جەهانوینی کۆنەو کوردا.
تەختە جە ئیسەنە جە کتێورەشی چاپەمەنی کوردستانی انتشارات کوردستان، جە پاساژەو عێزەتی جە شارەو سنەی، هەن وەردەسەو شمە یار و یاوەرە وەشەسیایانە و جە ئیسەوە شانازی وەنەو مەردمەو هۆرامانی و کوردستانیش پەنە مەبەخشیەو.
شمارەو پەیوەندی دەستوسەو کتێوەو تەختەی جە لاو تیمەکاو کتێورەشی و چاپەمەنی ڕۊژهەڵات و کوردستانیوە.
ئیدریس پیری.[1]