بەیاننامەی لیژنەی داکۆکی لە ئازادی ڕۆژانامەنوسی و مافی ڕۆژنامەنوسان تایبەت بە دەستگیرکردن و هێرش و سوکایەتی بۆ سەر پۆلێک ڕۆژنامەنوسی کورد لە شاری #کەرکووک#
لەگەڵ ئەوەی لەم ساڵدا سەندیکای ڕۆژنامەنوسانی کوردستان تەواوی هەوڵەکانی خۆی خستە کار بۆ هەمەهانگی و لێک تێگەیشتن لەگەڵ لایەنە پەیوەندیدارەکان لە شاری کەرکووک، تا ئەو ڕادەی نەقیبی سەندیکای ڕۆژنامەنوسانی کوردستان نامەیەکی ئاراستەی سەرۆک وەزیرانی ئێستای عێراق بەڕێز'مستەفا کازمی' کرد تاکو بە لێک تێگەیشتن و بەشێوەیەکی یاسایی کۆتایی بەم ڕەفتارە ناتەندروست و نابەرپرسانەی هێزو گروپە چەکدارەکان بەرامبەر ڕۆژنامەنوسانی چارەسەر بهێنرێت.بەڵام بەداخەوە ئەمڕۆ بەرواری #02-08-2020# بە مەبەستی ڕوماڵکردنی کێشەی نێوان کوردە دانیشتوانەکانی هەندێک ناوچەی سەربەشاری کەرکووک و عەرەبە هاوردەکان، لەلایەن هێزەکانی فیدڕاڵەوە هێرش دەکرێتە سەرتەواوی تیمی کەناڵە کوردیەکان، ژمارەیەکیان لێ دەسگیردەکرێت و کەلوپەلی ڕۆژنامەنوسیەکانیان دەشکێنرێت و دەستیان بەسەردا دەگیرێت. جگە لەوەی ڕێگری تەواوی ڕوماڵەکەیان لێدەکرێت.ئێمە لە لیژنەی داکۆکی لە ئازادی ڕۆژنامەنوسی مافی ڕۆژنامەنوسان تەواوی ئەم کارانە سەرکۆنەدەکەین و بەکارێکی نایاسایی و دوژمانەیەتی و ململانێی نەتەوەیی دەزانین و پێچەوانەی ئەو پلان و ئەجندای کارەیە کە ئێستا سەرۆک وەزیرانی نوی عێراقی بانگەشەی بۆ دەکات بۆ بونیات نانی عێراقێکی دیموکراسی و پێکەوەژیان. لەهەمان کاتدا گیان و سەلامەتی ڕۆژنامەنوسە دەستگیرکراوەکان دەخەینە ئەستۆی حکومەتی عێراقی و قەرەبووی ئەو هێرش وسوکایەتی و کەلوپەل شکاندنەشە لە حکومەتی عیراقی و هێزەکانی فیدراڵ داوادەکەین.داواکارین سەندیکای ڕۆژنامەنوسانی عێراقیش بەئەرکی یاسایی و پیشەیی خۆی هەستێت و ئەوجۆرە کارانە قبوڵ نەکات.
لیژنەی داکۆکی لە ئازادی ڕۆژانامەنوسی و مافی ڕۆژنامەنوسان
سەندیکای ڕۆژنامەنوسانی کوردستان
#هەولێر# 2-8-2020
Denna post har skrivits in (کوردیی ناوەڕاست) språk, klicka på ikonen
för att öppna objektet på originalspråket!
ئەم بابەتە بەزمانی (کوردیی ناوەڕاست) نووسراوە، کلیک لە ئایکۆنی
بکە بۆ کردنەوەی بابەتەکە بەو زمانەی کە پێی نووسراوە!
Denna post har tittat 2,232 gånger