31 شەڕڤانێن یەپەگە، کو خەڵکێ باژێڕێ قامشلو یا ڕۆژئاڤایێ کوردستانێ بوون، ل شەڕێن تەل بەراک و تەل حەمسدا شەهید بوون و گیانێ خوە کرە قوربانی ژبو پاراستنا خاکا ڕۆژئاڤایێ کوردستانێ ل ساڵا 2014.[1]

ئەمڕۆ شەممە 3ی شوبات، یەکینەکانی پاراستنی گەل و سوپای تورکیا نوێترین ئاماری شەڕ و پێکدادانەکانی شاری #عەفرین# و سوپای تورکیایان بڵاوکردەوە. بەپێی ئامارەکانی #یەپەگە# لەماوەی شەش ڕۆژدا 473 سەربازی تورکیا و چەکدارە هاوپەیمانەکانی کوژراون، بەپێی ئامارەکانی سوپای تورکیاش لەماوەی 15 ڕۆژی ڕابردودا 897 شەڕڤانی یەپەگە کوژراون.
هاوکات تەندروستیی عەفرین ئەمڕۆ ئامارێکی بڵاوکردووەتەوە کە تێیدا ڕایگەیاندووە، لەماوەی 15 ڕۆژدا بەهۆی شەڕ و پێکدادانەکانەوە 150 کەسی سڤیل گیانیان لەدەستداوە.
دەقی ئامارەکان بەمشێوەیەی خوارەوەن:
ئامارەکانی هەسەدە لە 26ی کانونی دووەمی 2018 بۆ 1ی شوباتی 2018:
473 سەربازی تورکیا و چەکدارە هاوپەیمانەکانی کوژراون.
تورکیا 1893 مووشەک و چەکی قورسی جۆراوجۆری بەکارهێناوە.
هێلیکۆپتەری جۆری کۆبرا 15 هێرشیانکردووە.
- 250 جار ڕووبەڕووبوونەوە ڕوویداوە.
32 تەرمی هێرشکاران بەجێماون.
460 هێرشی ئاسمانیی ئەنجامدراون.
فڕۆکەیەکی چاودێریی خراوەتەخوارەوە.
34 شەڕڤان گیانیان لەدەستداوە.
30 کەسی سڤیل کوژراون.
شەڕڤانێک دەستگیرکراوە.
- 25 تانک تێکشکێنراون.
ئاماری بڵاوکراوەی 15 ڕۆژی چالاکییەکانی سوپای تورکیا لە عەفرین:
- 897 شەڕڤانی یەپەگە کوژراون
- 17 شەڕڤانی یەپەگە بەدیلگیراون
- 9 شەڕڤانی یەپەگە دادگاییکراون
- شاخێک گەمارۆدراوە
- 498 پێگە و حەشارگە کراونەتە ئامانج
- 7 کەسی سڤیل گیانیان لەدەستداوە
- 43 کەس برینداربوون
- 42 خانوو، باڵەخانە، مزگەوت و دوکان زیانیان بەرکەوتووە
- 87 مووشەک لە عەفرینەوە هەڵدراوەتە شارەکانی کلیس و هاتای
- 28 پێگە، 24 گوند، 7 ناوچەی نیشتەجێبوون، 27 خاڵ کۆنترۆڵکراون
ئاماری تەندروستیی عەفرین لە 3ی شوباتی 2018 کە تایبەتە بە قوربانییانی سڤیل
- لەماوەی 15 ڕۆژدا 150 کەسی سڤیل گیانیان لەدەستداوە.
- 298 کەس بریندار بوون.
- لەنێو قوربانیاندا منداڵ، ژن و کەسانی بەساڵاچوو هەن.[1]
#03-02-2018#

