[1]

بەبۆنەی جەژنی ڕەمەزانی پیرۆز، لە نامەیەکی پیرۆزباییدا ئوسامە نوجێفی سەرۆکی بەرەی ڕزگاری و گەشەپێدان پیرۆزبایی لە #کۆسرەت ڕەسول عەلی# سەرۆکی ئەنجومەنی باڵای سیاسی و بەرژەوەندی #یەکێتیی نیشتمانیی کوردستان# دەکات.
لە نامەکەیدا ئوسامە نوجێفی سەرەڕای پیرۆزبایی جەژنی ڕەمەزان هیوا دەخوازێ ئەم جەژنە ببێتە مایەی خێر و خۆشی بۆ هەمووان و وڵات بەرەو ئارامی و سەقامگیری لەپێناو ئایندەیەکی گەش هەنگاو بنێت. [1]

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

بە شکۆوە یادی 49 ساڵەی شەهیدانی بۆردومانەکەی #قەڵادزێ# و #زانکۆی سلێمانی# دەکەینەوە و سەری ڕێزمان بۆ قەڵادزێییە تێکۆشەرەکان دادەنەوێنین کە نموونەی خەبات و قوربانیدانن لەپێناو سەربەرزیی کوردستان.
قەڵادزێ و خەڵکە قارەمانەکەی لە مێژووی خەباتی گەلی کورددا، سیمبوولی تێکۆشان و بەگژداچوونەوەی زوڵم و ستەم بوون و بە خوێنی خۆیان کوردستانیان پاراستووە. بۆیە ئەرکی حکومەتە خزمەتەکانی بۆ ئەو شارە خۆشەویستە، بارتەقای ڕەنج و قوربانیدانەکانیان بێت.
دروود بۆ ڕۆحی شەهیدانی ئەو کارەساتە لەبیرنەکراوە و سڵاوی خۆڕاگری بۆ کەسوکارە سەربەرزەکەیان دەنێرین. #یەکێتیی نیشتمانیی کوردستان# ڕەنج و تێکۆشانی ئێوە لە یاد ناکات و بەرامبەر دڵسۆزیتان وەفادار دەبێت. [1]
نەمری بۆ شەهیدان و سەربەرزی بۆ کورد و کوردستان.

#بافڵ تاڵەبانی#
سەرۆکی یەکێتیی نیشتمانیی کوردستان
=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

لە یادی 49 ساڵەی بۆمبارانکردنی #زانکۆی سلێمانی# و شاری #قەڵادزێ#دا، بە شکۆوە یادی شەهیدان و قوربانییانی ئه و تاوانەی ڕژێمی پێشووی عێراق دەکەینەوە. سەری ڕێز و نەوازش لەبەردەم گیانی پاکیاندا دادەنوێنین و سڵاو بۆ خێزان و کەسوکاری سەربەرزیان دەنێرین.
بەئامانجگرتنی زانکۆی سلێمانی و شاری قەڵادزێ، هەوڵێکی نەزۆکی دیکەی ڕژێم بوو بۆ شکاندنی ئیرادەی خەڵک و بزووتنەوە ڕزگاریخوازیی کوردستان، بەڵام شەهیدکردنی قوتابیان و مامۆستایانی زانکۆ و خەڵکی سڤیلی قەڵادزێ، ورە و گوڕ و تینی زیاتری بە گیانی بەرەنگاربوونەوەی گەلی کوردستان بەخشی و لەسەر داوا ڕەواکانی و خەبات و تێکۆشان بۆ ئازادی بەگوڕتر بەردەوام بوو.
لەم یادەدا هەموو پشتیوانییەک بۆ داواکاریی خەڵکی نیشتمانپەروەری قەڵادزێ و #پشدەر# دووپات دەکەینەوە و دەبێ لە هەموو ڕوویەکەوە خزمەتی زیاتری ناوچەکە بکرێت. ناوچەی پشدەر هەمیشە قەڵایەکی شۆڕش و ڕاپەڕینەکانی کوردستان بووە و لەپێناو ئازادیدا خاوەنی زۆر شەهید و قوربانیی گەورەیە.
دروود بۆ گیانی پاکی شەهیدان و یادیان هەمیشە بە خێر بێت. [1]

#نێچیرڤان بارزانی#
سەرۆکی هەرێمی کوردستان
#24-04-2023#
=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

لە ساڵڤەگەری هەردوو کارەساتی بۆردومانکردنی شاری #قەڵادزێ# لە 1974 و گوللەبارانکردنی ڕاپەڕینی 1982، سەرۆکوەزیرانی هەرێمی کوردستان لە تویتێکدا دەڵێت: بە شکۆوە یادی شەهیدانی قەڵادزێ و سەرجەم شەهیدانی گەلی کوردستان دەکەینەوە.
#مەسرور بارزانی# سەبارەت بە شەهیدانی هەردوو کارەساتی بۆردومانکردنی شاری قەڵادزێ لە 1974 و گوللەبارانکردنی ڕاپەڕینی 1982 نووسیویەتی: هەمیشە لەیادمانن.
لە #24-04-1974#، ڕژێمی لەناوچوونی بەعس قەڵادزێ و #زانکۆی سلێمانی# لەو شارە بۆردومانکرد، لە ئەنجامدا 163 کەس شەهیدبوون کە نۆ کەسیان خوێندکاری زانکۆ بوون و نزیکەی 300 کەسیش برینداربوون.
لە ساڵی 1982 لەکاتی یادکردنەوەی 24ی نیسان و ئەو بۆردومانەدا، خەڵکی قەڵادزێ لە دژی ڕژێمی بەعس ڕاپەڕین و پیاوانی ڕژێم دەستڕێژی گوللەیان لێکردن، لە ئەنجامدا دوو کەس شەهیدبوون و پێنج کەسی دیکەش بریندار بوون. [1]

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

ڕۆژی دووشەممە #24-04-2023# #مەسعود بارزانی# لە ساڵیادی بۆمبارانکردنی شاری #قەڵادزێ# و #زانکۆی سلێمانی#، لە هەژماری فەرمی خۆی لە تویتەر پەیامێکی بڵاوکردەوە.

=KTML_Bold=دەقی پەیامی سەرۆک بارزانی؛=KTML_End=
لە ساڵیادی بۆمبارانکردنی شاری قەڵادزێ و زانکۆی سلێمانی لە #24-04-1974# سڵاو لە گیانی پاکی شەهیدانی ئەو کارەساتە و هەموو شەهیدانی کوردستان. ئەو کارەساتە زوڵمێکی گەورە و لاپەڕەیەکی تری دڕندەیی ڕژێمی بەعس بوو بەرانبەر گەلی کوردستان.
بەڵام هێز و ئیرادەی گەلی کوردستان لە فڕۆکە و ناپاڵم بەهێزتر بوو و دواجار ئیرادەی کوردستان بەسەر زوڵم و داگیرکاریدا سەرکەوت. [1]

=KTML_Bold=تێبینی: ئەم بەڵگەنامەیە کێشەی رێنووس و رێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=