[1]

(33) ساڵ لەمەوبەر لە ڕۆژی 12-12، حزبی زەحمەتکێشانی کوردستان لە ڕۆژگارە سەختەکانی خەبات، لە مەیدانی شۆڕش دامەزرا، (33) ساڵە سەرەڕای کەندوکۆسپەکانی سەر ڕێگا٬ پابەند بە بنەما چەسپاوە دیموکراسی و نەتەوەیی و نیشتمانییەکان. حزبی زەحمەتکێشانی کوردستان لە پێناو ئازادی و یەکسانی و بەدیهێنانی مافەکانی خەڵکی کوردستان بێ وچان پەرە بە تێکۆشان دەدا. لەو ڕۆژە مێژووییەدا، سڵاوی ئەمەکداری بۆ هاوڕێ شەهیدەکانمان کە گیانی خۆیان بە گەل و نیشتمان بەخشی٬ سڵاو بۆ خانەوادەی سەربەرزی شەهیدانی کوردستان، سڵاو بۆ خەڵکی کوردستان ٬ سڵاو بۆ خۆڕاگری کادیر و ئەندامانی حزبەکەمان کە خۆنەویستانە درێژە بە تێکۆشان دەدەن.
ئێستا کە بەشکۆوە ئەم یادە دەکەینەوە٬ لە ڕووی سیاسی کوردستان بە دۆخێکی جیاواز لە ساڵی ڕابردوو گوزەر دەکا ٬ ئەگەرچی زۆر دەرفەت لە دەست دراوە ٬ زۆر کات بە هەدەر دراوە٬ بەڵام بە هۆی خاوبوونەوەی ململانێی سیاسی نێوان هەرێم و بەغدا لە لایەک و لە نێوەخۆی هەرێم لە لایەکی دیکە زەمینە بۆ دەستپێکی قۆناغێکی نوێ لەبارە.
- لە ئاستی کوردستان:
حزبی زەحمەتکێشانی کوردستان هەبوونی گەڵاڵەنامەکی نیشتمانی هاوبەش لە نێوان لایەنە سیاسییەکان و پێکهێنانی کابینەی نۆیەم بە پێویستیەکی هەنووکەیی دەزانێ٬ کە شەفافیەت ٬ چاکسازی ٬ عەدالەتی کۆمەلایەتی ٬ باشکردنی ژیان وگوزەرانی هاوڵاتیان و نەهێشتنی بێکاری لە ئەولەویاتی کارەکانی دابنێ.
- لە ئاستی عێراق:
دەبێ کێبڕکێ لە سەر وەرگرتنی پۆست و ئیمتیازاتی حزبی لە بەغدا بە لاوە بنرێ لە جێگەی ئەوە پێویستە لە سەر دەستەبەرکردنی مافە دەستووریەکانی خەڵک و هەرێمی کوردستان کێبڕکێ بکرێ ٬ هاوکات پێویستە فراکسیۆنە کوردستانیەکان لە پەرلەمانی عێراق پێکەوە کار بکەن بۆ کۆتایی هێنان بە دۆخی داسەپاو بە سەر شاری #کەرکووک# و هەموو ناوچە کوردستانیەکان.
- لە ئاستی کوردستانی:
حزبی زەحمەتکێشانی کوردستان لە هەڵسەنگاندنی واقیعی ناوچەکە و دۆخی بەشەکانی کوردستان ڕاستییەک هەڵدەهێنجێ ٬ کە هەم بۆ چەسپاندنی مافە نەتەوەییەکانمان و هەم بۆ بەرەنگاربونەوەی پیلانگێری داگیرکەرانی کوردستان لە ئێستا پێویستمان بە دیالۆگی کوردستانی و هاریکاری نێوان حزبە کوردستانیەکان و پرۆژەی کاری هاوبەشی نەتەوەیی هەیە.
- لە ئاستی خەباتی چینایەتی:
حزبی زەحمەتکێشانی کوردستان لە سۆنگەی پێویستی بەرەو پێشبردنی خەباتی چینایەتی و بەهێزکردنی پێگەی چەپ لە کوردستان و داکۆکی کردن لە ماف و داخوازیەکانی کرێکاران و زەحمەتکێشان ٬ پێشوازی لە میکانیزمێکی کارای کاری هاوبەشی چەپەکان دەکات.
هاوکات لە گەڵ ئەم یادەدا٬ لە (10) ی کانوونی یەکەم٬ جیهان بە شکۆوە یادی (70) ساڵەی جاڕی گەردوونی مافەکانی مرۆڤ دەکاتەوە٬ حزبی زەحمەتکێشانی کوردستان لەو بۆنە مرۆڤایەتیەدا جەخت دەکات لە چەسپاندنی بنەماکانی مافی مرۆڤ و نەهێشتنی جیاکاری و توندوتیژی دژ بە ژنان و هەموو شێوەکانی چەوساندنەوەی مرۆڤ لە لایەن مرۆڤەوە.
هەر شەکاوەبێ ئاڵای حزبی زەحمەتکێشانی کوردستان لە یادی (33) ساڵەی دامەزراندنی دا.
مەکتەبی سیاسیی
حزبی زەحمەتکێشانی کوردستان
#10-12-2018#

