بەبۆنەی شەهیدبوونی ڕۆژنامەنووسی کەناڵی #ڕووداو# خاتوو #شیفا گەردی# لەبەرەکانی شەڕ.. بۆ پاڵپشتی و بۆ ئەوەی چرای ژیانی ئەو ڕۆژنامەنووسە شەهیدە نەکوژێتەوە.. تاوەکو تیرۆرستان وانەزانن کە زەفەریان بە خوێنی ڕۆژنامەنووسان بردوە.. بۆ ئەوەی چرای ڕووناکی و ڕۆشنبیری و میدیایی لە کوردستان بەردەوام بێت..
تا نەفرەت بکەین لە تیرۆرو تیرۆریزم و تاریکپەرستانی #داعش#..
سەعات 8 ی هەشتی ئەمشەو25-02-2017 ژمارەیەک لە ڕۆژنامەنووسانی سلێمانی دەچینە بەردەم نووسینگەی کەناڵی ڕوداو لە سلێمانی.. هەریەکەمان مۆمێک یان ڕووناکی مۆبایلەکانمان دادەگیرسێنین وەک پاڵپشتی و ڕێزلێنان بۆ خوێنی ژنەشەهیدێکی ڕۆژنامەنووس..
هاتنتان مایەی وەفایە بۆ کوردستان وخوێنی ڕۆژنامونووسانی شەهید
نەمری بۆ شەهیدان
روورەشی بۆ تاریکپەرستان
#کاروان ئەنوەر#
سکرتێری لقی سلێمانی #سەندیکای ڕۆژنامەنووسانی کوردستان#
25-02-2017

زۆر بەداخەوە بیستمان کە #شیفا گەردی#، ڕاگەیەندکاری لاو و بوێر و سەرکەوتووی تۆڕی میدیایی ڕووداو لە کاتی ڕووماڵکردنی هەواڵەکانی پڕۆسەی ڕزگاریی موسڵ‌دا بەهۆی تەقینەوەی مینێکی چێندراوی داعش شەهید بوو.
هەواڵی شەهیدبوونی شیفا گەردی هەموومانی خەمبار و دڵ‌بریندار کرد. ئەو لە کاتی گواستنەوەی هەواڵی سەرکەوتنەکانی هێزی پێشمەرگەی کوردستان بە دژی داگیرکەرانی کوردستان و، لە پێناو ئازادی، ئەمنیەت و ڕزگاریی نەتەوەکەی‌دا گیانی دانا.
ئێمە شەهیدبوونی شیفا گەردی بە خەمێکی گەورە و هاوبەش بۆ هەموو میدیای کوردیی دەزانین و پرسە و سەرەخۆشیی خۆمان بەو بۆنەیە ئاراستەی بنەماڵە و کەسوکاری شەهید شیفا گەردی، تۆڕی میدیایی ڕووداو و خۆمان و هاورێ و هاوکارەکانی دەکەین. هاوکات هیوادارین یونس مستەفا، ڕاگەیەندکاری دیکەی تۆڕی میدیایی ڕووداو کە لەو ڕووداوەدا بریندار بووە، بەزوویی ساغی و سڵامەتیی خۆی وەدەست بێنێتەوە.
ناوەندی ڕاگەیاندنی #حیزبی دێموکڕاتی کوردستان#
ئێوارەی شەممە، 25ی فێورییەی 2017ی زایینی
25-02-2017

لە ساڵی 1987 لە ئاوارەیی لە ڕۆژهەڵاتی کوردستان لە خێزانێکی پێشمەرگە لەدایک بووە. لە ساڵی 2005 ەوە هاتۆتە نێو بواری ڕاگەیاندنەوە، سەرەتا لەرادیۆی زاگرۆس وەک بێژەری هەواڵەکان کاری کردووە و دواتر چووەتە تەلەڤیزیۆنی زاگرۆس، بەشی هەواڵەکان. لەپاڵ ئەمەشدا مامۆستای وانەی کۆمپیوتەرە.
تا ساڵی 2010 لە تەلەڤزیۆنی زاگرۆس کاری کردووە، دواتر چٶتە تۆری میدیای #ڕووداو#و ئێستا وەکوو ئەنکەری هەواڵەکان و پێشکەشکاری بەرنامەی نوورۆژ کار دەکات
بڕوانامەی دیبلۆمی هەیە لە کۆمپیوتەر، وە بەکالۆریۆس لە بواری ڕاگەیاندن.
سالی 2009 یەکێک بووە لە ئەندامانی تیمی ڕۆژنامەی #میترۆ# کە تایبەت بە هەلبژاردنەکانی ئێراق، لەلایەن ڕێکخراوی (IWPR) ەوە کۆمەکی دارایی دەکرا.[1]
شیفا پاشتر بووە ڕاگەیاندکار لە کەناڵی ڕووداو و بەڕێوەبەری بەشی ئاوتپووتی ئەو کەناڵەبوو. ڕۆژی #25-02-2017# لە بەرەکانی شەڕ لە #موسڵ# بەهۆی #مین#ێکی #داعش#ەوە گیانی لەدەست دا.[2]