هێمن عەساف
سەرۆککۆماری تورکیا دوای کۆبوونەوەی لەگەڵ سەرۆکی ئێران، ڕایگەیاند لە پرسی بەرەنگاربوونەوەی تیرۆر، پێداگیرییان لە پشتیووانیی زیاتری ئێران کردووە، هەروەها جەختیان لە پەرەپێدانی زیاتری هاوکاری و هاوئاهەنگی لە پرسی بەرەنگاربوونەوەی هاوبەشی دژ بە پەکەکە، پەیەدە، یەپەگە و پژاک کردووە.
ئێوارەی ئەمڕۆ (چوارشەممە، 24-01-2024) ڕەجەب تەیب ئەردۆغان، سەرۆککۆماری تورکیا و ئیبراهیم ڕەئیسی سەرۆککۆماری ئێران دوای کۆبوونەوەی دوو قۆڵی و سەرۆکایەتیکردنی کۆبوونەوەی شاندە هاوبەشەکەی نێوانیان، کۆنگرەیەکی ڕۆژنامەڤانییان کرد.
ڕەجەب تەیب ئەردۆغان لە دەسپێکی قسەکانیدا ئاماژەی بە تەقینەوەکانی شاری کرمان کرد، کە ڕۆژی سێی ئەم مانگە لە نزیک گۆڕی قاسم سلێمانی ڕوویاندا وم وتی تورکیا لەپاڵ ئێرانە لە خەباتی بەرەنگاربوونەوەی دژی تیرۆر.
ئەردۆغان باسی لەوەکرد، بایەخ بە پەیوەندییەکانیان لەگەڵ ئێرانی دراوسێ و دۆست دەدەن لەسەر بنەمای متمانە و بەرژەوەندی قوڵی هاوبەش. جەختی لەوەشکردەوە کە ئەو بڕیارانەی لە کۆبوونەوە هاوبەشەکانیاندا داویانە، تەنیا لە بەرژەوەندیی هەردوو وڵات نابێت، بەڵکوو بۆ سەقامگیری و خۆشگوزەرانی ناوچەکەش گرنگە.
سەرۆککۆماری تورکیا وتی لە پرسی بەرەنگاربوونەوەی تیرۆردا، پێداگریمان لە پشتیووانیی زیاتری ئێرانی دراوسێمان کرد. جەختمان لە پەرەپێدانی زیاتری هاوکاری و هاوئاهەنگییەکانمان کرد لە پرسی بەرەنگاربوونەوەی هاوبەش دژی پەکەکە، پەیەدە، یەپەگە و پژاک، کە ئاساییش و سەقامگیریی ناوچەکەمانیان کردووەتە ئامانج.
قەبارەی ئاڵوگۆڕی بازرگانیی نێوان تورکیا و ئێران پرسێکی دیکەی دیداری ڕەئیسی -ئەردۆغان بوو.
ئەردۆغان لە کۆنگرە ڕۆژنامەڤانییەکەدا، وتی قەبارەی ئاڵوگۆڕی بازرگانیمان سەرووی 30 ملیار دۆلارە و پێمانوایە دەبێت بەرەو باشتر هەنگاو بنێین. پێکەوە باسمان لەو کێشە و ئاستەنگانە کرد کە کاریگەرییان لەسەر بازرگانیی نێوانمان هەیە و لە ڕێگەی وەزارەتەکانمانەوە بڕیاری چارەسەرکردنیان درا.
وەزیرانی دەرەوە، ڕێگەوبان و شارسازی، بازرگانی، نەوت، کارەبا و وزە، ناوخۆ و بەرگری لەگەڵ ژمارەیەک ڕاوێژکار و ڕاگەیاندنکارانی ئێران، یاوەریی ئیبراهیم ڕەئیسی بوون لە سەردانەکەی بۆ ئەنقەرە.
هاوکات، شاندی باڵای تاران -ئەنقەرە، واژۆیان لەسەر 10 ڕێککەوتننامەی هاوبەش لە بوارەکانی کولتوور، زانست، ڕاگەیاندن، ناوخۆ، گواستنەوە و گەیاندن، بازرگانی و ئابووری کرد.
ئەردۆغان وتی بەردەوام کاردەکەین لەپێناو پاراستنی بەرژەوەندییە هاوبەشە باڵاکانی نێوانمان.
لە کۆبوونەوەی شاندی هاوبەشدا بڕیار لەسەر کردنەوەی دوو دەروازەی نوێ درا و ژمارەی دەروازە و خاڵە گومرگییەکان بۆ پێنج دەروازە زیاد دەکرێن.
دەروازەی گومرگیی گوربوڵاک لە پارێزگای ئاگری، ئەسەندەرە لە پارێزگای جۆلەمێرگ، دیلئوجو لە پارێزگای ئیدر لە باکووری کوردستانن. جگە لەمەش دەروازەی وان هەیە کە گەشتیارانی ڕۆژهەڵاتی کوردستان و ئێران لێیەوە سەردانی وان و پارێزگەکانی دیکەی باکووری کوردستان دەکەن.
ئەگەر ئێران ڕەزامەندی بدات، دەروازەیەکی دیکەش لەنێوان وان و ڕۆژهەڵاتی کوردستان دەکرێتەوە. ئەم پێشنیازەی تورکیا لە کاتێکدایە ساڵی ڕابردوو 2.3 ملیۆن گەشتیار لە ئێرانەوە سەردانی تورکیایان کردبوو. لە بەرانبەردا 357 هەزار گەشتیار لە تورکیاوە سەردانی ئێرانیان کردبوو.
لە 2014ەوە، لووتکەی کۆبوونەوەکانی ئەنجوومەنی باڵای هاوئاهەنگی لەسەر ئاستی سەرۆکایەتی کۆماری هەردوو وڵات دەکرێت.
بڕیار بوو ئیبراهیم ڕەئیسی ڕۆژی 04-01 2024، سەردانی ئەنقەرە بکات، بەڵام ڕۆژێک پێشتر و لە 3ی مانگ لە نزیک گۆڕی قاسم سلێمانی، فەرماندەی پێشووی فەیلەقی قودسی سوپای پاسداران دوو تەقینەوە ڕوویاندا و بوونە هۆی کوژرانی 92 کەس و برینداربوونی دەیان کەسی دیکە، بەمەش سەردانەکە هەڵوەشایەوە.
ئەو کۆبوونەوەیە لەکاتێکدایە، ڕۆژی 18-07-2022، ڕەجەب تەیب ئەردۆغان، لەسەر بانگهێشتی فەرمیی ئیبراهیم ڕەئیسی، سەردانی تارانی کردبوو.[1]