دەقی پیرۆزباییەکەی #بافڵ تاڵەبانی#:
بەڕێز کاک بەڵێن عەبدوڵا، سکرتێری حزبی زەحمەتکێشانی کوردستان
بەڕێزان سەرکردایەتی، ئەندام و لایەنگرانی حزبی زەحمەتکێشانی کوردستان
بەبۆنەی سەرکەوتنی یازدەهەمین کۆنگرەی حزبی زەحمەتکێشانی کوردستان و هەڵبژاردنەوەی بەڕێزتان وەک سکرتێری حزب و هەڵبژاردنی ئەندامانی ئەنجوومەنی گشتی، پیرۆزباییەکی گەرمتان لێدەکەم و هیوای سەرکەوتنتان بۆ دەخوازم.
حزبی زەحمەتکێشانی کوردستان لەمێژووی خەباتی گەلەکەماندا ڕۆڵێکی گرنگی هەبووە و خاوەنی ڕابردوویەکی پڕ لە شانازییە. هەر بۆیە هیوادارین لەم وێستگە نوێیەی خەباتیشدا پێکەوە هەوڵەکانمان لەپێناو بەهێزترکردنی قەوارەی هەرێم و چارەسەرکردنی کێشەکان یەکبخەین و خزمەتی زیاتری خەڵکی خۆشەویستی کوردستان بکەین.
هەر شاد و سەرفرازبن
دڵسۆزتان
بافڵ جەلال تاڵەبانی
9ی ئاداری 2022[1]


⚠️ تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

دەقی پەیامەکەی مەکتەبی سیاسیی #یەکێتیی نیشتمانیی کوردستان#:
بەرێزان سکرتێر و ئەندامانی مەکتەبی سیاسی و ئەنجوومەنی گشتی #حیزبی زەحمەتکێشانی کوردستان#
لە یادی (37)ساڵەی دامەزراندنی حزبە تێکۆشەرەکەتان، حزبی زەحمەتکێشانی کوردستان، گەرمترین پیرۆزبایتان ئاراستە دەکەین،لەرێگەی ئێوەشەوە پیرۆزبایی لەئەندامان و کادرانتان دەکەین، هیوای بەردەوامی و سەرکەوتنتان بۆ دەخوازین لەکاروانی خەباتی نیشتیمانی و نەتەوەیتان.
یەکێتیی نیشتمانیی کوردستان و حزبی زەحمەتکێشانی کوردستان لە ڕابردوو لە چەندین وێستگەی خەباتدا هاوهەڵوێست و هاوپەیمان بوون ، هەمیشە لەبەرەی خەباتی پێکەویی بوون لە پێیناو بەدەستهێنانی مافەکانی گەلەکەمان و سەرخستنی دۆزە ڕەواکەی.
لەهەلومەرجی تازەی خەبات و تێکۆشاندا جەختدەکەینەوە لەپەرەپێدانی پەیوەندی پتەوی لەمێژینەی دۆستانەمان لەگەڵ حزبە تێکۆشەرەکەتان و گشت لایەنە سیاسییەکانی تری کوردستان، بەئامانجی قووڵکردنەوەی تەبایی و پێکەوەیی و خەباتی هاوبەشمان بۆ بەرژەوەندی گەلی کوردستان.
جارێکی تر یادی دامەزراندنی حزبی زەحمەتکێشانی کوردستان پیرۆزبێت و هەمیشە سەرکەوتوو سەرفرازبن. [1]
مەکتەبی سیاسی
یەکێتیی نیشتمانیی کوردستان

=KTML_Bold=تێبینی: ئەم بەڵگەنامەیە کێشەی ڕێنووس و ڕێزمانیی هەیە، کوردیپێدیا بەمەبەست هیچ دەستکارییەکی نەکردووە!=KTML_End=

دەقی پەیامەکەی کۆسرەت ڕەسوڵ:
کۆسرەت ڕەسول پیرۆزبایی لە حزبی زەحمەتکێشانی کوردستان دەکات
بەڕێز: کاک بەڵێن عەبدوڵا- سکرتێری حزبی زەحمەتکێشانی کوردستان
بەڕێزان: ئەندامانی مەکتەبی سیاسی و سەرکردایەتی
(37)ەمین ساڵیادی دامەزراندنی حزبی زەحمەتکێشانی کوردستان لەئێوەو هەڤاڵانی مەکتەبی سیاسی و سەرکردایەتی پیرۆز دەکەم و هیواخوازم لەپێشکەوتنی بەردەوامدا بن.
حزبی زەحمەتکێشانی کوردستان وەک پارتێکی کوردستانی لە سەردەمی شۆڕش و خەبات لە بەرامبەر زوڵم و زۆرییەکانی بەعس، لە شاخەکانی کوردستانەوە هاوشانی هێزو لایەنە کوردستانییەکانی تر ڕۆڵیان هەبوو لە بەرەنگاربوونەوەی بەعس و ئازادکردنی کوردستان، لەدوای ڕاپەڕینیش وەک هێزێکی کوردستانی هەمیشە ڕۆڵی گرنگی هەبووەو بەشێکی سەرەکی بووە لەنێو کایەی سیاسیدا.
ئەم یادەتان بە دەرفەت دەزانم وێڕای دووبارە پیرۆزباییم جەخت لە پەیوەندی دوور و قووڵی نێوانمان بکەمەوە، هیواخوازم هەموو هێزو لایەنە سیاسییەکان بەرەچاوکردنی دۆخی ئێستای کوردستان و عێراق و لەبەرچاوگرتنی بەرژەوەندییەکانی گەلەکەمان هەنگاو بنێن بۆ چارەسەری بنەڕەتی کێشەکان و وەلانانی کێشەو ململانێکان.
کۆسرەت ڕەسول عەلی
سەرۆکی ئەنجومەنی باڵای سیاسی و بەرژەوەندی
#یەکێتیی نیشتمانیی کوردستان#[1]

تێبینی: ئەم بابەتە بە ڕێنووسی سەرچاوەی ئاماژە پێکراو نووسراوە، کوردیپێدیا هیچ دەستکارییەکی نەکردووە!

حکومەتی تورکیا بەفەرمانی ئاکپارتی و سەرۆکایەتی ڕەجەب تەیب ئەردۆغان، هەڵمەتی ڕەشبگیری لە باکوری کوردستان دەستپێکردوە، دوور لەهەموو یاسا و ڕێسایەکی نێودەوڵەتی و کاری پەرلەمانی و چوارچێوەی دامەزراوەی یاسا و دەوڵەتداری، هەر دوو هاوسەرۆکان (فیگەن یوکسەکداغ و سەڵاحەدین دەمیرتاش) ی پارتی دیموکراسی گەلان(هەدەپە)ی دەستگیرکرد. بەم سیاسەتە حکومەتی ئاکەیە دژی دیموکراسی و پێکەوەژیان و ئاشتی دەوەستێتەوە.. گەلی کورد قبوڵ ناکات، بۆیە ئێمە لەحزبی زەحمەتکێشانی کوردستان زۆر بەتوندی ئیدانەی ئەم سیاسەتە دەکەین و داوا دەکەین هەرچی زووە دەسەڵاتدارانی حکومەتی تورکیا لەم سیاسەتە چەوتە دووربکەونەوە و پەندێک لەمێژوو وەربگرن.
ئەنجومەنی کارگێری حزبی زەحمەتکێشانی کوردستان
هەولێر 04-11-2016