سەرۆک کۆماری تورکیا ڕایدەگەیەنێت، ڕێگەنادەن ڕێڕەوێک لەبەردەم پەیەدە بکرێتەوە بۆ سەر دەریای سپی ناوەڕاست، دەشڵێت، ئەمریکا تائێستا زیاتر لە هەزار بارهەڵگر چەک و تەقەمەنی بۆ #یەپەگە# ڕەوانە کردووە.
رەجەب تەیب ئەردۆغان، سەرۆک کۆماری تورکیا لە میانەی دیمانەیەکیدا لەگەڵ ڕۆژنامەی حورییەتی تورکی ڕایگەیاند ئەمریکا تائێستا زیاتر لە هەزار بارهەڵگر چەک و تەقەمەنی بۆ یەپەگە لە باکوری سوریا ڕەوانە کردووە کە هێشتا بە ڕوونی نازانرێت چییان تێدایە.
ئەردۆغان وتیشی لە لوتکەی G20 دا بە ترەمپ و ژەنەراڵە ئەمریکییەکانم وت (ئەو چەکانەی بە پارەش بە ئێمەی نافرۆشن، بە خۆڕایی دەیدەن بە یەپەگە).
راشیگەیاند وەک تورکیا ڕێگەنادەن باکوری سوریا بەڕووی دەریای ناوەڕەستدا بکرێتەوە و دەستوەردان دەکەن جا باجەکەی هەرچییەک بێت، گرنگ نییە بەلایانەوە.
سەرۆکی تورکیا ئاماژەی بۆ ئەوە کرد، ئۆپەراسیۆنی قەڵغانی فورات لەو پێناوەدا ئەنجامدرا و گرتنی جەرابلوس و ڕای و باب پرۆژەیەک بووە بۆ دابڕینی ناوچەکە لەوەی بگاتە سەر دەریای ناوەڕاست.
وتیشی هێشتا ئەرکی قەڵغانی فورات کۆتایی نەهاتووە و سورن لەسەر مەسەلەی عەفرین و ڕێگری دەکەن لە دروستکردنی ڕێڕەوێک بەرەو دەریای ناوەڕاست.
وەرگێڕانی: کامەران ئەحمەد[1]
24-08-2017