جەماوەری کوردستان


مامۆستایان و فەرمانبەران
دوای چاوەڕوانیەکی زۆر بۆ هەڵگرتنی سیستەمی پاشەکەوتی داسەپاوی مووچە، بەڵام تا ئێستا حکومەتی هەرێم نە ئامادەیە بە ئاراستەی چاکسازی ڕیشەیی وبنبڕکردنی گەندەڵی هەنگاو بنێ، نە ئامادەشە مافی زەوتکراوی فەرمانبەران بۆ ئەو چین و توێژانە بگەڕێنێتەوە، هەر بۆیە حزبی زەحمەتکێشانی کوردستان پشتیوانی لە ناڕەزایی و داخوازیەکانی مامۆستایان وفەرمانبەران و خەڵکی ناڕازی دەکا دژ بە بێباکی و ئەو خەمساردیەی حکومەتی هەرێم.
هەر لێرەشدا داوا لە دەزگا ئەمنیەکانی حکومەتی هەرێمی کوردستان دەکەین، خۆیان بەدووربگرن لە ئەنجامدانی توونوتیژی لەگەڵ گردبوونەوەکان و خەڵکی ناڕازی، هەروەها نەبنە هۆکاری زەوتکردنی ئەو مافە مەدەنیانەی کە چین و توێژەکانی کوردستان پیادەی دەکەن لە گردبوونەوە و خۆپیشاندان.
حزبی زەحمەتکێشانی کوردستان لە سۆنگە باوەڕی بە خەباتی مەدەنی و دیموکراسی، داوا لە تەواوی چین و توێژەکانی کوردستان دەکات کە برەو بەو خەباتە مەدەنیە بدەن و بە شێوازی مەدەنیانە داخوازیەکانیان بخەنەڕوو، تا ئەو کاتەی دەسەڵات ناچار دەبێت تەواوی داخوازیە ڕەواکانیان جێبەجێ بکات.
مەکتەبی سیاسی

حزبی زەحمەتکێشانی کوردستان
#25-03-2018#

ناونیشانی پەڕتووک: حزبی زەحمەتکێشانی کوردستان مێژوویێک لە خۆڕاگری 1976-1991
ناوی نووسەر: #ئاکۆ ئاکۆیی#
چاپخانە: هێڤی
ساڵی چاپ: 2022
ژمارەی چاپ: چاپی یەکەم [1]

"لە ماڵپەری‌ (خەندان) ی‌ خۆشەویست و لەهەندێک ماڵپەری‌ تریش کەسێک بە ناوی 300 کەس ڕاگەیاندنێکی بڵاوکردووەتەوە گوایە ئەوان کادیری حزبی زەحمەتکێشانی کوردستانن وازیان لە حزب هێناوە، ئێمە لە کۆمیتەی پارێزگای سلێمانی حزبی زەحمەتکێشان تێکڕای ئەو زانیاریانە ڕەتدەکەینەوە، کە لە ڕاستیدا ئەوەکەسە کە ناوی (هونەر کەریم)ە پۆلیس بووە لە بەرێوەبەرایەتی پۆلیسی پاسەوانیەکان لە سەر میلاکی حزبمان، بەڵام بەهۆی پابەندنەبوونی بە ئەرکی پۆلیسی بەتیایبەت ئەو ئەرکەی لە بەرەکانی جەنگی داعش بە هاوڕێیانی ئێمە سپێردراوە لە ڕیزەکانی حزب دەرکراوە، وە ڕاژەی پۆلیسی گوستراوەتەوە سەر بەرێوەبەرایەتی پۆلیسی پاسەوانیەکان لە سلێمانی بەدەر لەوە هیچ کێشەیەکی‌ تری لەگەڵ حزب نەبووە."