مانگی 9/2015
رۆژنامەی واشنتۆن پۆستی ئەمریکی لەهەواڵێکدا باس لەوە دەکات، وەزارەتی بەرگری ئەمریکا نزیکەی 100 کارتۆنی گەورە یارمەتی و پێداویستی سەربازی لە بنکەیەکی ئەمریکا لەکەنداوی عەرەبی ئامادەکردووە و لەڕێیگەی فڕۆکەی بارهەڵگری سەربازییەوە لە ئاسمانی ناوچە کوردییەکان هەڵدەدرێنە خوارەوە، بەهۆی ئەوەی فڕۆکەکان ناتوانن لەو ناوچانەدا بنیشنەوە. ئەمەش لەکاتێکدایە.
ئەمەریکا، بریاریدا زیاتر لە 100 تەن چەک ڕاستەوخۆ بێ هیچ ناوەندگیرییەک پێشکێش بە یەپەگە بکات، سەرچاوەیەکی هەوالی باوەرپێکراو لە ژووری ئۆپەراسیۆنەکانی ئەم هەواڵەی ڕاگەیاند.
دەبێ بوترێت ئەوە یەکەمجارە ئەمەریکا، ڕاستەوخۆ پاش ڕەزامەندی کۆنگریس و ئیدارەی ئۆباما، چەک پێشکێش بە هێزێکی دەرەوەی سوپای ئەمەریکا بکرێت.
کاتێ لە کۆتایی پارساڵ، ئەمەریکا، لە بەرخۆدانی کۆبانێ چەکی نارد بۆ شەرڤانانی یەپەگە و بە بەکاربردنی هێزی ئاسمانی چەکەکانی بۆ خستنەخوارەوە، وەک باسی لێکرا چەکەکان هی یەکێتی نیشتمانی کوردستان بوو.
جێگای باسە،پرۆسەی ئازادکردنی جەرابلس، دەستی پێکرد، فرۆکەکانی هاوپەیمانان و تۆپخانەی یەپەگە لە دوێنیەوە بەخەستی جەرابلس بۆرمان دەکەن، ئیمڕۆ ناوەندی ڕاهێنانی "ئەشبال" کە لە ناو جەرابلسدایە و ئەفسەری تورکان ڕاهینان بە تیرۆریستان دەکەن، کەوتە بەر پەلاماری فرۆکەکانی هاوپەیمانان و زەرەر و زیانێکی باشی لێدان و ناوەندەکەیان خاپورکرد.

لە فەیسبووکی بەڕێز: نیاز حەمیدوە وەرگیراوە.

24-11-2017

[1]

یەکێک لە شەڕڤانەکانی ڕۆژئاوای کوردستان، بەتەمەنترین شەڕڤانە کە لە تەمەنی 83 ساڵیدایە و چەکی شەرەف و پارێزگاری کوردستان کردووەتە شانی و لە سەنگەری بەرگریدا ڕووبەڕووی چەتەکانی داعش بووەتەوە.