کۆمیتەی پارێزگای سلێمانی حزبی زەحمەتکێشان
05-12-2014

جەماوەری خۆڕاگری کوردستان...
رۆژی 30-06-2013 پەرلەمانی کوردستان پڕۆژەیاسایەکی بۆ درێژکردنەوەی ماوەی خولی پەرلەمان و سەرۆکایەتی هەرێم خستە بەرنامەی کاری دانیشتنی خۆی، دوای ئەوەی خوێندنەوەی یەکەم بۆ پڕۆژەکان کرا، لەلایەن فراکسیۆنەکانی (گۆڕان، یەکگرتوو، کۆمەڵی ئیسلامی) نەک هەر ڕەتکرانەوە، بەڵکو شەڕەقسە و جنێویشی بەدواداهات، پاشان پەرلەمان بە زۆرینەی دەنگ پڕۆژەکەی پەسەند کرد. هەرچەندە خەڵکی کوردستان و لایەنە سیاسییەکان چاوەڕوان بوون پرسەکانی (دەستوور و هەڵبژاردنەکانی سەرۆکی هەرێم، پەرلەمان و ئەنجوومەنی پارێزگاکان) لە ڕێگەی سازان و ڕێککەوتنی سیاسی و دۆزینەوەی ڕێگاچارەی یاسایی یەکلایی بکرێنەوە و چارەسەر بکرێن، بەڵام ئەوە نەکرا و ئەو دۆخە نەخوازراوەی بەدوای خۆیدا هێنا کە بینیمان.
ئێمە لە حزبی زەحمەتکێشانی کوردستان هەر زوو مەترسییەکانی ئەو دۆخەمان لەسەر ئەو پرسانە بۆ ڕای گشتی و هەموو لایەنەکان ڕاگەیاندبوو، بە ڕاشکاویش گوتبوومان کە دەبێ بڕیاردان لە پڕۆژەی دەستوور و سازدانی هەڵبژاردنەکان زیاتر ماڵی کوردی یەکبخات و گونجانی کۆمەڵایەتی قووڵتر بکاتەوە، هەروەها ڕێگاچارەکانیشمان بۆ هەموو پرسەکان خستبووە ڕوو، کەچی بەداخەوە ئەو بۆچوونە عەقڵانی و نیشتمانیەی ئێمە بەهەند وەرنەگیرا و بەرژەوەندی حزبی بەسەر بەرژەوەندی گشتی زاڵکرا. لێرەدا جارێکی دیکە دووپاتی دەکەینەوە کە نابێ بە ناوی زۆرینە مەسەلەیەکی وا هەستیار تێپەڕێنرێت، هەروەها ناشبێ کەمینە به و شێوازەی بەرژەوەندی خۆی تێدایە، هەڵسوکەوت بکات.
له و سۆنگەیەوە جارێکی دیکەش داوا دەکەین، بە دوور لەم گیان و ڕوحیەتەی دەسەڵات و ئۆپۆزسیۆن، بۆ سازانی نیشتمانی بگەڕێنەوە و پرسەکانی دەستوور و هەڵبژاردنەکانی سەرۆکی هەرێم و پەرلەمان و ئەنجوومەنی پارێزگاکان چارەسەر بکەن. هەروەک بەبێ موزایەدە و بانگەشەی سیاسی و وروژاندنی هەستی جەماوەر، گوێ لە زمانی عەقڵ بگرین و لە چوارچێوەی وتووێژێکی بنیاتنەر و ڕاستەوخۆ و شەفافدا کێشەکان تاوتوێ و چارەسەر بکەین. هەر ئەمەش لە بەرژەوەندی خەڵکی کوردستانە و خزمەتیش بە هەمووان دەکات. داواکاریشین هەرچی زووە ئەو دۆخە نالەبار و گرژەی هەیە بڕەوێنرێتەوە و دۆخەکە ئاسایی بکرێتەوە، له و پێناوەشدا حزبی زەحمەتکێشانی کوردستان هەموو تواناکانی دەخاتەگەڕ...
کۆمیتەی ناوەندی
حزبی زەحمەتکێشانی کوردستان
01-07-2013