دەقی پەیامەکەی مەسرور بارزانی:
پەیامێک لە سەرۆکی حکومەتی هەرێمی کوردستانەوە دەربارەی هێرشی یەپەگە بۆ سەر هێزەکانی پێشمەرگە
شەوی ڕابردوو گرووپێک لە چەکدارانی پەکەکە هەوڵیاندا بە شێوەیەکی نایاسایی لە سوریاوە بێنە ناو خاکی هەرێمی کوردستانەوە، ئەمەش پێچەوانەی ڕێنمایی و یاساکانی ئێمە و یاساکانی پاراستنی سنوورە، بۆیە لە لایەن هێزە ئەمنییەکانمان ڕێگرییان لێکرا.
دواتر هێزێکی یەپەگە، بە چەکی قورسەوە هێرشیان کردە سەر بنکەیەکی پێشمەرگە و هێزی پێشمەرگەش، دەمودەست وەڵامیان دانەوە و هێرشەکەی یەپەگەیان تێکشکاند.
من بە تووندترین شێوە ئەم هێرشە شەرمەزار دەکەم کە پێشێلکارییەکی ئاشکرا و یاسایی خاکی هەرێمی کوردستان و دەسەڵاتی حکومەتی هەرێمی کوردستانە.
داواش لە دۆست وهاوبەشەکانمان لە هاوپەیمانی نێودەوڵەتی دەکەم، دڵنیایی بدەن کە یەپەگە ئەو جۆرە دەستدرێژییانە دووبارە ناکاتەوە و ڕێگەش نەدەن یارمەتیی وڵاتانی بیانی بۆ هێرشکردنە سەر خاکی هەرێمی کوردستان بەکاربهێنن. بێگومان دووبارەبوونەوەی هەر هێرشێکی لەم شێوەیە، زیانی زۆر بە ئاسایشی ناوچەکە دەگەیەنێت.
ستایشی پێشمەرگە قارەمانەکانیش دەکەم کە هەموو ڕۆژێک، ژیانی خۆیان دەخەنە مەترسی لە پێناو پاراستن و سەلامەتی ئێمە.
مەسرور بارزانی
سەرۆکی حکومەتی هەرێمی کوردستان
16/12/2020[1]

حامی ئاکسۆی، گوتەبێژی وەزارەتی دەرەوەی تورکیا لە ڕاگەیێنراوێکدا کە لە ماڵپەڕی فەرمی وەزارەت بڵاویکردووەتەوە ئاماژەی بەوەداوە: ئەم پڕوپاگەندەیەی بۆ تیرۆر دەکرێت، ئەنجامی سیاسەتی فەرمی فەرەنسایە.
لە ڕاگەیێنراوەکەدا هاتووە: فەرەنسا هەوڵەکانمان لە چوارچێوەی بەرەنگاربوونەوەی تیرۆر، پاراستنی ئاسایش و ئەمنییەتی ناوچەکە و ڕێزگرتن لە یەکپارچەیی خاکی سووریا بە داگیرکاری دەزانێت. ئەو شکستە قووڵەی لە ڕێگەی ئۆپەراسیۆنی کانی ئاشتییەوە لە خەون و پلانی تیرۆریستانماندا کە دەیانویست دەوڵەتی تیرۆر دابمەزرێنن، هیچ بنەمایەک بۆ ئەو جۆرە تۆمەتانە ناهێڵنەوە.
گوتەبێژی وەزارەتی دەرەوەی تورکیا ڕەخنە لە سیاسەتی فەرەنسا بەرامبەر پرسی کورد دەگرێت و دەڵێت: لە ڕابردووشدا چەندینجار ئاماژەمان بەو سیاسەتە هەڵەیەی فەرەنسا داوە کە پێداگرە لەوەی پاڵپشتی لەو ڕێکخراوە تیرۆرییە بکات و پەکەکە/یەپەگە لەگەڵ کوردی سووریا دەخاتە تای یەک تەرازووەوە. [1]